Feeds:
Antradas
Comentairos

Posts Tagged ‘Conceyu de Cabranes’

La Cruciada, La Bobia, Miyangues y La Miyar pasen a ser la denominación oficial d’estos cuatro llugares de Cabranes. La Xunta Asesora de Toponimia dio’l preste a estes cuatro modificaciones solicitaes pol Conceyu que s’espublizaron nel BOPA d’esti xueves.

Aprobaos n’avientu del 2005, once años depués el Conceyu de Cabranes solicitó la revisión de cuatro topónimos tradicionales, que pasaben a ser oficiales. Tres estudiar estos pidimientos, la Xunta Asesora de Toponimia comunicó al Ayuntamientu la so conformidá, polo qu’agora estos nomes de llugar pasen a ser los definitivos tres salir espublizáu nel Boletín Oficial del Principáu d’Asturies la modificación del decretu previo preste del Conseyu de Gobiernu.

(more…)

Read Full Post »

El Serviciu de Normalización Llingüística de la Comarca de la Sidra, en collaboración col Conceyu de Cabranes, entama pa esta seronda un cursín de llingua asturiana na Casa la cultura de Santolaya.

El cursu, de 30 hores de duración, impartiráse los llunes y los miércoles de 17:30 a 19 hores y abordará, amás de les normes ortográfiques y gramaticales, aspectos d’historia, socioloxía y cultura actual en llingua asturiana.

(more…)

Read Full Post »

Pola mor del centenariu del ñacimientu de la filóloga y escritora María Xosefa Canellada, el Conceyu de Cabranes, en collaboración col Seminariu de Filoloxía Asturiana de la Universidá d’Uviéu, organiza unes conferencies na Casa la Cultura-Centru de Llectura de Santolaya (Cabranes). Los actovs van entamar el vienres 19 d’ochobre.

Xulio Viejo Fernández, profesor de la Universidá d’Uviéu y miembru del Seminariu de Filoloxía Asturiana va falar el vienres día 19 d’ochobre a les 19,30 hores de l’autora, na conferencia titulada “María Xosefa Canellada: investigación y compromisu”. (more…)

Read Full Post »

Güei empiecen les clases del cursín d’asturianu que tien programáu pa esti veranu’l Serviciu de Normalización de la Comarca en xunto cola Asociación de Muyeres Conceyar de Camás, en Cabranes, cola collaboración d’esti últimu conceyu.

El cursu, d’alfabetización n’asturianu y de 20 hores de llargor, va durar hasta mediaos d’agostu, con clases repartíes ente los martes y los xueves, de seis a siete y media de la tarde, nes antigues escueles del pueblu qu’anguaño funcionen de centru social del llugar.
La inscripción ye de baldre y cualquiera pue incorporase a les clases cuando meyor-y pete.

(more…)

Read Full Post »