Feeds:
Antradas
Comentairos

Posts Tagged ‘Carlos Suari’

ANTÓN GARCÍA

Carlos Suari (Avilés, 1982), llicenciáu en Ciencies de l’Actividá Física y del Deporte, recuerre Asturies nesti Atles de los bolos asturianos observando cómo se practica o practicaba esti xuegu, y traza un mapa bien interesante de los distintos estilos qu’aportaron hasta güei o hasta ayeri. La parte principal del llibru ta dedicada a presentanos, en fiches, les modalidaes bolístiques que topó, con una detallada información: la localización xeográfica, los conquibos colos que se xuega y que nos ofrez dibuxaos, cómo se practica, tipu de bolera y el nome que reciben les partes que tien, si participen homes o muyeres, si ye tradicional o sintética (moderna), federada o non, númberu de practicantes o d’informantes potenciales, vitalidá, espectatives de futuru y si cuenta con midíes de salvaguarda. Rexistra 43 modalidaes, de les mui conocíes (la cuatriada, el bolu palma…) a otres que son verdaderes reliquies, por exemplu’l pasadiez o’l cuatrín como en Cuideiru, un xuegu que yá nun tien practicantes y que yera, curiosamente, d’esclusividá femenina nuna actividá na que la participación de les muyeres solía ser minoritaria hasta hai poco. (more…)

Read Full Post »

El poeta avilesín Carlos Suari tomó’l determín de volver el premiu de la Crítica que recibiera nel añu 2009 pol so poemariu Orbayu d’alfileres al conocer la noticia que dio esti miércoles 25 d’abril LesNoticies.com de que l’Asociación d’Escritores d’Asturies quitara les categoríes n’asturianu de los premios que convoca anualmente. Suari pide que los miembros de l’Asociación que nun tean d’alcuerdu cola decisión anunciada manifiesten socialmente’l so malcontentu, amás d’aquellos autores, editores o llectores que se sientan agredíos pola midida. (more…)

Read Full Post »

Suburbia Ediciones edita’l Atles de los Bolos Asturianos, de Carlos Suari, que plasma en papel el so estensu llabor y trabayu de campu, un ámbitu d’estudiu, que, a pesar de lo que pueda paecer, nun taba esploráu

El propiu autor indica que’l Atles de los Bolos Asturianos nun ye un manual de bolos, ye un estudiu de toes les modalideas de bolos asturianos acompañaes d´imáxenes, dibuxos y mapes, que tracen un estudiu seriu y rigurosu d’una de les señes d’identidá de la cultura asturiana.

Asturies bien podía considerase la capital mundial de los bolos. Y ye que de les realidaes bolístiques conocíes, l’asturiana rescampla por complexidá y densidá. L’Atles de los Bolos Asturianos surdió como una investigación en cata de los rasgos más trescendentes y fondos de caún d’estos xuegos, cola fin de ponelos darréu en correspondencia con dellos aspectos socioculturales, nuna rellación qu’abriera camín al cartografiáu d’esti patrimoniu.

(d’Aruelu, 20-04-2012)

Read Full Post »

DAMIÁN BARREIRO

La situación que vive l’Ente de Comunicación y, en concreto, la RPA, va facer que la programación n’asturianu vaiga a menos. Asina, l’espaciu deportivu ¡Acuto!, presentáu por Carlos Suari, ye’l primeru nesta llingua que va desaparecer de la programación de la radio pública. Suari llegó a un alcuerdu cola productora Ten con Ten pa dexar preparaos tolos ¡Acuto! d’equí a fin d’añu, pero yá ensin conteníos d’actualidá nin entrevistes. Esti mesmu 3 de payares, el presentador grabó l’últimu espaciu. (more…)

Read Full Post »

DAMIÁN BARREIRO

Berto García ye un maestru d’Educación Infantil que va pasín a pasu convirtiéndose nuna voz fundamental dientro la poesía de la tercer xeneración del Surdimientu. Ye autor d’Ensin otra sida (2005), Treslallende (escrito xunto a Carlos Suari, 2007) y Manual contra’l vaciu (2008), cola qu’algamó’l Premiu Fernán Coronas. Tien, amás, dellos trabayos espardíos per revistes y traducciones de lliteratura infantil. Agora vuelve a les llibreríes con Cuando’l mundu debala, poemariu col qu’algamó nel 2009 el Premiu Llorienzu Novo Mier de Creación Lliteraria, convocáu pola Academia de la Llingua Asturiana.

