Feeds:
Antradas
Comentairos

Posts Tagged ‘Conceyería de Cultura Llïonesa del Conceyu de Llión’

Ata Outubre y 15, ta abierta la matrícula pa las autividaes qu´ufierta la Escuela de Formación Tradicional(EFT) del Conceyu de Llión al travies de la Conceyería de Cultura Llïonesa desendolcandu cursos semestrales de deprendizax sobru istrumentos tradicionales asina cumu baille ou llinguax musical tradicional y llingua y cultura llionesa.

Pa más información dirixise a la sede la Conceyería, nel Palaciu Don Gutierre asitiáu na Plaza del mesmu nome (Tfnu. 987344370).

(de L’Astiella de Ribesla, 08-10-2010)

Read Full Post »

Guei, Setiembre y 28, y dica Outubre y 9 queda abiertu’l plazu de matricula nos cursos 2009-2010 de Llingua Llïonesa na Conceyería de Cultura Llïonesa del Conceyu de Llión a cargu’l llïonesista Abel Pardo Fernández. Seis sedrán los niveles cun un preciu pur alunu de 10 Euros pa empadronaos na ciudá de Llión y 20 Euros el restu d’interesaos. Pa informacion ya iscriciones los interesaos deberán dirixise a la Conceyería de Cultura Llïonesa, asitiada nel Palaciu Don Gutierre, Plaza de Don Gutierre, nº2. Tlfnu. 987 344 370.

(del Conceyu de Llión, 28-09-2009)

Read Full Post »

Amadeu Ferreira, másimu esponente nel procesu de recuperación llinguística del mirandés, visitóu esti fin de selmana Llión cul envís de participare cumu ponente nel cursu de primaveira entamáu pula Conceyería de Cultura Llïonesa “Procesos de Normativización: Llïonés y Mirandés” y apresentar el sou llibru Os Lusíadas e o Mirandés – História de Uma Lengua e de un Povo ilustráu pur José Ruy. Nel cursu, desendolcáu nas mañanas y tardes del sábadu y domingu nel Palaciu Don Gutierre y nel que se chenaran tolas plazas disponibles, Amadeu Ferreira falóu na tarde del sábadu del procesu de recuperación, normalización y normativización que se ta desendolcandu na tierra de Miranda pa cul mirandés, pa, darréu, apresentar el sou llibru ante un auditoriu práuticamente chenu acompañáu del ilustrador José Ruy, el Cónsul de Pertual en Llión y el Conceyeiru de Cultura Llïonesa, Abel Pardo Fernández. L’eventu sirvíu pa estreichar inda más los llazos ente Llión y Miranda y afitare la collaboración llinguística que dambas tierras vienen desenrollandu dende cuantayá.

(de l Portal del Ayuntamiento de León, 11-05-2009)

Read Full Post »