IPÑ y Foro se unen a Conceyu para dar a Noreña una norma de uso del bable

LUCAS BLANCO

A la tercera fue la vencida y Conceyu Abiertu consiguió sacar adelante una propuesta para aprobar una ordenanza de uso del asturiano en Noreña que fue rechazada hasta en dos ocasiones el pasado mandato. Ayer contaron con el apoyo del gobierno de coalición de IPÑ y Foro, así como de IU. PSOE y PP votaron en contra.

El concejal de Conceyu, Antonio Martínez defendió la necesidad de una ordenanza que reconozca el derecho a comunicarse con la administración en asturiano y negó que ello conllevara gasto alguno. “En caso de problemas de entendimiento se recurrirá a organismos que no supondrán coste”, señaló acerca de una postura que también fue defendida por Foro.

Read Full Post »

Movilla, ¡¡valió yá!!

L’Asociación Cultural N’AST quier amiestase a instituciones comu l’Academia de la Llingua Asturiana y colleutivos comu la Xunta pola Defensa de la Llingua Asturiana ya Iniciativa pol Asturianu nes sos crítiques al Alcalde Noreña, el “socialista” César Movilla, pol nuevu casu de represión llingüístico protagonizáu pol mesmu al refugar al Coleutivu de Paraos y Precarios de Sieru y Noreña una solicitú d’un llocal públicu p’aconceyase por tar redautada en llingua asturiana.

N’Ast tamién quier pidir la dimisión del señor Movilla porque, ensin necesidá d’entrar en más considerances, lo propio d’un cargu públicu asturianu ye defender lo asturiano, non atacalo, y l’Alcalde Noreña nun sólo nun lo fae sinón que nun dexa facelo a aquelles persones que sí defenden los drechos fundamentales del pueblu asturianu, tanto los llingüísticos comu, nesti casu, los llaborales.

Read Full Post »

La XDLA acusa a Movilla de “continuar cola represión del asturianu en Noreña”

La Xunta pola Defensa de la Llingua acusó ayeri a César Movilla, alcalde de Noreña (FSA-PSOE) y Madreñazu 2011, de continuar “cola so prometedora carrera de represión de los derechos llingüísticos de la so ciudadanía”, en referencia a la so decisión de refugar un escritu del colectivu de Paraos y precarios de Siero y Noreña por tar escritu n’asturianu. “L’actuación reiterada del alcalde de Noreña nesta materia ha valir pa la toma de conciencia de la situación d’indefensión y vulneración de derechos a los se somete sistematicamente a la ciudadanía asturiana y pa que se tomen toles acciones necesaries pa asegurar situaciones intolerables como ésta”.

La denuncia de la XDLA súmase a les crítiques de l’Academia de la Llingua Asturiana, que calificó de “falta de respetu hacia la llingua y la cultura asturiana” la decisión del Ayuntamientu de Noreña, y d’Iniciativa pol Asturianu, que solicitó la dimisión d’un “alcalde antidemocráticu” que “reprime a ciudadanos por querer usar la so llingua propia, tal y como recueye como drechu la Llei d’Usu del Asturianu, vixente dende 1998”.

(del Qué ye ho!, 30-01-2014)

Read Full Post »

L’Academia de la Llingua condena la ‘consciente y reiterada desconsideración’ hacia l’asturianu del Alcalde de Noreña

L’Academia de la Llingua Asturiana vien siguiendo “con esmolición los continuos casos de discriminación llingüística que tán sufriendo los ciudadanos del Conceyu de Noreña a lo llargo d’estos años pola actitú del so alcalde, D. César Movilla, pa col usu de la llingua asturiana na vida diaria del conceyu.

La cabera decisión del alcalde de Noreña de refugar la petición d’un coleutivu de “Paraos y Precarios de Siero y Noreña” por tar redactada n’asturianu, ye pa la máxima institución llinguísitca asturiana, “una vegada más una falta de respetu hacia la llingua y la cultura asturiana –ya inda más, hacia’l propiu derechu de los ciudadanos del conceyu a usar la llingua d’Asturies”.

Read Full Post »

Iniciativa pol Asturianu solidarízase col colectivu de Noreña reprimíu pol alcalde socialista por presentar un documentu n’asturianu

El Coleutivu de Paraos y Precarios de Siero y Noreña denunció ayeri que l’alcalde de Noreña, Cesar Movilla, de al FSA-PSOE, negó-yos a estos ciudadanos l’usu de la llingua asturiana al traviés d’un escritu nel qu’obliga a esti coleutivu a volver a presentar el documentu “en castellano”. Pa Iniciativa pol Asturianu esti ye un fechu que, amás de dir contra la llexislación vixente, lo que ye bien grave que se faiga dende les instituciones, ye un ataque a la dignidá y la igualdá de los ciudadanos asturianos que deciden en llibertá espresase na so llingua propia.

Nesi sen, Paraos y Precarios de Siero y Noreña manifestaron que nun esperaben “atopanos con un portazu na cara de buenes a primeres”, no que camienten “ye un insultu a tolos paraos y paraes de los conceyos de Siero y Noreña” por usar l’asturianu. A la so quexa añadieron la sorpresa desagradable por esti fechu “nun entendemos cómo pue negase’l so usu a los ciudadanos”.

