La Xira pola Oficialidá va percorrer los conceyos “en defensa de la llingua asturiana y d’esti derechu constitucional”

PABLO R. GUARDADO

La movilización cívica Xira pola Oficialidá, impulsada pola Fundación Almastur y Iniciativa pol Asturianu, y abierta a tola ciudadanía y entidaes “con una sensibilidá asturianista y democrática”, va percorrer los conceyos del país y otres autonomíes con idioma propiu “en defensa de la llingua asturiana y del derechu constitucional que ye la oficialidá”. Carlos Rubiera y Iván Llera roblaron un conveniu de collaboración.

L’actu fíxose nel Atenéu Obreru de Xixón, al qu’agradecieron la cesión del espaciu. “Llevamos conversando y falando dende la seronda cola intención de collaborar ente les dos organizaciones de manera formal y continuada nel tiempu y a lo llargo d’estos meses vinimos madurando esta decisión de trabayar conxuntamente, una collaboración que tuvimos concretando nun conveniu nel que ponemos en común esi interés por trabayar en defensa y pol futuru de la llingua y cultura asturianes, que ye l’enfotu que tenemos en común les dos organizaciones”, apuntó nun primer momentu Llera, presidente d’Iniciativa pol Asturianu.

Read Full Post »

Carlos Rubiera presenta esti xueves la obra coral Lluna d’Abril

Esti xueves, 22 de setiembre, a les 20:00h, preséntase nel Teatru Filarmónica d’Uviéu la obra Lluna d’Abril. 12 pieces corales,  de Carlos Rubiera. La estrena va cuntar cola participación de l’agrupación coral “Capilla Polifónica Ciudad de Oviedo” y de l’acordionista María Álvarez Santiago. 

L’actu cunta col sofitu de la Conseyería de Cultura, Política Llingüística y Turismu del Principáu d’Asturies y del Ministeriu de Cultura y Deporte. 

La entrada ye llibre y gratuita hasta enllenar aforu. 

(de la Dirección Xeneral de Política Llingüística, 20-09-2022)

Read Full Post »

Inscripción abierta pa les XXXIX Xornaes Internacionales d’Estudiu

Les Xornaes Internacionales d’Estudiu de l’Academia de la Llingua Asturiana vuelven llueu del parón pandémicu. La Facultá de Filosofía y Lletres de la Universidá d’Uviéu acueye tres díes d’actividaes académiques, ponencies, comunicaciones y presentaciones que, en xunto, faen bona amuesa del trabayu d’investigación llingüística n’estayes bien estremaes.

Asina, nel tarrén sociollingüístico, l’académicu y caderalgu de la Universidá del País Vascu, Francisco Llera Ramo, va presentar el III Estudiu del Navia-Eo y Reglindis de Ridder, profesora de la Universidá d’Estocolmu, va falar de la importancia sociollingüística de la traducción audiovisual. Dientro d’otros enfoques de la traducción tamién van lleer ponencies los profesores Vicent Escartí (de la Universidá de Valencia) y Cláudia Martins (de la Universidá d’Aveiro). La nómina de ponentes inxer tamién a Simona Georgescu (Universidá de Bucarest), que va falar de les aportaciones del asturianu a la etimoloxía románica, y a Aurelio González Ovies (Universidá d’Uviéu), que participa con una conferencia sobre’l retornu a la infancia na poesía d’Asturies. Otres ocho comunicaciones curties, dos presentaciones y un diálogu sobre l’asturianada ente Carlos Rubiera y Héctor Braga, completen el programa d’estes XXXIX Xornaes Internacionales d’Estudiu dirixíes por Ana María Cano González y Carmen Muñiz Cachón, de la Universidá d’Uviéu.

Read Full Post »

Homenaxe del mundu lliterariu asturianu a Xosé Bolado

Esti sábadu, 3 de xunetu, l’Academia de la Llingua Asturiana fixo homenaxe a Xosé Bolado García, académicu de Númberu fináu’l 20 de mayu pasáu. Nel actu, que tuvo llugar na Biblioteca d’Asturies «Ramón Pérez de Ayala», presentóse’l llibru homenaxe al autor, N’harmonía, Agora que sigues con nós…, nel que se recueyen les sos composiciones poétiques asoleyaes nes revistes de la Institución (Lletres Asturianes, Lletres Lliterariu y Lliteratura).

Na presentación d’esti llibru contóse coles pallabres iniciales del presidente de la
Institución, Xosé Antón González Riaño, que faló a los asistentes de la figura de Xosé Bolado y la so importancia ya implicación cola ALLA y la lliteratura asturiana. Darréu d’ello, Aurelio González Ovies, profesor de la Universidá d’Uviéu fixo un repás curtiu de la poética del autor homenaxáu, afondando nel so llinguaxe poéticu y les sos característiques más señalaes.

Read Full Post »

Carlos Rubiera espubliza “30 Asturianaes”, una triloxía enciclopédica de l’Asturianada

El cantante y compositor xixonés Carlos Rubiera presenta estos díes 30 Asturianaes, una obra en formatu llibru más tres CDs col que pon el ramu a más de 20 años d’estudiu, revisión y composición nel ámbetu la canción asturiana.

