El Principáu celebra’l Día de la Llingua Materna con actividaes en dellos conceyos

El Gobiernu d’Asturies va conmemorar la selmana qu’entra la celebración del Día de la Llingua Materna (21 de febreru) con un programa d’actividaes que va desenvolver en Grandas de Salime, Piloña, Noreña y Cangas del Narcea. La Conseyería de Cultura, Política Llingüística y Turismu, al traviés de la Dirección Xeneral de Política Llingüística, impulsa actividaes d’artes plástiques, teatru y talleres empobinaos al públicu infantil cola mira de reivindicar la importancia y la riqueza que l’asturianu y l’eonaviegu representen dientro de la cultura asturiana. Toles actividaes van ser gratuites pal públicu interesao.

El llunes que vien la Casa de Cultura de L’Infiestu va acoyer a partir de les 17:00 hores Mazcaraes d’iviernu, a cargu d’Aladanza Educación y Tradición. Una actividá que celebra la llegada de los díes de más lluz y onde, aprovechando l’antroxu, los más pequeños van poder preparar una mázcara del personaxe protagonista de les mazcaraes tradicionales que quieran más. Yá’l martes la Casa de Cultura de Noreña va ser l’escenariu de la representación de Les aventures del cuélebre tragón, teatru de marionetes a  cargu d’Elisabet Martín Teatro. La función va empezar a les 18:00 hores.

Read Full Post »

Un circuitu de teatru zarra la programación del añu de Política Llingüística

La Dirección Xeneral de Política Llingüística del Gobiernu d’Asturies remata la programación del añu con un circuitu de cuatro funciones teatrales espardíes per tol territoriu con entrada llibre y gratuita.

Les funciones son les ganadores del Premiu de Teatru Nel Amaro, qu’entama la Conseyería de Cultura, Política Llingüística y Turismu, y van poder vese en Siero, Bimenes, Navia y Pravia.

Read Full Post »

Carlos Alba gana’l Premiu Nel Amaro pela segunda vez col espectáculu ‘Les madreñes vacíes’

L’espectáculu ‘Les madreñes vacíes’, de Carlos Alba, ye’l ganador del VI Premiu Nel Amaro de Teatru profesional n’asturianu 2022. Ye la segunda ocasión en que’l trabayu d’Alba se reconoz col Premiu, porque nel 2017 recibió esti gallardón pola so adaptación ‘Llázaro de Tormes’.

El xuráu destacó “el bon trabayu actoral, la interacción que consigue col públicu, la integración d’oxetos y títeres y l’usu d’una referencia lliteraria universal como Miguel Hernández p’ampliar el repertoriu teatral asturianu”.

Read Full Post »

Quince empreses qu’usen l’asturianu participen nel Reguerada Fest, espaciu d’alcuentru de la cultura nel idioma

Candás va acoyer del xueves al domingu’l I Reguerada Fest, iniciativa del Gobiernu pa crear un espaciu d’alcuentru de la cultura en llingua asturiana. Van entamase más d’una docena d’actividaes estos cuatro díes y la Fábrica d’Ortiz va agospiar un Mercáu y Feria d’Empreses na que participen un total de quince firmes qu’empleguen l’asturianu.

“Carreño ye una zona mui vinculada a la cultura n’asturianu”, aseguró na presentación Antón García, direutor xeneral de Politica Llingüístca, Antón García, qu’apuntó qu’anque en Candás “suelen dicir que ye’l ñero de la lliteratura asturiana, yo creo que ye un poco más que’l ñero, ye l’aniciu, l’orixe de la lliteratura n’asturianu y paecíanos un bon sitiu pa rindir homenaxe a Antón de Marirreguera”, autor del autor del primer testu conserváu de la historia de les nueses lletres, el ‘Pleitu entre Oviedo y Mérida: Sobre la posesión de las cenizas de Santa Eulalia’, del 1639. Asina, escoyóse’l nome de Reguerada Fest pa esta iniciativa.

Read Full Post »

El VI Premiu Nel Amaro, qu’estrena web, entra na so fase de festival

PABLO R. GUARDADO

Llega ochobre y con él el meyor teatru nes llingües propies del país. El VI Premiu Nel Amaro de Teatru Profesional en Lingua Asturiana y Gallego-asturiano entra na so fase de festival cola representación de les cuatro obres finalistes d’esta edición, que se van representar los vienres del mes nel uvieín Teatru Filarmónica con entrada llibre.

