Comisiones Obreras alerta sobre el descenso de estudiantes de llingua

LUCÍA R. LORENZO

«Mejorar la promoción del estudio del asturiano». Este es el objetivo de un informe elaborado por la sección de Enseñanza de Comisiones Obreras (CC OO) para tomar las riendas ante el descenso de estudiantes de Asturiano y Gallego-Asturiano en la región. Marta Mori, responsable de Llingua de este sindicato, y Borja Llorente, secretario general de Enseñanza de esta misma organización, presentaron ayer el estudio que refleja que desde el curso 2007-2008, «el número de matriculaciones en llingua asturiana ha bajado un 14,5% en Primaria y ocho puntos en Secundaria. En el ámbito de Bachillerato, tildó de «puramente testimonial» el número de matrículas, donde «solo un 4% del alumnado está matriculado en esta asignatura», expuso.

Por otro lado, abordaron la situación del profesorado de estas asignaturas en el Principado. Según expuso el sindicato, en la actualidad hay nueve plazas sin cubrir, de las que dos son de Primaria y siete de Secundaria. «Cuando alguien se ponga de baja esto va a ir a más; lleva así más de tres cursos», lamentó Marta Mori. En este sentido reprocharon que «la falta de reconocimiento de la especialidad de llingua asturiana a nivel estatal acarrea distintos perjuicios al profesorado, como la temporalidad del trabajo, la precariedad laboral, la pertenencia a una bolsa de trabajo «inmutable» y la «dificultad para diseñar planes de trabajo a medio y largo plazo». El estudio cifra en 230 profesores, de un total de 265 que imparten Llingua en Primaria, que son interinos (86,79%), mientras que en Secundaria, lo son 79 de 81 (97,53%).

Read Full Post »

La ministra Celáa yá conoz la reivindicación de la especialidá d’asturianu

El conseyeru d’Educación, Genaro Alonso, tresmitió a la ministra d’Educación, Isabel Celáa, la reivindicación de la especialidá docente de Llingua Asturiana y Lliteratura, dalgo qu’esixe un cambiu nos reales decretos d’especialidaes, que son competencia del Ministeriu.

Nellos, tendría qu’establecese que se pue aprobar la especialidá docente pa llingües qu’anque nun son oficiales tienen protección llegal y una política llingüística desarrollada pola comunidá autónoma, como ye’l casu de la llingua asturiana.

Read Full Post »

CC OO denuncia un parón nel procesu d’implantación de la Llingua Asturiana n’Educación Infantil

PABLO R. GUARDADO

La previsión de plantiya pal cursu viniente nun contempla les hores de Llingua Asturiana n’Infantil, “poniendo en peligru’l caltenimientu de los grupos onde se ta dando de forma esperimental”, afirma Comisiones Obreres (CC OO). El sindicatu acusa a la conseyería de provocar un parón na implantación del idioma nesta etapa.

Según apunta nun comunicáu, esta situación contradiz les pallabres del conseyeru Genaro Alonso d’hai más d’un añu de camudar el Decretu curricular d’Educación Infantil pa inxertar dellos conteníos d’asturianu nesta etapa, siendo ún de los oxetivo d’esti decretu, que se fixo públicu en payares del 2017, “d’acordies col direutor xeneral de Planificación Llingüística, Fernando Padilla, regular les enseñances d’asturianu nos centros onde yá se tán dando de forma esperimental”.

Read Full Post »

CCOO denuncia’l “parón” na introducción del asturianu n’Infantil “como establez la Llei y anunció la Conseyería”

La secretaría de Llingua Asturiana y Gallego-asturiano del Sindicatu d’Enseñanza de CCOO Asturies, Marta Mori, denunció’l “parón” nel procesu d’introducción del asturianu n’Educación Infantil, dalgo que, según el sindicatu, establez la Llei d’Usu del Asturianu de 1998 y anunció la Conseyería d’Educación y Cultura.

Al traviés d’una nota de prensa, CCOO recordó que dende’l Gobiernu asturianu anunciaron la so intención de camudar el Decretu de currículu del segundu ciclu d’Educación Infantil, “iguando los procedimientos necesarios pa que los especialistes d’Educación Primaria pudieran dar clase de Llingua tamién nesa etapa”.

Read Full Post »

UXT, SUATEA, CSI y CC OO sofiten la oficialidá nun comunicáu conxuntu

Confirmaron la so presencia na manifestación del sábadu n’Uviéu y denunciaron la marxinación que sufre’l profesoráu de Llingua Asturiana y Gallego-asturiano.

Maxi Fernández Otero, responsable d’Educación d’UXT; Xosé Lluis Colodrón, de la estaya de Llingua Asturiana de SUATEA; Xosé Daniel Rodríguez, voceru de CSI; y Marta Mori, secretaria de Llingua Asturiana de CC OO, encargáronse de presentar esti comunicáu conxuntu de los cuatros sindicatos nel que demanden la oficialidá del asturianu y sofiten la convocatoria del sábadu de la Xunta pola Defensa de la Llingua Asturiana (XDLA), al igual que’l ‘Proyectu 2018 pola Oficialidá’. La marcha lleva’l lema ‘L’asturianu llingua oficial ¡agora!’ y va salir al meudía de la Estación del Norte (RENFE).

