Feeds:
Antradas
Comentairos

Posts Tagged ‘Caxa Rural’

PABLO R. GUARDADO

Tres l’ésitu de la primer edición, celebrada a primeros d’añu, el Conceyu Universitariu pol Asturianu (CUPA) entama una edición nueva de los Cursos Básicos d’Asturianu. Nesta ocasión, los participantes van poder escoyer ente dos niveles.

L’Academia de la Llingua Asturiana (ALLA) y Caxa Rural collaboren col CUPA na organización d’estos cursos que van impartise nel Conseyu de la Mocedá de Xixón, asitiáu na avenía Manuel Llaneza númberu 68. Éstos tán dirixíos a tolos miembros de la comunidá universitaria y ciudadanos en xeneral que quieran averase a la llingua asturiana según el nivel de conocimientu que tengan de la llingua del país. Asina, el CUPA ufre la posibilidá d’escoyer ente’l nivel 1, destináu a aquelles persones ensin conocimientos d’asturianu o con un nivel baxu, y el 2, empobináu a les persones que participaren na primer edición de los cursos o que tengan un nivel mediu d’asturianu y quieran afondar nel conocimientu del idioma. (more…)

Read Full Post »

El Conceyu Universitariu pol Asturianu abre’l plazu p’apuntase al so I Cursu Básicu d’Asturianu del CUPA, una esperiencia formativa qu’entama en collaboración cola Academia de la Llingua Asturiana y Caxa Rural que va celebrase nel conceyu de Xixón. El CUPA convida a los miembros de la comunidá universitaria y a tol públicu en xeneral a averase a la conocencia básica de la llingua asturiana al traviés d’esti cursu de 35 hores llectives.

(more…)

Read Full Post »

El Conceyu de Piloña acaba de convocar el tercer concursu de Narraciones Curties n’asturianu Conceyu de Piloña.

El certame ta abiertu a toles persones que quieran participar y los trabayos presentaos van tener que tener ente trés y cinco fueyes. Tienen que se presentar na Casa Cultura de L’Infiestu, enantes del 12 de xunu, en dos sobres ciarraos. Nún tien que dir el trabayu por triplicao y nel otru los datos del autor y un númberu de teléfonu de contactu.

(more…)

Read Full Post »

Redacción.

El Conceyu de Piloña convocó’l Primer Concursu de Narraciones Curties n’Asturianu “Conceyu Piloña”, un compromisu del actual equipu de gobiernu municipal formáu pol PSOE, y que preside l’Alcalde, Camilo Montes, y el conceyal del Grupu Mistu “Allende”.

El concursu ta abiertu a toles persones que quieran participar y los trabayos presentaos tendrán que tener ente trés y cinco fueyes. Los mesmos tendrán de presentase na Casa Cultura de L’Infiestu, enantes del 15 de xunu.

El fallu del xuráu va dase a conocer ente la selmana del 14 al 20 de xunu y la entrega del premiu, va facese’l 24 de xunu, na Casa Cultura. El primer premiu ta dotáu con 1.000 euros y el segundu con 700 euros, amás d’un terceru en llibros.

El concursu ta patrocináu pola Caxa Rural y el periódicu El Fielato.

BASES I CONCURSU DE NARRACIONES CURTIES “Conceyu Piloña”

L’Ayuntamientu Piloña, axuntando los buenos puxos pol xorrecimientu del asturianu oriental, del periódicu del Oriente “EL FIELATO” y de la CAJA RURAL d’INFIESTU, convoca el Primer Concursu de Narraciones Curties “Conceyu de Piloña”con igua a les siguientes

1/ El primer premiu tien 1.000 euros de dotación y el segundu 700. Tales cantidaes podrán dividise’n dos partes iguales si al xuráu -y cuaya. Habrá tamién un premiu en llibros d’una cuantía paecía. Tamién podrán dexase ensin dar,si la calidá de los trabayos nun aportase l’altor camentáu

2/ Presentase ye llibre pa toles presones que quieran. Los trabayos tienen que ser orixinales, nun tar asoleyaos en daqué sitiu y nun tar premiaos n’otros concursos.

3/ El xuráu tará nomáu ente presones arreyaes al ámbitu de la llingua asturiana

4/ Los trabayos tarán escritos en llingua asturiana, nun tendrán menos de tres fueyes ni más de cinco, en lletra 12, per un solu llau.

5/ Apurriránse o empobinaránse los trabayos a la Conceyalía de Cultura del Ayuntamientu Piloña, C/ Covadonga, númberu 9, antes del día 15 de xunu en dos sobres zarraos nos que s’escribirá perfuera “I Premiu Conceyu Piloña de Narraciones Curties”, faciendo costar l’ entitulamientu del trabayu y el nomatu l’autor. Nun sobre enxertarase el trabayu por triplicáu y nel otru los datos del autor y númberu del teléfonu de contautu. Puen mandase pel corréu, pero nun s’almitirán los que lleven nel matasellos fecha de dempués de la dicha enriba.

6/ El Periódicu “El Fielato” asoleyará el premiáu cuando -y pete. L’Ayuntamientu Piloña resérvase el drechu d’asoleyar los trabayos premiaos. Tamién podrá asoleyar les obres non premiaes, previu acuerdu col autor.

7/ Los trabayos que nun se premien tornaránse a los autores, si lo piden, nel mes siguiente a dar a conocer el fallu. Después d’esti plazu nun habrá que guardalos.

8/ Los tracamundios, enquívocos y escaezos que nun tuvieren nestes bases, resolveralos L’Ayuntamientu y escontra la so decisión nun cabe retruque daqué.

9/ El fallu del xuráu darase a conocer nos medios de comunicación la selmana del 14 al 20 de xunetu. El premiu entregarase nun autu na Casa Cultura el Xueves 24 de Xunetu, a les 20 hores, onde los premiaos tan obligaos a lleer la so obra en públicu.

(d’Asturnews, 23-05-2008)

Read Full Post »