Cristina Bleorţu pon a llibre disposición les sos encuestes de La Pola Siero

Nel añu 2014, la llingüista rumana Cristina Bleorţu (Suceava, 1985) entamó cola so investigación de la fala de La Pola de Siero. Yera’l tema de la so tesis doctoral, que baxo la codirección de Ramón d’Andrés (Universidá d’Uviéu) y Johannes Kabatek (Universidá de Zúrich), lleóse y defendióse na ciudá suiza en payares del añu 2018, ante un tribunal onde tamién taba la profesora Carmen Muñiz Cachón, llogrando la calificación de Sobresaliente Cum Laude / Summa Cum Laude. Depués, nel 2021, l’Academia de la Llingua Asturiana publicó-yla nun llibru tituláu Aproximación al habla de La Pola Siero. Variación lingüística: descripción y percepción.

Agora Cristina Bleorţu ―profesora na Universidá de Zúrich― vien d’anunciar que pon a disposición de los investigadores y del públicu en xeneral, toles encuestes que fixo en La Pola pa la so tesis doctoral. Na páxina web titulada «El habla de La Pola Siero: entrevistas semidirigidas. Corpus recogido en 2014» pueden atopase les 24 entrevistes de campu, arriendes de más de 45 trabayos (artículos, reseñes, etc.) sobre’l so estudiu de la fala de La Pola.

Read Full Post »

Inscripción abierta pa les XXXIX Xornaes Internacionales d’Estudiu

Les Xornaes Internacionales d’Estudiu de l’Academia de la Llingua Asturiana vuelven llueu del parón pandémicu. La Facultá de Filosofía y Lletres de la Universidá d’Uviéu acueye tres díes d’actividaes académiques, ponencies, comunicaciones y presentaciones que, en xunto, faen bona amuesa del trabayu d’investigación llingüística n’estayes bien estremaes.

Asina, nel tarrén sociollingüístico, l’académicu y caderalgu de la Universidá del País Vascu, Francisco Llera Ramo, va presentar el III Estudiu del Navia-Eo y Reglindis de Ridder, profesora de la Universidá d’Estocolmu, va falar de la importancia sociollingüística de la traducción audiovisual. Dientro d’otros enfoques de la traducción tamién van lleer ponencies los profesores Vicent Escartí (de la Universidá de Valencia) y Cláudia Martins (de la Universidá d’Aveiro). La nómina de ponentes inxer tamién a Simona Georgescu (Universidá de Bucarest), que va falar de les aportaciones del asturianu a la etimoloxía románica, y a Aurelio González Ovies (Universidá d’Uviéu), que participa con una conferencia sobre’l retornu a la infancia na poesía d’Asturies. Otres ocho comunicaciones curties, dos presentaciones y un diálogu sobre l’asturianada ente Carlos Rubiera y Héctor Braga, completen el programa d’estes XXXIX Xornaes Internacionales d’Estudiu dirixíes por Ana María Cano González y Carmen Muñiz Cachón, de la Universidá d’Uviéu.

Read Full Post »

L’ALLA reconoz a Xuan Xosé Sánchez Vicente col Premiu Nacional de Lliteratura Asturiana

L’escritor asturianu Xuan Xosé Sánchez Vicente ye’l ganador de la segunda edición d’esti premiu entamáu pola Academia de la Llingua Asturiana en 2016 pa facer pública reconocencia del llabor normalizador que representa la creación lliteraria nel idioma d’Asturies y el papel fundamental que xueguen los y les escritores en llingua asturiana nel caltenimientu de la cultura de nueso.

Acordies coles bases del premiu, nun se valora una obra lliteraria concreta sinón «el conxuntu de toa una trayeutoria lliteraria, fecha a lo llargo del tiempu en llingua asturiana y la so contribución a la dignificación social del asturianu».

El xuráu, aconceyáu’l miércoles, día 15 de xineru, tuvo presidíu por D. Xosé Antón González Riaño, Presidente de l’ALLA, y formáronlu los miembros de númberu de la institución Dña. Ana María Cano González, D. Xosé Ramón Iglesias Cueva y Dña. Carmen Muñiz Cachón; los profesores de la Universidá d’Uviéu D. José Luis García Martín y D. Leopoldo Sánchez Torre; y fixo de Secretariu D. Antón García Fernández, Direutor Xeneral de Planificación Llingüística y Normalización, en representación del Gobiernu del Principáu d’Asturies.

Read Full Post »

“Asturies va conocer meyor la so historia llingüística gracies a esti diccionariu”, destaca García Arias

PABLO R. GUARDADO

Xosé Lluis García Arias presentó’l primer tomu del so Diccionariu Etimolóxicu de la Llingua Asturiana (DELLA), un preséu que, según apuntó, va permitir conocer meyor la historia llingüística d’Asturies. La intención de l’ALLA ye sacar dos tomos más esti mesmu añu.

“La xente podrá comprobar que nun tenemos cuatro pallabres, sinón que ye un diccionariu d’una gran riqueza, frutu del trabayu de comunicación de los asturianos a lo llargo de la historia. Y esos materiales, na midida de lo posible, nun pueden desapaecer, hai que mantenelos, porque nellos ta la clave munches veces de poder entender bien un documentu, d’entender bien usos y pallabres de güei; etc. Cualquier idioma que se precie necesita conocer bien la so historia y Asturies, gracies a esti diccionariu, va conocer meyor la so historia llingüística, que ye la historia cultural, y que, nel fondu, ye la historia del pueblu tamién”, apuntó’l caderalgu de Dialeutoloxía de la Universidá d’Uviéu y primer presidente de l’Academia de la Llingua Asturiana (ALLA) a Asturies.com tres l’actu celebráu esta mañana nel Paraninfu de la Universidá d’Uviéu.