Read Full Post »

Los principales líderes sindicales sofiten la manifestación pola oficialidá del sábadu

PABLO R. GUARDADO

La Xunta pola Defensa de la Llingua Asturiana (XDLA) sigue recibiendo sofitos pa la manifestación ‘L’asturianu llingua oficial ¡agora!’ del sábadu, destacando’l de los principales líderes sindicales del país. “Esta situación ye exemplu del cambiu xeneracional y de la llegada d’una fornada nueva de dirixentes que nun lleven al llombu los prexuicios de la xeneración anterior”, afirma la organización.

José Manuel Zapico, secretariu xeneral de Comisiones Obreres (CC OO), foi’l primeru del que se difundió una semeya xunto con dellos compañeros na que suxetaba una cartelu de la convocatoria del sábadu, al que siguieron Begoña Díaz-Penedo, secretaria d’Organización de la Unión Sindical Obrera (USO) y Javier Fernández Lanero y Maximina Fernández, cabezaleros de la Unión Xeneral de Trabayadores (UXT) y de la so federación d’enseñanza FETE-UXT, al igual que los del Sindicatu Unitariu Autónomu de Trabayadores de la Enseñanza d’Asturies (SUATEA), de la Confederación Intersindical y de la executiva de la Corriente Sindical d’Izquierda (CSI). L’últimu líder sindical que se suma a esta llista ye José Luis Alperi, secretariu xeneral del SOMA.

Read Full Post »

La XDLA asegura que l’anulación del Plan de Carreño amuesa que “la Llei d’Usu ye insuficiente”

“La oficialidá ye l’únicu camín” pa la Xunta pola Defensa de la Llingua Asturiana (XDLA) pa evitar situaciones como l’anulación del Plan de Normalización Llingüística de Carreño. Entiende que la sentencia de recién d’un xulgáu de Xixón “vuelve a demostranos que’l marcu xurídicu actual, la Llei d’Usu, ye insuficiente”.

El coleutivu cívicu entiende qu’esta anulación, que se suma a una previa del Tribunal Superior de Xusticia, “amás d’una clara intromisión na autonomía municipal, ye una muestra más de que la oficialidá ye l’únicu camín posible p’asegurar la plena validez xurídica de la política llingüística llevada alantre polos conceyos”. La mesma establez l’anulación del Plan de Normalización porque “se proyeuta hacia la totalidá de l’actividá municipal y amás en rellación cola xeneralidá de los ciudadanos que se relacionen cola mesma”, lo que pa la XDLA ye venir a dicir “que l’asturianu nun val pa falar de too, que namás se pue usar pa determinaes coses y que la xente que quiera nun pue rellacionase col so conceyu na so llingua materna”.

Read Full Post »

XDLA suma apoyos pa la manifestación a favor de la oficialidá del asturianu

La Xunta pola Defensa de la Llingua Asturiana sigue algamando apoyos pa la manifestación pola oficialidá del asturianu convocada pal 21 d’abril próximu a les 12.00 hores n’Uviéu.

Según informaron al traviés d’una nota de prensa tán sumando apoyos nuevos “acaldía” y esperen que sía una movilización “masiva”. La movilización, informaron, yá cuenta col apoyu públicu de los sindicatos CCOO y USO. Asina, los sos líderes yá posaron con cartelos de la movilización en redes sociales.

Read Full Post »

SUATEA, FETE-UGT y CCOO presenten una iniciativa conxunta en defensa de la especialidá d’asturianu

El Ministeriu d’Educación punxo enriba la mesa un proyectu de Real Decreto onde se regulen les especialidaes del profesoráu de la enseñanza Secundaria. Ye un documento de calter técnicu nel que s’afaya normativa anterior a la LOMCE a les nueves materias que se meten nos nuevos currículos.

Al paecer d’estes organizaciones “pa la comunidá educativa asturiana ye un momentu de gran trascendencia en tanto que xugámonos la creación de la especialidá d’asturianu y gallego-asturiano. Ésta ye una reivindicación histórica que supón dignificar l’enseñu d’estes asignatures y igualar les condiciones llaborales del profesoráu que les imparte a les del restu de docentes”.

Read Full Post »

Academia, sindicatos y colectivos piden que nun se ceda ante ataques “minoritarios” contra la enseñanza d’asturianu

L’Academia de la Llingua, los sindicatos d’enseñanza Suatea, FETE-UXT y la federación d’enseñanza de CCOO, el Sindicatu d’Estudiantes, amás de la Federación d’Asociaciones de Padre Miguel Virgós, y otros colectivos como la Xunta pola Defensa de la Llingua, Iniciativa pol Asturianu o Ástura denunciaron esti vienres públicamente un intentu “tendenciosu, interesáu y minoritariu” de “determinaos sectores” p’acabar “coles cortes posibilidaes que tien la escolarización en Llingua Asturiana”.

Asina lo señalaron nun comunicáu conxuntu. Darréu comparecieron en rueda prensa representantes de tolos firmantes, encabezaos pola presidenta de l’Academia de la Llingua Asturiana, Ana Cano. La declaración pretende responder al intentu del Partíu Popular de que na enseñanza primaria, amás de Llingua Asturiana y Cultura asturiana, como asignatures de llibre configuración, s’ofreza una Segunda Llingua Estranxera.

Read Full Post »