Feeds:
Antradas
Comentairos

Posts Tagged ‘Conceyu Bimenes’

PABLO R. GUARDADO

Hai 25 años nacía l’espíritu de Bimenes. El Conceyu yerbatu declaraba la oficialidá del asturianu, torgada a lo poco nos tribunales, que nel 2016 volvía a proclamar yá con Aitor García Corte (Xixón, 1980) al frente del Consistoriu, alcalde que prepara con ciñu la Fiesta de la Oficialidá del sábadu na que la conseyera va lleer el pregón.

5 de xunetu del 1997. ¿Qué recuerdu-y trai esa fecha?

Enantes nun había redes sociales nin tan siquiera móviles. Por aquella yo tenía 17 años y entéreme de la declaración d’oficialidá por un bandu del conceyu. Un bandu que punxeron nel horru de mios güelos. Alcuérdome perfeutamente.

(more…)

Read Full Post »

El Conceyu bimenes ta acabante convocar la edición XXV del Concursu de Cuentos pola Oficialidá del Asturianu. Los cuentos han de tar redactaos en llingua asturiana, respetando les normes ortográfiques vixentes. Sedrán inéditos, de tema llibre, non premiaos notros concursos lliterarios y non suxetos a compromisu d’edición.

Los rellatos han de tener una estensión máxima de 10 folios y presentase mecanografiaos a doble espaciu, per una sola cara. Unviaránse l’orixinal en papel y una copia en versión informática (CD). Cada autor o autora nun podrá presentar namás qu’una obra. Les obres, ensin firma, tienen de presentase con nomatu. Ésti apaecerá nuna plica, en sobre zarráu, onde constarán nome y apellíos del autor o autora, númberu del DNI, teléfonu de contautu, señes y currículu (con semeya).

(more…)

Read Full Post »

L’escritor Pablo Rodríguez Medina (L’Entregu, 1978) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu venticuatro.

El primer premiu, dotáu con 600 euros, foi pa la so obra ‘En brazos de naide’. El segundu premiu, dotáu con 450 euros, foi pal cuentu ‘Enguedeyos y mentires’, de Solinca Turbón Cuesta (La Felguera, 1981), y Gonzalo González Barreñada (Sotrondio, 1973) algamó’l tercer premiu al que se-y apurren 300 euros, con ‘La muerte d’acebache’.

(more…)

Read Full Post »

L’escritor José Ángel Gayol (Mieres, 1977) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu ventitrés. El primer premiu, dotáu con 600 euros, foi pa la so obra “Dalgunes posibilidaes de la domótica”. El segundu premiu, dotáu con 450 euros, foi pal cuentu “Instintu”, de Laura Marcos Domínguez (Mieres, 1982), y Xuan Trenor Allen (Uviéu, 1981) algamó’l tercer premiu –por segundu añu consecutivu– al que se-y apurren 300 euros, con “Xigomencia”. Nesta edición, a la que se presentaren once cuentos, el xuráu tuvo compuestu polos escritores Xulio Vixil Castañón, Héctor Pérez Iglesias y Paco Álvarez González.

(more…)

Read Full Post »

Bimenes celebró esti sábadu la XXIV Fiesta de la Oficialidá de la Llingua Asturiana magar nun poder contar coles actividaes habituales nesta xornada que conmemora la declaración de oficialidá del 5 de xunetu del 1997. “La oficialidá ye Asturies y el que tea a la escontra la oficialidá ta escontra d’Asturies”, aseguró l’alcalde Aitor García Corte nuna declaración institucional.

“Ye la única manera de garantizar una sociedá xusta, avanzada, plural y solidaria”, añadió’l primer edil na Casa Conceyu nun actu que s’emitió al tol mundu al traviés d’Internet y qu’entamó –y zarró– una interpretación de pareya de gaita y tambor, y siguió con una llectura de poemes de Berta Piñán y unes pallabres d’Artur Nunes, presidente de la Cámara Municipal de Miranda de l Douro, territoriu portugués hermanáu con Bimenes onde’l mirandés, del tueru asturlleonés, ye oficial. “El pueblu asturianu somos bien torcíos: cuanto más nos diga daquién una cosa más nos encerriscamos nello. Qu’hailos que nun quieren que falemos na llingua de los nuesos güelos y pás, pues nada, a falala, y munchu meyor, a reivindicala” señaló’l cabezaleru d’Asturianistes por Bimenes nun discursu lleíu a comuña con otros ediles de la corporación.

