Armando Gutiérrez, Raquel F. Menéndez y Marcos Martínez Fernández ganen el premiu de cuentos curtios de Cangas

El XVI Concursu de cuentos curtios del conceyu Cangas yá tien ganadores. El primer premiu na categoría n’asturianu occidental foi pal cuentu El picadoiru, de Raquel F. Menéndez y Marcos Martínez Fernández y el primer premiu n’asturianu normativu foi pal cuentu El frutu de la pasión, del escritor llionés Armando Gutiérrez Rodríguez.

El xuráu tuvo formáu polos escritores Elías Veiga y Laura Marcos, la filóloga Marta López y la responsable del Serviciu de Normalización Ḷḷingüística de Cangas, Mónica Rodríguez.

Read Full Post »

Cangas entama una campaña de sensibilidá ambiental n’asturianu centrada nel llaváu de la ropa

El Serviciu de Normalización L.lingüística de Cangas acaba presentar una campaña nueva de dignificación de la llingua asturiana que consiste nuna serie de trés imanes con conseyos prácticos sobre’l llaváu y conservación de la ropa en términos de sostenibilidá ambiental.

“El primer ya’l segundu imán tán dedicaos a los símbolos de la roupa, mientras que l’últimu de los imanes de la serie recói recomendaciones prácticas de l.laváu ya conservación”, indiquen dende’l Conceyu de Cangas al traviés de nota de prensa, de la que conviden a les empreses vinculaes al sector textil y al de venta d’electrodomésticos a sumase a la distribución de la campaña.

Read Full Post »