Feeds:
Antradas
Comentairos

Posts Tagged ‘Carlos Pulgar’

La manifestación a favor de la oficialidá de la llingua asturiana, que como tolos años convoca la Xunta pola Defensa de la Llingua Asturiana (XPDL) coincidiendo cola celebración del Día de Les Lletres, va calcar esti vienres nel “frenu” al procesu de recuperación de la toponimia tradicional y al baxu usu d’esti idioma nos medios de comunicación públicos.

Asina lo señalaron Carlos Pulgar y María Xosé Martínez, qu’en nome de la Xunta, ofrecieron una rueda prensa pa presentar la manifestación, que va tener llugar esti vienres, 9 de mayu, a partir de les 19.30, y va partir dende la Estación de Renfe d’Uviéu.

(more…)

Read Full Post »

PABLO R. GUARDADO

Esti martes va tener llugar na Facultá de Formación del Profesoráu y Educación la I Xornada ‘La Llingua Asturiana nel Sistema Educativu d’Asturies’. La Delegación d’Alumnos y Alumnes Grupu 36 entama esta actividá.

Prevista nun primer momentu pal miércoles, la fuelga d’estudiantes llevó a adelantar a mañana esta iniciativa coordinada por Raúl Carbajal. La xornada vien tres la demanda por parte del Grupu 36 d’una mayor visibilización del idioma na facultá y ta enfocada de manera principal al profesoráu del sistema educativu asturianu, anque l’asistencia ye abierta y de baldre pa tola ciudadanía. La inauguración de la mesma ta marcada pa les 10.30 hores na sala de graos del edificiu norte y va contar cola presencia de Juan Carlos San Pedro Veledo, decanu de la Facultá de Formación del Profesoráu y Educación, y Luis Rodríguez Muñiz, vicerrector d’Estudiantes de la Universidá d’Uviéu, amás del propiu Carbajal. (more…)

Read Full Post »

La Xunta Pola Defensa de la Llingua Asturiana entama esti miércoles a les 19:00 nel CSOA La Madreña (Cai Xeneral Elorza 32, Uviéu) la mesa redonda entitulada “La tele que queremos”. L’envís de la mesma sedrá afondar alrodiu’l papel d’un serviciu públicu de comunicación como normalizador del idioma, temática na que vien trabayando la XDLA na so reivindicación d’una RTPA n’asturianu dafechu.

Pa ello, amás de cola moderación de Carlos Pulgal (XDLA), va a cuntase cola participación de Carlos Menéndez Otero (profesor de la Universidá d’Uviéu), Oscar Vega (miembru del Comité d’Empresa de la RTPA), Xosé Antón Fernández “Ambás” (músicu y presentador) y Damián Barreiro (periodista), conformando asina un alderique con visiones vinientes dende distintos puntos de vista venceyaos al mediu.

(d’InfoAsturies, 25-02-2014)

Read Full Post »

PABLO R. GUARDADO

2.000 exemplares vendíos, tres una primer edición de 1.500 y una segunda de 500. Ésos son los númberos que presenta’l cómic d’Astérix y que va llevar a Bruño, merecedor del Pegollu de la XDLA xunto con Caudalia, a siguir apostando pol idioma.

Asina, nel 2015, fecha na que ta prevista la espublización de l’aventura próxima del galu y del so collaciu Obélix, ‘Astérix chez les Bataves’, va haber la correspondiente versión asturiana del cómic y, posiblemente, una torna del númberu 1 de la coleición, ‘Astérix le Gaulois’, según confirmó a Asturies.com Miguel González, el direutor comercial de Distribuciones Terrier, qu’acompañó a Isabel Carril, direutora editorial de Bruño, a recoyer el Pegollu de los XXIX Premios Andrés Solar de la Xunta pola Defensa de la Llingua Asturiana, gallardón compartíu col centru comercial Caudalia. La razón d’esta apuesta nueva de la editorial madrilana pola llingua asturiaana son los 2.000 cómics espublizaos de ‘Astérix na Tierra los Pictos’ –con traducción de María Xosé Rodríguez– tres escosar una primer edición de 1.500 exemplares. Unos númberos más que relevantes que va permitir a los llectores asturianos a disfrutar na llingua propia de les andancies de los galos na so visita próxima a los bátavos, pueblu xermánicu qu’ocupaba parte del territoriu de lo qu’anguaño son los Países Baxos. (more…)

Read Full Post »

La Xunta pola Defensa de la Llingua Asturiana (XDLA) presentó esti sábadu l’Informe sobre la necesidá d’una programación n’asturianu en TPA, nun actu na Llibería Paradiso de Xixón, contó cola participación de Carlos Pulgar, portavoz de la Xunta pola Defensa de la Llingua; Toño Caamaño, actor y director de doblaxe; y Milio Rodríguez Cueto, escritor y profesor de llingua asturiana.