(more…)

Read Full Post »

JUAN VEGA

Cientos de personas se congregaron, a mediodía, ante el Ayuntamiento de Bimenes para celebrar la vigesimotercera edición de la ‘Fiesta pola Oficialidá’ que, un año más, volvió a reivindicar la «necesidad» de que el Estatuto de Autonomía del Principado de Asturias recoja el carácter oficial del asturiano del mismo modo que sucede en otras comunidades autónomas. El alcalde de Bimenes, Aitor García, fue, especialmente, irónico en su intervención en la que cargó contra gran parte de la clase política asturiana: «Nos quieren imponer quién es ciudadano de primera y de segunda». Además, prosiguió, «muchos dicen que quien habla asturiano es un aldeano, pues yo estoy orgulloso de ser un aldeano».

La actriz María Cotiello, encargada del pregón de las fiestas, fue muy directa en su discurso: «Es hora de dejar de justificarse y de defenderse, hay que seguir luchando con la mayor de las armas, la única que se defiende sola, la verdad».

(more…)

Read Full Post »

El sábadu que vien, 1 d’avientu, el Conceyu Bimenes fai entrega de los premios del XXI Concursu de Cuentos pola Oficialidá del Asturianu. L’actu va tener llugar nel Muséu Casa de les Radios, allugáu en Suares, a les 19’00 hores.

Nel trescursu del mesmu’l ganador del certame, Héctor Pérez Iglesias (Arlós, Llanera, 1978) lleerá la so obra, “Que trata de lo que me cuntó’l mio mayestru al dexar l’abadía”, que llevó’l 1er premiu, al que se-y apurren 600 €. El 2u premiu, dotáu con 450 €, foi pal cuentu “Enkidu y la eternidá”, de Rubén Magadán Cosío (La Collá, Siero, 1985), y Armando Gutiérrez Rodríguez (Ciñera, La Pola Gordón, 1965) algamó’l 3er premiu, al que se-y apurren 300 €, con “Nun requexu”.

(more…)

Read Full Post »

El Conceyu Bimenes vieno acabante de convocar el XXI Concursu de Cuentos pola Oficialidá del Asturianu, que s’afita dende va años como una de les referencies lliteraries de la narrativa menor en llingua asturiana.Los cuentos que se presenten al certame han de tar redactaos en llingua asturiana y nun pasar de les diez fueyes, mecanografiaes a doble espaciu y per una sola cara. El plazu pa la presentación de trabayos fina’l 31 de mayu y l’apertura pliques tendrá llugar el 3 de xunetu, día nel que tamién se dará anuncia de la fecha d’entrega premios.

L’importe económicu de los premios ye de 600 € pal primeru, 450 € pal segundu y 300 € pal terceru. Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Plaza de Miranda de l Douro, s/n. 33527 – Martimporra.

(more…)

Read Full Post »

CRISTINA CORTE

Bimenes recurrirá la suspensión de la ordenanza municipal que regula el uso del asturiano en el concejo. Así lo decidió la corporación municipal ayer en un pleno extraordinario celebrado después de que la Abogacía del Estado, a través del Tribunal Superior de Justicia, anunciara que dejará sin efecto la norma.

La unanimidad entre los cuatro partidos de la corporación yerbata ha sido constante desde que comenzó el proceso. El gobierno municipal -conformado por Partíu Asturianista, la agrupación local Xente Yerbato e Izquierda Xunida- defiende que la ordenanza ahora suspendida refleja el interés de los vecinos por normalizar el uso del asturiano. Una reivindicación a la que se sumó ayer el PSOE, añadiendo a estos motivos la decisión de la Federación Socialista Asturiana (FSA) de caminar hacia la oficialidad.

(more…)

Read Full Post »

Pablo Rodríguez Medina (L’Entregu, 1978) ye’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu venti. El primer premiu, dotáu con 600 euros, foi pa la so obra ‘Los restos d’un naufraxu’.

El segundu premiu, dotáu con 450 euros, foi pal cuentu ‘Polly a les puertes del paraísu’, de Lluis Aique Iglesias Fernández (Sotrondio, 1967), y Llucía Fernández Marqués (Xixón, 1974) algamó’l tercer premiu, dotáu con 300 euros, con ‘Ca tolos vientos’.

(more…)

Read Full Post »

Older Posts »