¿Qué va poder atopar el llector nesti poemariu nuevu?
Cuando’l mundu debala recueye 52 poemes. Cuasi podría dicise que’l llibru resume un añu de la mio vida, porque hai un poema por selmana, dalgo que surdió por casualidá y de lo que me di cuenta al acabalu. Los poemes falen d’un llugar, porque cuando’l mundu debala –cuando nun se sabe a ónde va– siempre hai que tener un sitiu onde t’alcuentres bien, onde tas colos tuyos y onde te tán esperando. La idea ye crear un puntu de referencia al traviés de los versos. (more…)

Read Full Post »

Xosé Lluis García Arias tuvo presente como públicu na mesa redonda sobre la TPA que se celebró na UABRA. “Nun pue sorprendenos que nun tea faciendo un llabor de normalización. Lo raro sedría que lo fixera”, aseguró sobre l’ente públicu.

Nesta mesa redonda sobre televisión y llingua asturiana na que participaron los periodistes asturianos Carlos Suari y Próspero Morán, asina como’l director de rellaciones institucionales de la RTPA, Antonio Virgili, tamién tomó la pallabra García Arias tres conocer les opiniones de los trés convidaos pola Universidá Asturiana de Branu (UABRA). L’ex presidente de l’Academia de la Llingua Asturiana (ALLA) tuvo una intervención mui celebrada pol públicu y, tres l’actu, faló con Asturies.com sobre la so visión de la RTPA. (more…)

Read Full Post »

PABLO R. GUARDADO

La Universidá de Branu (UABRA), qu’entama l’Academia de la Llingua Asturiana (ALLA), abre les sos puertes esti llunes. Per delantre queden dos selmanes de cursos, conferencies, alderiques y otres actividaes alredor de la llingua asturiana.

Unes 150 persones van tomar parte nos cursos ufiertaos pola UABRA, a los qu’hai que sumar conferenciantes, músicos y otres persones que collaboren nes actividaes que van desendolcase na Escuela-Hogar de Cangas del Narcea. Una cifra importante que nun pue ampliase más pola falta d’espaciu. “Ye sorprendente la respuesta de la xente depués de tantos años”, señala Xosé Antón González Riaño, direutor de la Universidá de Branu, que destaca l’ésitu de los cursos d’afondamientu cultural y llingüísticu. (more…)

Read Full Post »

IVÁN CUEVAS

Parez innegable, anque haya escritores previos a reivindicar, que les primeres tentatives d’un sistema lliterariu propiu pal asturllionés xurden del llugar poéticu que, mediaos los ochenta, se construyó alredor de tres cases: García, Piñán y Bello. Esti modelo, que non por casualidá s’alzó nun tiempu de multiplicidá d’opciones poétiques, foi esencial pa desenvolver una lliteratura propia, reivindicando un paisaxe psicolóxicu y sentimental de la qu’importaba corrientes que nun pasaben pela metrópoli y (re)inventaba una historia posible que nos conecta, tovía hoi, col pasao lliterario.

Con too y con ello, sobre aquella cimbria valiosa nun s’edificó tolo que se precisaba pa desenvolver una poesía autónoma y fuerte. Pese a los éxitos obvios, produciéronse al menos dos fenómenos en contra de la creación del necesariu sistema lliterariu. Pa lo primero, la monolitización de la corriente acabó por zarrar la renovación de la poesía asturllionesa. Pa depués, too un conglomerao d’antoloxíes, autores billingües, imitadores, revistes y colaboraciones tuvieron un efectu que podíemos llamar de xentrificación del modelo, que, a picos y a micos, foi integrándose como subsistema rexonal nel sistema lliterariu español.

(more…)

Read Full Post »

L’Asociación d’Escritores d’Asturies entregó’l xueves 7 d’ochobre los XI Premios de la Crítica d’Asturies 2009 y el Premiu de les Lletres Asturianes, que recayó nel escritor Juan Cueto. Na so modalidá n’asturianu foi pa los escritores Ismael González Arias, Carlos Suari y Berta Piñán. Per otru llau, en castellanu foron pa Ignacio del Valle, José Ángel Ordiz Llaneza, Pablo Huerga Melcón y Francisco García Pérez.

(more…)

Read Full Post »

ENRIQUE CARBALLEIRA

Desprexuiciada y direuta, la poesía de Carlos Suari (Avilés, 1982) cala nos misterios de la cotidianidá a la busca d’un sentíu fragmentariu de la existencia. ‘Orbayu d’alfileres’, poemariu qu’estos díes presenta l’autor, culmina y clausura’l ciclu poéticu qu’entamó en ‘Treslallende’, escritu xunto col tamién poeta Berto García.

Suari ye tamién l’autor del primer poemariu asturianu en Copyleft, ‘El mio cachu tírolu’.

Un ‘Orbayu d’alfileres’ suena a daqué dolorosu…
A min suéname a contraste, a líquido y a sólido. Son dos palabres que representen la cotidianidá, que-y dan al poemariu unes coordenaes temátiques. Nél van apaecer de contino referentes a la mio realidá diaria, dacuando retrataos con violencia, dacuando con amabilidá.

(more…)

Read Full Post »

« Newer Posts - Older Posts »