Lliteratura. Revista lliteraria asturiana

Nuevu númberu d’esta revista lliteraria editada pa celebrar el XXXVIII Día de les Lletres Asturianes y dedicada a les escritores asturianes. Participen nesti númberu Pilar Arnaldo, Iris Díaz Trancho, Elisabet Felgueroso, Esther García López, Aurora García Rivas, Carmen Gómez Ojea, María Xesús Llope, Marisa López Diz, Laura Marcos, Berta Piñán, Paquita Suárez Coalla y Consuelo Vega en «Narrativa». En «Poesía» alcontramos testos de Lourdes Álvarez, Ángeles Carbajal, Raquel F. Menéndez, Sabela Fernández, Yolanda Fidalgo, María José Fraga, Esther García López, Irma González-Quevedo Pedrayes, Vanessa Gutiérrez, Marisa López Diz, Marta Mori, Susana Sela y Ana Vega. La estaya «Traducción» ufre un trabayu de Claudia Elena Menéndez Fernández. Zarra’l númberu un «Varia» d’Esther Prieto.

(de l’Academia de la Llingua Asturiana, 17-05-2017)

Read Full Post »

Cano emponderó’l “papel que la muyer xuega nel procesu hestóricu de caltenimientu y recuperación de la llingua”

PABLO R. GUARDADO

Ana María Cano nun quixo entrar en temes políticos nel so discursu institucional pol Día de les Lletres Asturianes –anque dexó cayer delles crítiques– pa centrase nel Premiu Nacional de Lliteratura Asturiana, que recibió Xuan Bello, y l’homenaxe que l’ALLA fixo a la muyer pol so llabor na recuperación y caltenimientu del idioma.

Estos dos fechos centraron tamién l’actu d’esti añu nel Teatru Campoamor de l’Academia de la Llingua Asturiana (ALLA), nel que nun hebo nomamientos d’académicos nuevos. Con un patiu de butaques práuticamente enllenu nesta ocasión y cola presencia d’autoridaes del mundu políticu, cultural y social del país –finalmente, como s’esperaba, el presidente Javier Fernández nun acudió–, los miembros de l’ALLA xubieron al escenariu pel pasiellu central al son d’una gaita tres un entamu musical a cargu de Mariluz Cristóbal y la violinista Bárbara González-Quevedo.

Read Full Post »

El númberu 33 de Lliteratura inclúi 25 testos d’autores asturianes

El númberu 33 de la revista Lliteratura, que como tolos años publica l’Academia de la Llingua coincidiendo cola celebración del Día de Les Lletres (esti vienres, 5 de mayu), inclúi nesta ocasión testos de 25 escritores asturianes.

Dao que la Selmana de Les Lletres d’esti añu dedícase al trabayu de les muyeres escritores n’asturianu, la revista recueye trabayos d’autores n’activo en versu y en prosa.

Publiquen, ente otros, Carmen Gómez Ojea, Berta Piñán, Susana Sela, Esther Prieto, Marta Mori, Vanessa Gutiérrez o Aurora García Rivas. Inclúise tamién una torna al asturianu del testu de Jorge Luis Borges ‘El fin’, trabayu de Claudia Elena Menéndez Fernández.

(d’Europa Press, 03-05-2017)

Read Full Post »

Diputaos y alumnos comparte el Plenu de la Xunta na llectura institucional n’asturianu

Diputaos, cargos autonómicos y alumnos de los colexos públicos Fozaneldi (Uviéu) y La Puela Ayande compartieron esti miércoles el salón de plenos de la Xunta Xeneral pa tomar parte na llectura de testos en ‘llingua’ asturiana, nel actu institucional de la Selmana de Les Lletres Asturianes.

L’actu abriólu y conúxolu’l presidente de la Xunta Xeneral, Pedro Sanjurjo, que se dirixó a los presentes en ‘fala’ occidental y que lleyó’l testu ‘O eco do rego da pena’, d’Aurora García Rivas. Tanto él como’l conseyeru de Cultura, Genaro Alonso, aprovecharon les sos intervenciones pa destacar la importancia del caltenimientu de la llingua como patrimoniu de tolos asturianos.

Read Full Post »

Un tiempu nuevu

ANTÓN GARCÍA

Lliteratura, 30
Revista lliteraria asturiana
Uviéu, Academia de la Llingua Asturiana, 2014.

Coincidiendo col XXXV Día de les Lletres acaba d’editase’l númberu 30 de la revista Lliteratura, una publicación que cumple venticinco años. Trai dalgunes novedaes amás del propiu conteníu que paga la pena destacar, como’l compromisu de salir anualmente alredor de la celebración de les Lletres, nel mes de mayu; pero tamién la renovación d’una parte del conseyu de redacción. El prematuru y llamentable fallecimientu del académicu Miguel Ramos Corrada dexa un furacu importante ente los redactores, tratándose d’ún de los primeros miembros del conseyu, xunto con Paz Fonticiella, Vicente García Oliva y Ignaciu Llope, que siguen. Sicasí, la entrada de dos nomes nuevos, Marta Mori y Xosé Ramón Iglesias Cueva, vien acompañada de la salida d’otros dos, Lluisa Suárez Sáez y Xuan Bello.

