Feeds:
Antradas
Comentairos

Posts Tagged ‘Carlos Ciaño’

‘Carlos Ciaño (1855-1925). Ente Cuba y Asturies’ (Ediciones Trabe) ye’l títulu de la obra última que firma Lluis Portal. Nél céntrase na figura d’esti emigrante nacíu en Villaviciosa y que crució’l charcu nel 1882.

En Cuba nun tardó en ganase un nome dende les lletres y na distancia nun dexó d’emplegar la llingua asturiana. Na so obra lliteraria destaca ‘Tipos y topos’ (1886), ‘Cantares’ (1888) y ‘El Castillo de Yuros’ (1893).

(more…)

Read Full Post »

LLUIS PORTAL

Cúmplense 15 años de la fundación de la compañía teatral “Nun Tris”, años vivíos cola intensidá d’un teatru profesional de calidá y afitáu nel trabayu de dos persones fundamentales nel grupu como son Inma Rodríguez y Toño Caamaño (dambos con cursos d’Interpretación, nel ITAE; Dirección d’Escena, nel ESAD; Antropoloxía y un máster n’Artes Escéniques en Madrid, d’Inma, y d’Historia y Análisis Sociocultural de Toño, que prepara’l Doctoráu n’Artes Escéniques en Vigo) y la collaboración nesti tiempu de más de 80 actores y actrices, amás d’un númberu importante de directores d’escena, cantantes, bailarines, malabaristes, animadores, intérpretes musicales y otros.

Nesti tiempu fueron más de 40 les obres representaes: dalgo más de venti n’asturianu -con cerque de 400 funciones-, y cásique otres tantes en castellanu. El grupu especializóse progresivamente nel teatru asturianu, un teatru de calidá que cásique nadie fai -a lo menos nun lo fai de forma continuada o seria-. Non porque nun se faga teatru en bable, que se fai, sinon pol cataxe costumbrista d’eses obres. Porque n’asturiano escribióse, muncho, desque Antón de Marirreguera estableciere, nel siglu XVII -posiblemente ya antes, anque nun llegaríen hasta nós aquellos trazos primeros d’esi teatru-, un teatru popular basáu n’obres mitolóxiques cultes mui adecuaes pa satisfacer los gustos barrocos d’aquella época, hasta prácticamente l’actualidá -o ensin practicamente- con dalgún certame de xéneru, dellos escritores mozos, grupos que faen esti tipu de teatru -fundamentalmente amateur-. (more…)

Read Full Post »

PABLO R. GUARDADO

Nel 1995 debutó, como Teatru de Trebolén, una de les compañíes más actives del teatru asturianu: Producciones Nun Tris. Esti grupu ta acabante d’editar un llibru nel que recueye toles propuestes qu’entamó nos sos 15 primeros años de vida.

‘Quince años a la gueta les llendes del teatru asturianu’ ye’l nome de la obra conmemorativa que se presentó esta mañana nel Muséu del Pueblu d’Asturies. Los dos cabezaleros de la compañía, Inma Rodríguez y Antón Caamaño, encargáronse de conducir l’actu, nel que tamién participó Lluis Portal Hevia, collaborador de Nun Tris con dalgunes tornes. L’escritor, periodistas y investigador villaviciosín destacó que se cumplen “quince años de la fundación de Nun Tris; quince años vivíos cola intensidá d’un teatru profesional de calidá y afitáu nel trabayu de dos persones fundamentales del grupu como son Inma Rodríguez y Antón Caamaño”, pa depués emponderar el llabor “de los más d’ochenta actores y actrices” que pasaron pel grupu, “amás d’un númberu importante de collaboradores d’escena, cantantes, baillarines, malabaristes, animadores, interpretes, etc.”. (more…)

Read Full Post »

LLUIS PORTAL

Nació en 1855 nel barriu de La Oliva de Villaviciosa, fue fíu de Tomás García-Ciaño y la llastrina Paulina del Canto, que morrería en Cuba a los 83 años. Fizo estudios primarios na Villa y de bachillerato en Valdediós. Marchó a Cuba en 1882, acompañando a la so hermana María Teresa, nel vapor Xixón, que naufragó fatalmente durante la singladura oceánica pudiendo salvase tou’l pasaxe. En Cuba la so hermana fizo llabores de prensa brevemente, pues morrió nueve meses dempués de fiebre mariella o vómitu negru. Tenía 28 años, y taba casada col que sería director del «Diario de la Marina», Nicolás Rivero, natural de Les Caleyes (Villaviciosa), col que contraxo núpcies por poderes.

Fue la primer decepción, ente les munches que recibiría; a la isla caribeña llegaren seis hermanos -de trece que tuvo-: Francisco, Félix, Pedro José, María Teresa, Álvaro y Paulina. Varios d’ellos realizaron llabores d’escritor. Carlos Ciaño fízose periodista xunto a Nicolás Rivero, yera la dómina radical de periódicos como El Rayo, y otres esperiencies difíciles que terminarín col estrañamientu de Nicolás. Pero tamién hubo bonos tiempos, como la etapa de «El Eco de Covadonga», que tuvo bona acoyida ente los emigrantes. (more…)

Read Full Post »