Read Full Post »

L’Ayuntamientu de Noreña vuelve a refugar escritos n’asturianu

Casu nuevu de represión llingüística en Noreña. L’alcalde del municipiu, Cesar Movilla, niégase a tramitar dos solicitudes de documentación de Conceyu Abiertu con fecha d’entrada nel rexistru del 17 y 21 d’esti mes, por tar escritos n’asturianu. Trátase en dambos casos de testos cenciellos nos que se pide documentación: el día 17 un llistáu con documentación en xeneral de dellos temes (ponte del rebalde, actes de plenos celebraos, les normes subsidiaries que sostituyen al PGOU, los presupuestos de 2012, el borrador de los de 2013) y nel casu del 21 d’una copia de los antecedentes de les comisiones celebraes güei.

Sicasí, foi precisamente güei cuando l’Ayuntamientu fixo estrega d’una carta de contestación onde l’alcalde comunica que “previo a su tramitación deberá presentarlos en lengua castellana”. Conceyu Abiertu argumenta que los testos son dafechamente entendibles y cenciellos, simplemente se trataría de dar el so consentimientu pa que se facilite al Grupu Municipal una copia de los documentos pedíos. “La postura antiasturiana del alcalde ye bien conocida y ta suficientemente documentada, pareznos que nesta ocasión tamién se trata d’una nueva esculpia pa torgar un normal accesu a la información, como venimos denunciando tolos grupos de la oposición dende l’aniciu de la llexislatura”.

Read Full Post »

L’alcalde de Noreña pide a un conceyal que nun use l’asturianu

Nel Plenu Municipal de Noreña d’esti 27 de setiembre, l’asturianu, y concretamente la palabra anguaño, foron protagonistes de la sesión. El motivu foi una pregunta del conceyal de Conceyu Abiertu, Pablo Pérez, al Gobiernu municipal sobre una petición fecha pol so partíu de poner una valla nel apeaderu de FEVE en Noreña, «dende’l pasu cebra hasta la qu’hai anguaño». Nesi momentu, Pérez foi interrumpíu por otra conceyala y pol alcalde de Noreña, César Movilla, que dixo qu’había muncha xente que nun lo entendía, «polo que-y pidiría qu’usara’l castellanu», dalgo a lo que se negó’l conceyal asturianista.

Read Full Post »

L’ALLA y N’Ast critiquen la postura del PSOE de Noreña al torgar una moción sobre l’usu del asturianu

Los votos contrarios del PSOE y Ideas, y l’astención de FAC y PP, torgaron una moción de Conceyu Abiertu por Noreña pa que’l Plenu aceptara mociones n’asturianu. L’ALLA y N’Ast mostráronse mui críticos colos socialistes.

Nuna primer votación de la moción presentada la selmana pasada pol conceyal nacionalista Pablo Pérez, hubo un empate ente a cinco votos: los 4 del PSOE, que tien l’alcaldía, y el del so sociu de gobiernu, Ideas, polos 3 d’Independientes por Noreña (3) y el del Frente de la Izquierda y Conceyu Abiertu por Noreña. Un empate que pudo desfacese colos votos del edil del PP o’l de FAC, l’asturianista Inaciu Iglesias, pero dambos astuviéronse. Yá nuna segunda votación, repitióse’l resultáu, polo que foi l’alcalde, César Movilla, el que decidió torgar la moción “en base a que nun tenía cuestión d’urxencia”, esplica l’Asociación Cultural N’Ast.

Read Full Post »

PSOE ya IDEAS torguen una moción sobre l’usu del asturianu “por nun tener calter d’urxencia”

La moción, presentada por Conceyu Abiertu-Noreña pidía que’l plenu conceyil tratare mociones escrites n’asturianu. Tres dos votaciones, nes que se valoraba si incorporala o non al alderique del plenu, foi torgada pol alcalde. Nuna primer votación, dióse un empate a cinco conceyales (1 Conceyu Abiertu, 3 d’IPÑ y 1 de FDLI a favor, 4 del PSOE y 1 d’IDEAS en contra, mientres que PP y FORO con 2 y 1 respeutivamente astuviéronse).

Na segunda votación, repitióse’l mesmu resultáu y, poro, foi l’alcalde Cesar Movilla (PSOE) quien col so votu d’alcalde y presidente del plenu resolvió l’empate votando en contra de l’almisión a plenu.

Read Full Post »

Mentires contra la llingua

MARÍA CUETO / IVÁN CUEVAS

Falábemos va unos meses de cómo la conculcación de los derechos llingüísticos de los falantes d’asturllionés nun aparaba en tiempu d’elecciones. De la que se ronden los habituales primeros cien díes de gobiernu, parez que yá ye hora de reflexionar sobre cómo quedó la cuestión llingüística depués del 22 de mayo. Y el panorama, a dicir verdá, nun parez más fácil agora de lo que pintaba primero de los comicios.

Dos fechos especialmente graves marcaron estos díes. El primeru foi la retirada d’una moción municipal de Pablo Pérez, representante de Conceyu Abiertu por Noreña, por tar escrita n’asturiano. El segundu, l’anuncia del conceyal de cultura llionesa de Llión, Juan Pablo García, de que se va retirar tola documentación billingüe realizada pol anterior gobiernu. Los dos casos, quiciabes en parte por producise nos meses de verano, tuvieron una respuesta tímida de los movimientos de reivindicación llingüística (mayor, anque con un aquel protocolariu, nel casu de Noreña). Con too y con esto, nun ye pa caer embaxo qu’estos dos nuevos ataques representen lo pior del argumentariu actual contra les llingües minorizaes.

Read Full Post »