Posted in Asturies, Lexicologie / Lexicoloxía, tagged Academia de la Llingua Asturiana, Colexu d'Inxenieros n'Informática del Principáu d'Asturies, Pablo Quiroga, Softastur on Febreiro 24, 2023| Leave a Comment »
L’Academia de la Llingua Asturiana publicó un númberu nuevu de la colección ‘TermAst’. Trátase de la ventésima primer propuesta que nesi casu ta dedicada al mundu del cine y que recueye cuasi 400 propuestes terminolóxiques.
El trabayu ye obra del productor y director audiovisual Pablo Quiroga, que recueye la terminoloxía de cine nun exemplar que yá ta abiertu pa la consulta llibre dende la páxina web de TermAst.
(more…)Posted in Asturies, Lexicologie / Lexicoloxía, tagged Academia de la Llingua Asturiana, Colexu d'Inxenieros n'Informática del Principáu d'Asturies, David Fernández, Softastur, TermAst on Júlio 14, 2021| Leave a Comment »
El Centru de Terminoloxía Asturiana (TermAst) de l’Academia de la Llingua Asturiana (ALLA) publicó esti xueves una propuesta nueva. Trátase de la ‘Terminoloxía de deportes y pruebes olímpiques’.
Trátase d’un repertoriu léxicu obra de David Fernández qu’apaez nel añu nel que se celebren, nesti mes de xunetu, los Xuegos Olímpicos de Branu en Tokiu (Xapón).
(more…)Posted in Asturies, Lexicologie / Lexicoloxía, Lhiteratura / Lliteratura, tagged Academia de la Llingua Asturiana, Antón Caamaño, Belarmino Daniel Álvarez, Colexu d'Inxenieros n'Informática del Principáu d'Asturies, Héctor Pérez Iglesias, Marta Suárez Estrada, Softastur, TermAst, Xosé Lluis García Arias on Febreiro 7, 2014| Leave a Comment »
PABLO R. GUARDADO
Belarmino Daniel Álvarez y Antón Caamaño son los responsables de la undécima propuesta del proyeutu TermAst de l’ALLA: ‘Terminoloxía de Teatru y Artes Escéniques’. La institución ta acabante d’espublizar dos llibros.
Estos direutores d’escena afrontaron el retu de recoyer términos venceyaos al mundu del teatru y de les artes escéniques “porque apoyar el teatru asturianu nun ye sólo facer una comedia n’asturianu”, señala Caamaño. Asina, ellaboraron un pallabreru formáu por alredor de 1.200 términos que, al final, quedaron reducíos a un millar pa que’l conxuntu tuviera más sentíu. Sicasí, estos nun queden pa prau y podríen recuperase pa terminoloxíes venceyaes a la música, la ópera y el doblaxe qu’Álvarez y Caamaño nun descarten facer nun futuru próximu. (more…)
Posted in Asturies, Lexicologie / Lexicoloxía, tagged Academia de la Llingua Asturiana, Colexu d'Inxenieros n'Informática del Principáu d'Asturies, Ricardo Saavedra, Softastur, TermAst on Maio 8, 2012| Leave a Comment »
La nueva propuesta terminolóxica en TermAst, entidá dependiente de l’Academia de la Llingua Asturiana dedicada a trabayar el campu de la terminoloxía técnica n’asturianu, ye la dedicada a la Terminoloxía de Teoría de la Lliteratura. El trabayu ye obra del músicu, profesor y doctor en Filoloxía Española, Ricardo Saavedra. Ente los términos, acrósticu, asocedíu, cronotopu, dialoxismu, plaxu o zéxel.
TermAst ye’l centru encargáu de la coordinación xeneral de les xeres terminolóxiques venceyaes a la llingua asturiana y surde en xineru de 2009 per aciu del pautu robláu ente tres entidaes asturianes: el coleutivu Softastur, el Colexu d’Inxenieros n’Informática del Principáu d’Asturies y l’Academia de la Llingua Asturiana. Ente los trabayos asoleyaos hasta agora los dedicaos a terminoloxía educativa, física, matemática o médica.
ENLLAZ: Terminoloxía de Teoría de la Lliteratura.
(d’Asturnews, 08-05-2012)
Posted in Asturies, Lexicologie / Lexicoloxía, tagged Academia de la Llingua Asturiana, Colexu d'Inxenieros n'Informática del Principáu d'Asturies, Rodrigo Fernández Joglar, Softastur, TermAst on Dezembre 20, 2011| Leave a Comment »
Termast, centru encargáu de la cooridinación xeneral de les xeres terminolóxiques venceyaea a la llingua asturiana y nel que participen, amás de l’Academia de la Llingua Asturiana, el Colexu d’Inxenieros n’Informática del Principáu d’Asturies y el Coleutivu Softastur, acaba d’asoleyar una propuesta léxica nueva, titulada “Terminoloxía educativa”. L’aturo ye’l pedagogu y músicu Rodrigo Fernández Joglar. Trátase d’una escoyeta na que se recueyen los términos más básicos y actuales pa entender el mundu educativu, escolar y pedagóxicu, ente los que s’atopen dalgunos como abusu escolar, doctoráu, entornu virtual de deprendimientu o escolín.
La propuesta súmase a les yá asoleyaes en versión dixital o papel por esta insitución, dedicaes al campu de la xusticia, la física, los unvíos postales, la medicina, les matemátiques y la economía y empresa.
(d’Asturnews, 20-12-2011)
Tierra alantre, la mesma fala 