Read Full Post »

L’Alla desenvuelve esti Payares les XXXVI Xornaes d’Estudiu

L’Academia de la Llingua Asturiana vieno acabante d’asoleyar esti dia’l programa de les Xornaes que va organizar como tolos años del 7 al 9 del mes de Payares na Facuáltá de Filosofia y Lletres del campus delán Milán.

Les XXXIV Xornaes Internacionales d’Estudiu van celebrase como cada añu sedrá nel salón d’actos de la Facultá de Filosofía y Lletres y la inauguración va tener llugar el martes 7 a les 12 hores cola presentación de dos espublizaciones de l’Academia de la Llingua Asturiana, la edición dixital del “Lletres Asturianes 117” y el nuevu númberu de la revista dixital “Ciencies. Cartafueyos de Ciencia y Teunoloxía 7”, dixirida por Carlos Lastra.

Tres de la presentación entamarán les xornaes propiamente diches cola participación del académicu Francisco Llera Ramo (Universidá del País Vascu) que va facer la presentación en sociedá de la III Encuesta Sociolingüística de Asturias.

Read Full Post »

L’Alla peracaba’l programa de les XXXIV Xornaes d’Estudiu

L’Academia de la Llingua Asturiana organizará como tolos años nel mes de Payares les XXXIV Xornaes Internacionales d’Estudiu. Como cada añu sedrá nel salón d’actos de la Facultá de Filosofía y Lletres y la inauguración va tener llugar el martes 3 a les 16,15 hores cola presentación de dos espublizaciones de l’Academia de la Llingua Asturiana, la edición dixital del “Lletres Asturianes 113” y el quintu númberu de la revista dixital “Ciencies. Cartafueyos de Ciencia y Teunoloxía”, dixirida por Carlos Lastra.

Tres de la presentación entamarán les xornaes propiamente diches con una ponencia de la decana de Filolofía y Lletres, Cristina Valdés Rodríguez (ALLA & Universidá d’Uviéu) que presentará un “enfoque polisistémicu a la traducción n’asturianu: normes y estratexes”.

Read Full Post »

El acento, en los acentos asturianos

PABLO ANTÓN MARÍN ESTRADA

Carmen Muñiz Cachón, académica de la Llingua desde el pasado mayo, dirige el Grupo AMPER Astur de la Universidad de Oviedo. Ayer presentó en las XXXIII Xornaes Internacionales d’Estudiu el Atles de los modelos entonativos d’Asturies en el que el grupo de investigadores lleva trabajando una década.

¿Qué es el AMPER?
Es el Atlas multimedia prosódico del espacio románico -eso significan sus siglas-. Se trata de un proyecto en el que llevamos embarcados más de diez años. Nuestro grupo estuvo trabajando en diferentes zonas de Asturias, realizamos grabaciones y luego introducimos todos los datos en una página web que es la que se presenta en estes xornaes.

El marco del proyecto es internacional ¿no?. ¿Cómo colaboran desde Asturias en él?
El proyecto comenzó en Grenoble y se fue extendiendo por los diferentes territorios de las lenguas románicas. Actualmente hay también grupos trabajando en América Latina. Nosotros estudiamos aquí el asturiano, el castellano y el gallego-asturiano. Recogemos y presentamos muestras entonativas de cada uno de estos ámbitos. La entonación, la prosodia, el acento es lo que estudiamos.

Read Full Post »

Ana Cano recuerda a los partíos ante les elecciones europees que la UE encamienta protexer les llingües minoritaries

La presidenta de l’Academia de la Llingua Asturiana, Ana Cano, aprovechó la coincidencia del actu institucional del Día Les Lletres, nel Teatru Campoamor, cola campaña electoral pa los comicios europeos del 25 de mayu, pa recordar que la Unión Euroopea encamienta y toma abondes midíes pa la protección de les más de 30 llingües minoritaries que tien reconocíes el continente, ente elles l’asturianu.

Fízolo nel so discursu, ante un teatru tremáu de xente, ente la que taben numberosos políticos de casi tolos partíos que se presenten a les elecciones europees n’Asturies.

Read Full Post »

XXXV Día de les Lletres Asturianes

L’Academia de la Llingua Asturiana cellebra’l tradicional actu del Día de les Lletres Asturianes nel Teatru Campoamor d’Uviéu a les 20:30 hores.

El programa del actu institucional d’esti XXXV Día de les Lletres Asturianes empicipia con un entamu musical a cargu del gaiteru Jesús Fernández. Darréu, l’Academia cellebra la so Xunta Estraordinaria cola acoyida de les nueves Académiques de Númberu, Carmen Muñíz Cachon y Cristina Valdés Rodríguez, y el discrusu institucional de la Presidenta de l’Academia de la Llingua Asturiana, Ana Cano. Una esbilla lliteraria del númberu últimu de la revista Lliteratura y una actuación musical de Felpeyu, zarrarán l’actu nel Teatru Campoamor.

Read Full Post »

Apaez el númberu 13 de la Revista de Filoloxía Asturiana

Esti febreru vieno acabante d’asoleyase un nuevu volume de la Revista de Filoloxía Asturiana, publicación científica de la Universidá d’Uviéu editada pol grupu d’investigación Seminariu de Filoloxía Asturiana dende va dellos años. El presente fai’l númberu 13 d’esta publicación añal, que correspuende al añu 2013.

La edición d’esta revista faise en doble tirada, en papel y formatu electrónicu, siendo esta última de llibre accesu na plataforma Reunido de revistes científiques de la Universidá d’Uviéu. La RFA publícase ensin nengún tipu d’ayuda, pública nin privada.

Read Full Post »