Feeds:
Antradas
Comentairos

Posts Tagged ‘Carlos Rubiera’

Otru añu más, l’Academia de la Llingua organiza los cursos de la Universidá Asturiana de Branu (UABRA) que se van celebrar en Cangas del 30 de xunetu al 10 d’agostu. Esti añu hai convocaos, amás de los cursos elemental y avanzáu, el cursu de capacitación pala traducción, unu sobro la historia del sieglu XX y XXI, otru de Xestión cultural y otru más de competencies dixitales nes aules.

Estos Cursos tienen reconocencia oficial per parte de la Conseyería d’’Educación del Principáu d’’Asturies, darréu de l’’acreitación de l’’ALLA como «Entidá Organizadora d’Actividaes de Formación Permanente del Profesoráu». Ello afita a tolos efeutos la reconocencia d’estos Programes Formativos dende’l puntu de vista alministrativu (currículum, méritos, sexenios, etc.) pal profesoráu d’Educación Primaria y Secundaria del Principáu d’Asturies. Los cursos desenvuélvense na Escuela Hogar de Cangas del Narcea en réxime d’internáu y la matrícula entama’l próximu mayu nel llar de l’Academia n’Uviéu y va tar abierta hasta xunu.

(more…)

Advertisements

Read Full Post »

PABLO R. GUARDADO

Más de mediu centenar d’escolinos y escolines de 17 centros escolares de Xixón participaron na quinta edición de Cantar Presta Muncho, que la selmana qu’entra celebra los sos conciertos. El so coordinador, Nacho Fonseca, destaca la importancia d’averar el cancioneru asturianu a la reciella.

Nacíu nel 2012 por iniciativa del entós conceyal de Cultura, Carlos Rubiera, Cantar Presta Muncho tien l’envís de llevar la música coral a los neños y neñes del Primaria d’una manera cenciella, activa y participativa. Dende un primer momentu, Fonseca foi l’encargáu de coordinar el so funcionamientu xunto colos maestros voluntarios responsables de los ensayos, xeneralmente de Llingua Asturiana o Música.

(more…)

Read Full Post »

El Conceyu de Xixón convocó’l VIII Premiu d’Ensayu y Trabayos d’Investigación Fierro Botas, concursu que l’edil Carlos Rubiera espera que sía “otra vez un ésitu de participación y de resultáu pola calidá de los trabayos”. El ganador de la sétima edición foi Martín Pérez Álvarez con ‘Curandeiros, compostores y outros sanadores’.

El conceyal d’Educación, Cultura, Xuventú y Fiestes presentó per vegada cabera esti gallardón –hai tiempu qu’anunció que nun continuaría como edil– acompañáu por Xosé Nel Riesgo, direutor de la Fundación Municipal de Cultura, Educación y Universidá Popular, y Verónica Rodríguez Fernández, responsable de la Oficina de Normalización Llingüística, “que representen la continuidá de la institución y la garantía de la celebración d’esta edición del Premiu Fierro Botas”. Esti gallardón entámase n’alcordanza del xesuita Federico González-Fierro Botas, espertu en llingua asturiana que finó n’accidente de tráficu en Rusia nel 2002, y reconoz el llabor de los investigadores asturianos na llingua del país.

(more…)

Read Full Post »

Sigún fai anuncia Iniciativa pol Asturianu, que va participar na convocatoria, el Conseyu Asesor de la Llingua asturiana del Conceyu de Xixón va celebrar xunta for fin el viniente xueves 7 de mayu. Una convocatoria que la organización reclamó dende cuantayá que se celebrara talo y como afiten los estatutos.

Dende Iniciativa pol Asturianu entienden que, m”agar teamos nes caberes selmanes del mandatu del actual Conceyal, Carlos Rubiera, ye importante trabayar hasta l’últimu minutu en midíes a favor del asturianu. Por ello nesti conceyu caberu fadremos tamién analís del llabor fechu nos caberos cuatro años nes ámbitu de la política llingüística en Xixón”.

(more…)

Read Full Post »

PABLO R. GUARDADO

Alredor de 250 escolinos y escolines de Llingua Asturiana de siete centros escolares del oeste de Xixón participaron esti miércoles nun actu nel parque d’El Cerilleru qu’abrió les XX Xornaes de Lllingua y Cultura Asturiana. Ésti tenía como fin servir d’homenaxe a Emilio Robles Muñiz ‘Pachín de Melás’ con motivu del centenariu de la inauguración de la zona infantil, na que tomó parte con unos versos, y a los neños y neñes de La Calzada.

El 29 de xunu del 1915 foi la fecha na que s’abrió al públicu’l parque de La Calzada, como se nomó naquella época, el primeru infantil d’Asturies, lo que tuvo repercusión a nivel estatal, como amuesa una noticia del ABC al día siguiente que situaba la zona de xuegos n’Uviéu por equivocación. Un cartafueyu editáu pola Oficina de Normalización Llingüística pa repartir ente escolinos y vecinos esplica bien la historia d’esti parque con semeyes y dalgunos datos destacaos nestos cien años de vida, a lo qu’hai que sumar el poema completu que Pachín de Melás recitó na so inauguración. Precisamente, el Conceyu de Xixón quixo aprovechar esti actu pa destapar una placa homenaxe al escritor xixonés –asitiáu nel estremu occidental del parque– con dalgunos versos d’esi poema (‘¿Qué seriones, qué fomales / tan los neños de La Calzada…!’ / ¡Cómo ascuchen los probinos / a la xente qu’aquí fala! / ¡Ay! Que guapos rapacinos / que nun gorguten migaya…), asina como a los rapacinos d’esti popular barriu xixonés.

(more…)

Read Full Post »

O mirandês entrou pela primeira vez esta quinta-feira nos circuitos linguísticos internacionais, ao ser um dos quatro idiomas ibéricos escolhidos para a redação do documento que oficializa a constituição da Associação de Desenvolvimento Astúrias Portugal.

O diploma está redigido em quatro línguas: português, castelhano, mirandês e asturiano.

Em declarações à agência Lusa, Alfredo Cameirão, vice-presidente da Associação de Língua e Cultura Mirandesa (ALCM) disse que se trata de um momento “histórico” porque “dá ao mirandês o estatuto de idioma internacional”.

(more…)

Read Full Post »

La torna de la Biblia al asturianu, aniciada nel 1989, nun va quedar nun caxón. Ramón d’Andrés dio l’anuncia del enfotu de la Sociedad Bíblica de finar esti “proyeutu xigantescu” como homenaxe a Federico González-Fierro Botas. Foi nel actu dedicáu a la memoria del xesuita dientro de La Vagamar.

El filólogu y profesor de la Universidá d’Uviéu, ún de los munchos collaboradores de la iniciativa liderada pol xesuita, lleó un carta unviada por José Luis Andavert, direutor xeneral de la Sociedad Bíblica n’España, nel marcu del actu d’alcordanza a González-Fierro Botas celebráu’l vienres nel Centru de Cultura Antiguu Institutu, eventu qu’abría la novena edición de La Vagamar, l’actividá setembrina de l’Asociación Cultural L’Arribada. Nel testu, el biblista escusaba la so ausencia nel actu que recordaba la vida y obra del so amigu, “un amante exemplar de la so tierra y la so llingua”, y apuntaba’l so deséu de finalizar el proyeutu “de toes toes como homenaxe al so principal valedor”. Inclusive, D’Andrés confesaba al públicu como Andavert referíase siempre a la situación de la traducción de los testos sagraos como “la espina asturiana”.

(more…)

Read Full Post »

« Newer Posts - Older Posts »