Read Full Post »

Tres de los cinco gallardonaos pola Asociación d’Escritores son autores billingües

El xuráu de l’Asociación d’Escritores d’Asturies (AEA), formáu polos miembros de la xunta directiva Marcelo Matos, Carmelo Fernández, Mariano Arias, David Fueyo, Ernesto Colsa y Ángel García Prieto, exerciendo Armando Murias como secretariu, decidió conceder por mayoría’l Premiu de les Lletres 2012 a la escritora asturiana Carmen Gómez Ojea, autora que tien publicáu dellos llibros n’asturianu. Amás, tamién recibieron premios los escritores Fulgencio Argüelles y Pepe Monteserín, que publicaron ún llibru caún nel nuestru idioma.

Ye de reseñar que nesta edición del 2012, l’AEA decidió dexar fuera a la lliteratura n’asturianu alegando producción escasa y motivos presupuestarios. Por mor d’esta decisión, más de 250 firmes avalaron un manifiestu nel que se pidió a l’Asociación que rectificara la so decisión. Escritores, editores, xente del mundu de la cultura y ciudadanos non vinculaos a disciplines creatives firmaron un manifiestu onde calificaron la decisión de l’Asociación d’Escritores como «un ataque a la llingua asturiana y una falta de respetu a los escritores nesti idioma». Otra manera, el poeta avilesín Carlos Suari tomó’l determín de volver el premiu de la Crítica que recibiera nel añu 2009 pol so poemariu Orbayu d’alfileres.

Read Full Post »

“Hermanina”, el nuevu títulu de Carmen Gómez Ojea

La conocida escritora Carmen Gómez Ojea retoma’l camín de la Lliteratura Infantil n’asturianu pa regalanos l’álbum ilustráu “Hermanina”, qu’espubliza conxuntamente coles ilustraciones d’Antònia González Tinturé.

L’autora xixonesa, ganadora de prestixosos premios ente los que rescampla’l Premiu Nadal del añu 1981, inicióse na lliteratura en llingua asturiana cola novela xuvenil El nome de roselina y el llibru de poemes infantiles Cancios pa neños desconsoñaos, dambos de la Editorial Trabe. La so collaboración cola Editorial Pintar-Pintar, responsable d’esti álbum ilustráu, entamó col títulu Arbolín (2009), al que siguiría Sol, nena y pitín (2010) y el presente Hermanina.

Puen consultase, al traviés de la páxina web de la editorial, les primeres páxines d’esti llibru.

(d’Asturies.com, 05-101-2011)

Read Full Post »

El premio Xosefa Xovellanos de novela queda desierto

No hubo premio. El jurado encargado de valorar los cinco textos presentados este año al Premio Xosefa Xovellanos de novela en asturiano se reunió en la Consejería de Cultura de Turismo bajo la presidencia de la Directora General de Política Lingüística, Consuelo Vega Díaz, y con la participación de los escritores Pablo Antón Marín Estrada (ganador de la última edición), Carmen Gómez Ojea, Ramón d’Andrés Díaz y Marta Mori d’Arriba. Tras valorar detenidamente las obras presentadas, el jurado acordó dejar desierta la presente edición del galardón. Esta decisión fue adoptada al considerar que, aun teniendo valores reseñables, no alcanzan la calidad literaria de los textos premiados en ediciones anteriores, como las alcanzadas por Adolfo Camilo Díaz y Xuliu Arbesú.

(d’El Comercio, 18-11-2010)

Read Full Post »

Carmen Gómez Ojea publica su primera novela en asturiano

M. M.

Carmen Gómez Ojea una de las escritoras más prolíficas y más galardonadas en castellano presenta nuevo libro, ‘Na quinta estación’. Por primera vez en su ya larga trayectoria la gijonesa publica una novela en castellano, después de publicar algún cuento infantil como ‘Cancios pa neñ@s esconsoña@s’ y la novela juvenil ‘El nome de Roselina’ en esa lengua.

Read Full Post »

Ornosa: “Si l’estatutu s’apreba tal y como se negoció hasta agora al día siguiente tendríemos que pidir una nueva reforma”

Depués de la manifestación del pasáu sábadu 4 d’ochobre, Asturies.com entrevistó a Fernando Ornosa, portavoz del Conceyu Abiertu pola Oficialidá. Nesta entrevista Ornosa fai una valoración de les últimes acciones del CAO y esplica les que vendrán, amás d’analizar l’actual coyuntura no que cinca a la reforma del estatutu y el posicionamientu de los dos partíos mayoritarios nesti procesu, el PSOE y el PP.

¿Cuála ye la valoración que’l CAO fai de la última manifestación?
La valoración ye mui positiva nun momentu fácil pa la desmovilización al haber un parón na reforma estatutaria. Sicasí decidimos mantener la convocatoria de la manifestación y el sábadu pasáu hubo munchos miles d’asturianos y asturianes que se manifestaron pola oficialidá y eso la verdá ye qu’anima porque vemos que’l movimientu de reivindicación llingüística ta sollerte, ta na cai, ta vivu. Vemos que la xente nun va dexar que se roble per parte del PSOE y el PP una reforma estatutaria ensin oficialidá. Énte esti parón

Read Full Post »