L’informe señala qu’ensin la tresmisión xeneracional nun va haber nenguna posibilidá de que l’idioma siga vivu na Asturies del futuru, polo qu’indica qu’hai qu’ufrir a les xeneraciones nueves conteníos televisivos nel idioma propiu y güei TPA nun ta cumpliendo con esti cometíu al qu’obliguen los sos estatutos. (more…)

Read Full Post »

El sábadu 23 de payares, a les 12.00 hores, coincidiendo colos actos del Festival Internacional de Cine de Xixón, la Xunta pola Defensa de la Llingua (XDLA) convoca una charla-presentación na Llibrería Paradiso, na cai La Mercé, 28, de Xixón, na que va presentar un “Informe sobre la necesidá d’una programación infantil n’asturianu en TPA” col que quier afitar la importancia de la programación empobinada a la reciella y que vien a completar l’informe sobre l’usu del asturianu nel Ente que presetare esti añu.

Na charla d’esti sábadu va participar Carlos Pulgar, portavoz de la Xunta pola Defensa de la Llingua, Toño Caamaño, actor y director de doblaxe y Milio R. Cueto, profesor y escritor de lliteratura infantil y xuvenil. (more…)

Read Full Post »

PABLO R. GUARDADO

Esti llunes celébrase la inauguración del Parador de Courias baxo la denominación castellana de ‘Corias’, actu nel que va tar presente’l presidente del país. La toponimia asturiana ye la única que la empresa Paradores nun respeta nel Estáu.

La Xunta pola Defensa de la Llingua Asturiana (XDLA) foi’l primer coleutivu en denunciar de forma pública l’usu del topónimu ‘Corias’ en cuenta del tradicional y oficial ‘Courias’, quexa a la que tamién se sumó l’Academia de la Llingua Asturiana. Carlos Pulgar, voceru de la organización, presente güei en Courias a títulu individual, afirmó que nun recibieren respuesta de la empresa pública Paradores a les comunicaciones unviaes, al igual que tampoco del ministeriu nin de Política Llingüística, dalgo que dexa nidio’l pocu enfotu de les alministraciones de respetar la llegalidá toponímica: el nome del establecimientu hoteleru de lluxu ye ‘Parador de Corias’. (more…)

Read Full Post »

En o marco d’as XX Chornadas d’as luengas d’Aragón, organizadas por l’Asociación Cultural Nogara – Religada, Carlos Pulgar, representant d’a Xunta Pola Defensa d’a Llingua Asturiana, concedió una entrevista ta Arredol feita en aragonés y asturiano. Ista luenga, igual como l’aragonés no tien l’estatus d’oficial en Asturias, encara que sí que tien bella lechislación tocant a l’amostranza y a l’emplego institucional, y un mayor numer de fablants.

¿Quál ye agora mesmo a situación d’a luenga asturiana?
Legalment a situación ye a mesma que dende fa prous anyadas. As leis que protechen l’asturiano son o propio estatuto de 1981, a on que nomás diz que será protechiu y dimpués una lei de protección, emplego y promoción d’a luenga de 1998, que ye una lei más gran que tracta muitos temas: l’amostranza, os meyos de comunicación, emplego institucional… Lo que pasa ye que ye una lei que en o 90% d’as cosas no se cumple. (more…)

Read Full Post »

Esti vienres pasáu Carlos Pulgar, en representación de la Xunta pola Defensa de la Llingua Asturiana (XDLA), intervinó nuna presentación pa describir la situación actual del asturianu tanto nel nivel educativu como nel mediáticu o nel institucional. L’actu celebróse nel Centru Chuaquín Roncal de Zaragoza, dientro de les XX Chornadas d’as Luengas d’Aragón.

“Estes xornaes coinciden col intentu qu’estos díes va facer el Gobiernu aragonés de modificar la Llei de Llingües d’Aragón y desactivar les poques midíes que se taben poniendo pa la protección de les llingües d’Aragón”, espliquen dende la XDLA.

(d’Asturnews, 13-05-2013)

Read Full Post »

La manifestación del Día Les Lletres, que como tolos años dende 1987, reivindica peles cais d’Uviéu la oficialidá de la llingua asturiana, va calcar esti añu na necesidá de defender la continuidá d’esta asignatura nel sistema educativu, tres la próxima entrada en vixencia de la nueva llei d’educación, conocida como Llei Wert.

Asina lo esplicaron Carlos Pulgar y Llucía Menéndez, de la convocante Xunta Pola Defensa de la Llingua Asturiana, nuna rueda prensa na que presentaron oficialmente la convocatoria de la manifestación, que va tener llugar esti vienres, a partir de les 19.30 hores, dende la Estación de Renfe d’Uviéu. (more…)

Read Full Post »

« Newer Posts - Older Posts »