Esti trabayu representa’l cumal de la so carrera comu cantante y compositor d’asturianaes, un estudiu que tien el so aniciu nes obres de los compositores y cantaores “clásicos” d’a entamos del Sieglu XX (Rodríguez Lavandera, Baldomero Fernández, Manuel del Fresno y otros) que supieron day a la tonada asturiana un calter cultu.

Read Full Post »

Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

Read Full Post »

El Principáu publica un discu colos 40 meyores cantares de la historia de la música asturiana

La Conseyería d’Educación y Cultura publicó’l doble discu conmemorativu ’40 años al son de la nuestra música/40 anos al son da nosa música’, pa celebrar la Selmana de les Lletres Asturianes, que nesta edición ta dedicada a la música fecha n’asturianu y gallego-asturianu.

El discu, onde se recueyen cuarenta temes que repasen les últimes cuatro décades, presentólu esti xueves nel Muséu de Belles el director xeneral de Planificación Llingüística del Gobiernu asturianu, Fernando Padilla, acompañáu de la filóloga del Serviciu de Normalización de la Conseyería, Lourdes Álvarez, y la escritora Marta Mori y la técnica de normalización María Xosé Rodríguez, que xunto al escritor Inaciu Llope y el periodista Damián Barreiro formaron la comisión qu’escoyó los cuarenta cantares.

Read Full Post »

El consejero de Cultura defiende que «hay que normalizar la llingua»

Tras la polémica por el recital de ópera en asturiano suscitada hace unos días en las redes sociales después de que el concierto recibiese las críticas de la concejala ovetense del Partido Popular María Ablanedo, quien calificó de «aberración» la traducción a la llingua de clásicos como ‘Nessun dorma’, ayer la propuesta venció y convenció en un Museo Arqueológico a rebosar.

Entre el público, en las primeras filas, se situó el consejero de Educación y Cultura, Genaro Alonso, quien defendió que propuestas como este concierto avanzan en la normalización de la lengua asturiana, evitando cualquier tipo de «imposición».

Read Full Post »

«Llamamos a votar a aquellos partidos que defienden la cooficialidad»

A. VILLACORTA OVIEDO.

Tras la debacle electoral de la derecha en los comicios generales, la Xunta pola Defensa de la Llingua Asturiana entró ayer en campaña para las autonómicas. «El próximo 26 de mayo, llamamos a los asturianos a votar a aquellos partidos que llevan en el programa y que claramente apoyan la cooficialidad, que la van a defender el día después de las elecciones», instó su portavoz, Carlos Pulgar. Un mensaje que hoy volverán a repetir al término de la tradicional manifestación por la oficialidad que partirá a las 19.30 horas de la ovetense Estación del Norte para concluir frente al Teatro Campoamor, donde tendrá lugar el acto institucional del Día de les Lletres, al que ya han confirmado su presencia los candidatos Adrián Barbón (PSOE), Lorena Gil (Podemos) y Juan Vázquez (Ciudadanos).

«Nun ye ético tener más tiempu esta situación indigna pal nuestru patrimoniu cultural. Hai que reformar l’Estatutu d’Autonomía p’aprobar la oficialidá y depués, con una Llei de Normalización, siguir un procesu adaptáu a la situación asturiana. Na llexislatura próxima, na Xunta Xeneral, hai que poner remediu a un déficit democráticu que lleva demasiaes décades pendiente», concluirá la Xunta pola Defensa de la Llingua.

Read Full Post »

La RPA celebra la Selmana de les Lletres Asturianes con 25 pieces de testos musicaos

Van repartise en pequeños espacios a lo llargo del día y toquen tolos estilos.

Goxe Producciones encargóse de la ellaboración de 25 pieces nes que suenen grupos y solistes que musicaron testos d’escritores n’asturianu y gallego-asturiano. Anabel Santiago (Lurdes Álvarez), Llan de Cubel (Fernán Coronas), Felpeyu (Pin de Pría), Nuberu (José Benito Álvarez-Buylla), Dixebra (Pepín Quevedo), Skama la Rede (Andrés Solar), Silvia Quesada (Berta Piñán), Corquiéu (Enrique García Rendueles), Carlos Rubiera (Xuan Xosé Sánchez Vicente), Toli Morilla (Aurora García Rivas), Llangres (Xandru Fernández) o Alfredo González (Pablo Texón) son dalgunos de los artistes y formaciones que, siguiendo la temática de la XL Selmana de les Lletres Asturianes, collaboren nesti proyeutu que busca facer alcordanza de la importancia que tien esta estaya de la creación artística na normalización y promoción d’estes llingües.

RPA emite dende güei estos cortes en miniespacios amiestaos a la programación habitual a lo llargo de tol día. Asina, los oyentes van poder conocer testos de grandes autores de la nuesa lliteratura d’époques variaes en composiciones folk, rock, pop o d’autor.

(d’Asturies.com, 29-04-2019)

Read Full Post »