Feeds:
Antradas
Comentairos

Posts Tagged ‘Carmen Duarte’

La obra teatral ‘Yes igual que caldu gordu’ va llegar esti sábadu a les 20.00 hores al Teatru Filarmónica d’Uviéu con motivu del Festival Nacional de Teatru Amateur, que se celebra dende’l día 1 de febreru y va acabar el 3 de marzu.

‘Yes igual que caldu gordu’, cola dirección de Carmen Duarte, cuenta la historia d’un matrimoniu que se lleva perbién hasta que Amalio, l’home, gaste munches perres nuna bicicleta, ensin consultalu cola muyer. Dende esi momentu entama una guerra ente dambos. Les entraes, a un preciu de seis euros, tán disponibles na páxina web http://www.oviedo.es.

Un total d’once compañíes asturianes y trés nacionales van participar nel eventu. Esta edición, amás, cuenta cola novedá del Teatru Casín de Trubia, que va acoyer les cuatro obres que nun entren en concursu ente’l 16 de marzu y el 6 d’abril.

(d’Europa Press, 20-02-2019)

Advertisements

Read Full Post »

La selmana pasada la Xunta Gobiernu del Ayuntamientu de Xixón nomó a los titulares y suplentes del Conseyu Asesor de la Llingua Asturiana propuestos polos grupos políticos y entidaes que lu componen. La rellación de titulares pal mandatu actual ye la que sigui:

José Ramón Tuero (PSOE), Alfonso Martín (FAC), Humberto Gonzali (PP), Marcos Muñiz (IU), Alfredo Ignacio Álvarez (Principáu d’Asturies), Carlos Fernández (Conseyu la Mocedá de Xixón), Urbano Rodríguez (Academia de la Llingua Asturiana), Carmen Duarte (Federación Gijonesa AAVV), Xosé María García (Federación AAVV Zona Rural “Les Caseríes”), José González (CCOO), Rosa María Fernández (UGT), José Luis Llera (USO), Lluis Miguel Orviz (SUATEA), Carmen Moreno (Unión de Comerciantes de Gijón/Xixón), Ricardo Álvarez (Asociación de Hostelería de Gijón/Xixón).

(de L’Asturies Lliberal, 02-03-2012)

Read Full Post »

D. BARREIRO

El Festival Ciudá d’Uviéu de Teatru Amateur va acoyer nel Filarmónica una amuesa de catorce compañíes del país, de les que siete van facer teatru n’asturianu.

El ciclu, empobináu pola Federación de grupos de teatru amateur d’Asturies (Feteas) entamó’l pasáu 5 de febreru cola obra “Morrer d’amor” de la compañía A.A.C. Padre Coll.

(more…)

Read Full Post »

La entidá financiera asturiana axuntó dalgunes de les obres más representatives del teatru costumbrista n’asturianu na publicación ‘Teatru n’Asturianu’, presentada güei n’Uviéu. El llibru recueye les obres ‘La Quiniela’, ‘Tocóme la llotería’ y ‘Hai güeyos’.

La publicación cuenta amás cola collaboración de la Conseyería de Cultura del Principáu d’Asturies, l’Ayuntamientu d’Uviéu y el Gremiu d’Editores d’Asturies. Per parte de los editores, la so representante, Marta Magadán, señaló qu’espera qu’esta publicación torne nel entamu d’una serie de llibros de teatru n’asturianu.

“El proyeutu naz con idea de continuidá pa dar a conocer al mayor númberu posible de persones el teatru asturianu”, afirmó la editora.

Pal representante de la Federación de Grupos de Teatru Amateur del Principáu d’Asturies (Feteas), José Ramón López señaló qu’esti llibru ye’l principiu de “un gran proyeutu” editorial del teatru costumbrista n’asturianu.

D’otra parte, Carmen Duarte, autora de ‘Tocóme la llotería’ manifestó qu’inicatives como ésta trate de “protexer y espardir” la llingua asturiana.

Otru de los escritores qu’apaecen nel llibru cola obra ‘La Quiniela’, José Ramón Oliva, destacó qu’ensin apoyos “ye mui difícil” que’l teatru clásicu salga a la lluz. D’otra parte, Arsenio González, señaló qu’al principiu paecería “un suañu” apaecer nun llibru como ésti. “Al principiu paecíame un suañu, pero agora véome equí”, declaró.

(d’Europa Press, 10-06-2008)

Read Full Post »