“Asturies va conocer meyor la so historia llingüística gracies a esti diccionariu”, destaca García Arias

PABLO R. GUARDADO

Xosé Lluis García Arias presentó’l primer tomu del so Diccionariu Etimolóxicu de la Llingua Asturiana (DELLA), un preséu que, según apuntó, va permitir conocer meyor la historia llingüística d’Asturies. La intención de l’ALLA ye sacar dos tomos más esti mesmu añu.

“La xente podrá comprobar que nun tenemos cuatro pallabres, sinón que ye un diccionariu d’una gran riqueza, frutu del trabayu de comunicación de los asturianos a lo llargo de la historia. Y esos materiales, na midida de lo posible, nun pueden desapaecer, hai que mantenelos, porque nellos ta la clave munches veces de poder entender bien un documentu, d’entender bien usos y pallabres de güei; etc. Cualquier idioma que se precie necesita conocer bien la so historia y Asturies, gracies a esti diccionariu, va conocer meyor la so historia llingüística, que ye la historia cultural, y que, nel fondu, ye la historia del pueblu tamién”, apuntó’l caderalgu de Dialeutoloxía de la Universidá d’Uviéu y primer presidente de l’Academia de la Llingua Asturiana (ALLA) a Asturies.com tres l’actu celebráu esta mañana nel Paraninfu de la Universidá d’Uviéu.

Read Full Post »

L’Alla desenvuelve esti Payares les XXXVI Xornaes d’Estudiu

L’Academia de la Llingua Asturiana vieno acabante d’asoleyar esti dia’l programa de les Xornaes que va organizar como tolos años del 7 al 9 del mes de Payares na Facuáltá de Filosofia y Lletres del campus delán Milán.

Les XXXIV Xornaes Internacionales d’Estudiu van celebrase como cada añu sedrá nel salón d’actos de la Facultá de Filosofía y Lletres y la inauguración va tener llugar el martes 7 a les 12 hores cola presentación de dos espublizaciones de l’Academia de la Llingua Asturiana, la edición dixital del “Lletres Asturianes 117” y el nuevu númberu de la revista dixital “Ciencies. Cartafueyos de Ciencia y Teunoloxía 7”, dixirida por Carlos Lastra.

Tres de la presentación entamarán les xornaes propiamente diches cola participación del académicu Francisco Llera Ramo (Universidá del País Vascu) que va facer la presentación en sociedá de la III Encuesta Sociolingüística de Asturias.

Read Full Post »

Entamen los Cursos de la Universidá Asturiana de Branu (UABRA)

Esti próximu llunes 28 de xunetu, a les 13 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (UABRA): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea.

Nel actu intervendrán el Vicerrector d’Estensión Universitaria y Comunicación de la Universidá d’Uviéu, Vicente Domínguez García; l’Alcalde del Conceyu de Cangas del Narcea, José Luis Fontaniella Fernández y el Direutor de los Cursos, Xosé Antón González Riaño.

Los Cursos y xeres complementaries desendolcaránse ente los díes 28 de xunetu y 8 d’agostu y nellos van participar más d’un centenar de persones.

Read Full Post »

L’Academia celebra’l sábadu la prueba de conocencia de mayu

PABLO R. GUARDADO

Esti xueves ye’l día caberu pa formalizar la matrícula pa la prueba de conocencia de mayu de l’ALLA, que ve tener llugar esti sábadu na Escuela d’Inxeniería Informática. Otra manera, yá ta abiertu’l plazu d’inscripción pa la UABRA.

“L’Academia de la Llingua Asturiana, sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu”, ta acabante d’abrir la matrícula del segundu de los dos esámenes que celebra tolos años –el primeru ye en xineru–, que sirve pa que les persones interesaes puedan algamar el documentu qu’afita la so conocencia d’asturianu nel nivel 1 o básicu. Pa ello han d’amosar un dominiu tanto de les normes llingüístiques como de la situación actual del idioma y del procesu de normalización nel que ta inxertu.

Read Full Post »

Abrese la matrícula nos Cursos de Branu d’Uniovi y la UABRA

Como cada añu, el Vicerrectorado d’Estensión Universitaria y Comunicación publica la so ufierta de Cursos de Branu, coles mires de proxectar la conocencia a la sociedá asturiana y dientro d’ellos los cursos de la Universidá Asturiana de Branu de l’Academia de la Llingua (UABRA) que se celebren en Cangas del 28 de xunetu al 8 d’agostu. Esti añu hai convocaos, amás de los cursos elemental y avanzáu, el cursu de capacitación pala traducción, unu d’ecoloxía y otru sobre l’emplegu didáuticu d’Internet.