Kamante Teatro va ser la primera en defender la so propuesta, ‘Con M mayúscula’, pa siguir el día 14 con ‘Les madreñes vacíes’, de Carlos Alba; el 21 con ‘Aventurina l’ablana’, de Factoría Norte; y el 28 con ‘La sierva patrona’, de Nun Tris Producciones. Toles representaciones, que coinciden nesta ocasión en tar orientaes a un públicu infantil o mozu, van ser a les 18 hores.

Read Full Post »

Nun Tris, Kamante Teatro, Factoría Norte y Carlos Alba, finalistes del VI Premiu de Teatru Nel Amaro

Les propuestes escéniques en llingua asturiana de Nun Tris, Kamante Teatro, Factoría Norte y Carlos Alba son les finalistes de la sesta edición del Premiu Nel Amaro de Teatru Profesional en llingua asturiana o gallego-asturianu.

El xuráu reunióse esta selmana pa valorar les candidatures y determinar los finalistes d’esta edición, que son Kamante Teatro, col espectáculu Con M mayúscula; Producciones Nun Tris, col espectáculu La Sierva Patrona; Factoría Norte, col espectáculu Aventurina, l’ablana; y Carlos Alba, col espectáculu Les madreñes vacíes.

Read Full Post »

Política Llingüística convoca’l Premiu «Nel Amaro» de teatru profesional

La Conseyería de Cultura, Política Llingüística y Turismu convocó la sesta edición del Premiu «Nel Amaro» de Teatru Profesional n’asturianu o gallego-asturianu, que busca contribuyir a consolidar, arriquecer y prestixar estes dos llingües nel ámbitu del arte dramáticu. Nesta ocasión, la propuesta ganadora va recibir 6.000 euros, amás d’una pieza artística.

Al gallardón pueden optar les obres de compañíes profesionales que yá s’estrenaren, tanto orixinales como versiones o adaptaciones de títulos n’otres llingües, que nun resultaren finalistes na edición anterior. El plazu pa presentar los proyectos remata esti 6 de xunu. 

Read Full Post »

Percorríu poles lletres asturianes n’ochobre con Asturies, Cultura en Rede

El programa Asturies, Cultura en Rede ufierta un percorríu poles lletres asturianes con un ampliu programa d’actividaes de los circuitos de lliteratura y Autores nel Camín pal mes d’ochobre. Asturies, Cultura en Rede ye un proyectu de la Conseyería de Cultura, Política Llingüística y Turismu, realizáu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies, que tamién incluye circuitos temáticos d’artes escéniques, Xacobéu, artes visuales, música y cultura tradicional por distintos conceyos del Principáu.

17 actividaes en 13 conceyos conformen la programación del circuitu de lliteratura pal mes viniente. Tras la Puerta Títeres va llevar Cuentos de casa a Castrillón, Gozón y Noreña; El Arca de Mozart, Operación Zanahorias, a Mieres, y ¿A qué suenan los libros? a Cuaña; Carlos Alba Cellero, La Caja Mágica, a Ribeseya; Elisabet Martín Teatro, Descubriendo a Gloria Fuertes, a La Ribera; y Producciones Viesqueswood, Asturias: voces femeninas de nuestra historia, a Tinéu. Va haber un alcuentru lliterariu con Xaime Martínez en Llangréu y va esponese en Gozón el poemariu ilustráu Una mitología. Seres y mitos del norte con alcuentru colos sos autores, Aurelio González Ovies y Toño Velasco, incluyíu. Storytellers va actuar en Cangas; El Velcro, en Llangréu; y Puppys, en Cuaña y Llaviana. Tamién van realizase los talleres Palabras como llaves, de Musa Cafeína, en Grau y La Ribera, y El sombrero que voló ¡Ilústralo tú! con Pintar-Pintar Editorial en Villaviciosa.

Read Full Post »

Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

Read Full Post »

Tineo cuenta cuentos en asturiano

D. ÁLVAREZ

El XXI Certame L.literariu “César Feito” de Tineo premió hasta 15 cuentos de los 142 recibidos de los escolares de los centros educativos de Tineo y Allande. Clasificados en tres categorías separadas por edades, se escogió al mejor de cada una de ellas, que resultaron ser muy diferentes entre ellos.

En la categoría A (hasta 8 años), el premio recayó en Leyre Pérez, del colegio público El Pascón de Tineo, que escribió la historia titulada “Xosefa nun tien mozu”. Un cuento de amor protagonizado por una sirena y su mascota, una gaviota. “Estoy contenta porque es la primera vez que ganó”, aseguró la pequeña escritora.

Read Full Post »