La caxa del tiempu yá espera al 2023

Representantes del mediu millar d’escolines y escolinos de Llingua Asturiana de los centros de Secundaria de la ciudá introduxeron los conteníos de la caxa del tiempu que promueve la Oficina de Normalización Llingüística. Ésta va abrise nel añu 2023.

Con motivu de la decimoquinta edición de los Alcuentros de la Mocedá cola Llingua, que se celebró’l 24 d’abril, entamóse cola iniciativa de la caxa del tiempu, que se concretó’l miércoles. Nun actu celebráu na Escuela de Comercio introduxéronse el deséu o’l petite que tienen pa col asturianu pa los próximos 5 años, amás d’una reflexón de cómo sedrá la situación llingüística nesi momentu.

Read Full Post »

Les XIV Xuntes d’Escolines y Escolinos d’Avilés van contar cola participación de más de mediu millar d’alumnos

PABLO R. GUARDADO

L’Auditoriu del Centru Niemeyer va acoyer esti miércoles les XIV Xuntes d’Escolines y Escolinos d’Avilés cola participación de 530 alumnos y alumnes. Mentes, los Centros Socioculturales de la villa entamen cuentacuentos n’asturianu esta selmana.

Los escolinos y escolines de cuartu, quintu y sestu de Primaria de les escueles Versalles, Villalegre, La Carriona-Miranda, Enrique Alonso, Apolinar García Hevia, Llaranes, Santo Tomás, Salesianos, San Nicolás de Bari, Principáu y el Centru Rural Agrupáu Castrillón-Illas, y los de Institutos de Secundaria de La Madalena, el Númberu 5, Menéndez Pidal y La Xungarosa, van presentar les sos propuestes preparaes mientres les selmanes últimes sobre’l tema d’esti añu: la lliteratura n’asturianu fecha por muyeres. Nel casu de los más pequeños va consistir n’actuaciones musicales, teatrales y llectures, mentes que los mayores van aportar trabayos d’investigación, power points y audiovisuales.

Read Full Post »