El curus básicu de llingua asturiana inclúi, con 60 hores llectives, un repás peles Normes ortografiques, la sociollingüística aplicada al casu asturianu, exercicios escritos, situaciones comunicatives escrites y orales, y un averamientu a la Lliteratura Asturiana.

Read Full Post »

L’Academia de la Llingua reelixe a Ana Cano

Ana María Cano González va seguir siendo presidenta de l’Academia de la Llingua Asturiana (ALLA) por cuatro años más dempués de ser reelexía nel cargu en xunta estraordinaria. Ana María Cano González dirixe la institución dende’l 25 de mayu de 2001. Tamién fueron reelexíos Miguel Ramos (vicepresidente), Roberto González (secretariu), Urbano Rodríguez (vicesecretariu) y Carlos Lastra (ayalgueru). Estos cargos tendrán un llargor de cuatro años, según los estatutos de l’ALLA.

(del Qué ye ho!, 21-06-2013)

Read Full Post »

La llingua asturiana prospera ‘na rede’

JAVIER G. CASO

Una apuesta por las nuevas tecnologías. La Academia de la Llingua Asturiana (ALLA) tiene claro que sus publicaciones deben estar presentes en internet, lo que contribuirá a facilitar su difusión.

El salón de actos de la facultad de Filosofía y Letras acogió ayer, en el marco de las Xornaes Internacionales d´Estudiu, que este año alcanzan su trigésima edición, la presentación en público de la edición digital de Lletres Asturianes , el boletín oficial de la Academia de la Llingua Asturiana, así como de una nueva publicación que no se editará en papel: Ciencies. Cartafueyos asturianos de Ciencia y Tecnoloxía . Ambas revistas estarán disponibles en la página web de la academia a partir de hoy miércoles.

Read Full Post »

L’ALLA va presentar el llunes el primer númberu de ‘Ciencies’

PABLO R. GUARDADO

Esti llunes, al meudía, va tener llugar la presentación del prímer númberu de ‘Ciencies. Cartafueyos asturianos de ciencia y teunoloxía’. Esta espublización, de calter añal, surde col oxetu d’esparder socialmente los avances científicos y teunolóxicos.

Dirixida por Carlos Lastra, la portada d’esti primer númberu ta dedicada al campu San Francisco d’Uviéu, “el primer xardín históricu d’Asturies’. Nella tamién se destaquen los artículos ‘Patrimoniu xeolóxicu astur’, ‘Xenomes y cancer’, ‘Les llibélules d’Asturies’, ‘Los nanomateriales, una revolución teunolóxica’ y ‘Siete races, un país: l’asturcón y la cabra bermeya’.

Read Full Post »

L’Academia va espublizar la revista “CIENCIES. Cartafueyos Asturianos de Ciencia y Teunoloxía”

La presidenta de l’Academia de la Llingua Asturiana (ALLA), Ana Cano, dio anuncia nel so discursu institucional nel Teatru Campoamor, el vienres pasáu, de la publicación d’una nueva revista académica, “CIENCIES. Cartafueyos Asturianos de Ciencia y Teunoloxía”, una revista dixital, que surde, con periodicidá añal y baxo la direición del académicu Carlos Lastra, “col oxetu d’esparder socialmente los avances científicos y teunolóxicos”.

Cano anunció que’l pruyimientu de l’ALLA “ye poder presentala nes próximes Xornaes d’Estudiu que se fairán n’Uviéu los díes 8, 9 y 10 de payares”. Nella, esplicó “asitiáranse de mou preferente los conteníos científicos que baxo’l formatu de conferencies se desendolquen dientro del programa formativu de la Universidá Asturiana de Branu”. El númberu 1 ta yá zarráu y Cano dixo esperar con esta iniciativa “dar rempuesta afayadiza al pidimientu que se mos fixo en 2010 dientro de les Xornaes d’Estudiu”.

(d’Asturnews, 12-05-2011)

Read Full Post »

L’Academia de la Llingua recupera’l cursu d’Ecoloxía y estrena otros dos pa filólogos y profesores de gallego-asturianu

L’Academia de la Llingua Asturiana va recuperar esti mes d’agostu, na XXVII edición de los sos cursos de branu, el d’Ecoloxía y Mediu Ambiente, amás de crear dos nuevos títulos, destinaos a la formación de filólogos en xeneral y de profesores de gallego-asturianu.

Son les novedaes principales de la edición d’esti añu, que se va desarrollar demientres les dos primeres selmanes d’agostu na Escuela Hogar de Santantolín d’Ibias, y que güei presentaron oficialmente en rueda la presidenta de l’Academia, Ana Cano, el director de programación de los cursos, Xosé Antón González Riaño, y el responsable del cursu d’Ecoloxía y ayalgueru de l’Academia, Carlos Lastra.

Read Full Post »