Gonzali lleva’l Premiu Urogallo del Centru Asturianu de Madrid

El Centru Asturianu de Madrid anunció esti día que’l gallardonáu col Premiu Urogallo de Bronce na modalidá de Llingua Asturiana, correspondiente a la convocatoria de 2016, ye l’escritor y promotor cultural Humberto Gonzali.

Humberto Gonzali (Figareo, Mieres, 1961) ye’l presidente actual de l’Asociación Cultural L’Arribada. Destaca como poeta y narrador y ye autor de guiones cinematográficos. Foi miembru de l’asociación Conceyu Bable y profesor d’asturianu. En 1985 ye nomáu secretariu de la Xunta pola Defensa de la Llingua Asturiana, onde coordinó numberoses aiciones de protesta pola denegación de derechos llingüísticos, destacando les promovíes ante la sanción al factor de FEVE de Nava por usar la toponimia tradicional. Xunto con Juan Bonifacio Lorenzo Benavente y Xicu Monteserín funda en 1988 Orbayando, revista asturiana d’información, que codirixe hasta l’añu 1990.

Advertisements

Read Full Post »

Pablo Suárez García, premio Urogallo de Llingua Asturiana 2015

La entrega del premio tendrá lugar el próximo 6 de agosto, a partir de las 19.30 horas, en el recinto de la Feria Internacional de Muestra de Asturias, en Gijón.

Suárez García fue nombrado este año nuevo miembro de la Academia de la Llingua Asturiana, junto con el biólogo e investigador científico Xosé Antón Suárez. Es conocido por ser autor de la primera traducción del ‘Quijote’ de Cervantes al asturina, publicada en 2015.

Read Full Post »

L’ésitu del Día de les Lletres Asturianes en Madrid asegura la so continuidá

El sábadu pasáu celebróse nel Centru Asturianu de Madrid el Día de les Lletres Asturianes, actu que contó con munchu públicu y collaboraciones de xente emigrao. Tres años ensin celebrase, Iniciativa pol Asturianu recuperó l’eventu, que tendrá continuidá.

L’actu entamó coles pallabres de Valentín Martínez-Otero, presidente del centru, que recordó’l sofitu de la entidá asturiana en Madrid a la cultura y la llingua asturiana y qu’agradeció a Iniciativa pol Asturianu la convocatoria de la celebración. Darréu, Marissa Bordallo, miembru d’esta organización, presentó l’actu y emponderó la disposición de Martínez-Otero pa entamar actividaes alredor de la llingua asturiana.

Read Full Post »

Iniciativa celebra’l Día de les Lletres Asturianes en Madrid con llectura colectiva

Iniciativa pol Asturianu va celebrar el Día de les Lletres Asturianes en Madrid con una llectura colectiva que tien de densenvolvese nel Centru Asturianu de Madrid esti próximu sábadu.

El sábadu 11 de xunu Iniciativa pol Asturianu recupera la celebración del Día de les Lletres Asturianes en Madrid, en collaboración col Centru Asturianu de Madrid. Va celebrase un actu nel que se presentará la revista Formientu y se fadrá una llectura de testos lliterarios n’homenaxe a la nuesa llingua y a los escritores qu’escriben n’ella. L’actu va celebrase nes instalaciones del Centru Asturianu de Madrid nel centru de la ciudá, na cai Farmacia, 2, esquina cola cai Fuencarral, de magar les 20 hores.

Read Full Post »

Cuando la güela de la Princesa d’Asturies recitaba n’asturianu

Menchu y Marisol Álvarez del Valle tán acabante ser gallardonaes col Premiu Nacional de Radio. Anguaño son más conocíes por ser, respectivamente, güela y tía güela de la Princesa d’Asturies, Letizia Ortiz. Pero ente los años cincuenta y noventa del sieglu pasáu fueron unes de les voces más conocíes de la radio n’Asturies y nel estáu. Primero tuvieron en Radio Asturies, n’Uviéu, y más tarde en Radio Nacional d’España, onde Menchu creo programes como “Coser y cantar” y “Rumbo a la fama”. Lo que poca xente sabe ye que dambes dos collaboraron a entamos de los setenta cola asociación Amigos del bable, grabando dellos discos onde recitaben a los autores clásicos de la lliteratura asturiana.

Nel añu 1969 José León Delestal y otres personalidaes del momentu creen “Amigos del Bable”, que nun ha confundise cola mui posterior y enemiga del asturianu “Amigos de los bables”. Na primer conferencia de presentación en sociedá de l’asociación, titulada “En defensa del Bable”, anunciábase’l propósitu de llanzar en plazu curtiu una campaña permanente en favor de la fala de los ástures al traviés d’una revitalización de la so poesía llírica y humorística, amás de la idea d’asoleyar una revista n’asturianu y otros materiales.

Read Full Post »

Galán y González: “Ye llamentable que TermAst nun tenga un sofitu públicu y priváu importante”

PABLO R. GUARDADO

Inaciu Galán y González (Xixón, 1986) ye’l responsable de la novena propuesta terminolóxica del proyeutu TermAst. Diplomáu en Turismu, escoyó esta temática pa ellaborar un pallabreru compuestu por cerca de 900 entraes.

¿Qué lu llevó a presentar una propuesta en TermAst?
Yá va años que siguía’l llabor d’otres entidaes asemeyaes como TermCat o Termigal y fui entamando a facer dalguna cosina. Dende que principió’l proyectu de TermAst tuvi munches ganes de poder aportar daqué y d’ente los campos nos que cunto con formación abondo como pa llevar alantre una xera d’esti calter, camenté que sedría útil trabayar la terminoloxía del turismu, pues ye ún de los sectores con más crecimientu n’Asturies y pal qu’un vocabulariu d’esti tipu pue ser bien amañosu; tener un usu real, pasar del papel, qu’a la fin ye l’oxetivu de TermAst, acullá de facer un repositoriu onde dexar a les pallabres morriendo.

Read Full Post »

El Centru Asturianu de Madrid distingue a Inaciu Galán col Premiu Urogallo de Bronce

El Centru Asturianu de Madrid ta acabante anunciar que’l ganador del Premiu Urogallo de Broce, na estaya de llingua asturiana, ye na convocatoria de 2012 pa Inaciu Galán y González, periodista, escritor y presidente d’Iniciativa pol Asturianu. El premiu reconoz la trayectoria de persones que trabayen a favor del asturianu en distintes estayes y vien entregándose dende l’añu 1986. Dende entós recibiéronlu persones como Mª Josefa Canellada, Xosé Lluis García Arias, Roberto González-Quevedo, Jesús Neira, Nené Losada, Lluis Xabel Álvarez “Texuca”, Ramón d’Andrés, Ana Cano, Próspero Morán, Mánfer de la Llera, Xuan Bello o Berta Piñán, ente otros, y l’Academia de la Llingua Asturiana y Ediciones Trabe.

Con esti gallardón, el Centru Asturianu de Madrid reconoz el llabor d’Inaciu Galán y González (Xixón, 1986), Máster en Sociedá de la Información y el Conocimientu na Universitat Oberta de Catalunya (UOC), Diplomáu en Turismu y Especialista en Xestión Cultural pola Universidá d’Uviéu. Anguaño remata los estudios de Periodismu na Universidá a Distancia de Madrid (UDIMA) y entama cola preparación de la so tesis de Doctoráu.

Read Full Post »