El Conceyu de Xixón convoca’l Premiu de Novela Curtia Andrés Solar Santurio

La Conceyalía de Cultura de Xixón, “nel so enfotu por favorecer y promover la creación lliteraria n’asturianu, al tiempu facer alcordanza de la figura del escritor xixonés y la so querencia pola llingua de nueso y pola so normalización social”, convoca la primer edición del Premiu de Novela Curtia Andrés Solar Santurio.

Les obres habrán tener una estensión mínima de 90 y una estensión máxima de 150 páxines. El plazu de presentación d’orixinales va entamar al otru día de la publicación de les bases nel BOPA y va rematar el 26 de setiembre de 2021, Día européu de les llingües.

Read Full Post »

L’ALLA va asesorar al Conceyu de Xixón de cara a normalizar l’usu del asturianu

L’Academia de la Llingua Asturiana y el Conceyu de Xixón firmaron un conveniu nuevu, ensin naturaleza económica, onde se recueye la collaboración na normalización social del asturianu y l’asesoramientu llingüísticu de l’Academia al Conceyu.

Dambes instituciones principiaron la llexislatura con un alcuentru ente los sos máximos representantes onde pudieron repasase y valorase los últimos avances na normalización social del asturianu dientro de l’acción del Conceyu. Naquella mesma ocasión, estudiárense delles propuestes pa desendolcar a lo llargo del ciclu políticu actual y pactaren les bases del documentu que ta acabantes de zarrar el so procesu de tramitación.

Read Full Post »

Gijón aprueba el Plan de Normalización Llingüistica

La Corporación gijonesa ha dado luz verde este lunes en el Pleno, con el rechazo de Vox y la abstención de Ciudadanos y PP, al Plan de Normalización Llingüistica de Xixón 2020/2023. Este establece un plan de acción, con medidas a aplicar dentro de un plan progresual y consensuado, y de acuerdo a la Legislación vigente, respetando los principios de libertad y voluntariedad de su uso por parte de la ciudadanía.

El concejal de Educación y Cultura, Alberto Ferrao, ha defendido que el asturiano es una llingua «con historia propia, centenaria» y la necesidad de una regulación normativa para evitar su pérdida. Ha remarcado, asimismo, que este documento salió del consenso, salvo la postura en contra de Vox. Además, ha reivindicado la protección «de nuestro patrimonio». En el caso de IU-IAS, socio de Gobierno local, su portavoz, Aurelio Martín, ha sostenido el día a día en Xixón transcurre «con total normalidad» en dos lenguas, aunque ha precisado que la Administración suele ir por detrás del uso cotidiano.

Read Full Post »

Iniciativa esixe la toponimia oficial nel Palaciu de los Deportes de Xixón

Iniciativa pol Asturianu vieno acabante d’esixir nuna nota de prensa que la toponimia oficial tea presente nel Palaciu de los Deportes “Presidente Adolfo Suárez” de Xixón, al denunciar que’l pliegu de condiciones de les obres pal nuevu parqué nun recueye la toponimia oficial.

Iniciativa pol Asturianu esixe al Conceyu de Xixón que la toponimia oficial tea presente nel Palaciu de los Deportes “Presidente Adolfo Suárez” de La Guía en Xixón. La organización denuncia que’l pliegu de condiciones que presenta’l Conceyu pa la instalación del nuevu parqué nun recueye la toponimia oficial (Gijón/Xixón) y únicamente apaez la denominación en castellán. El documentu col pliegu de condiciones del concursu que se puede consultar en la páxina web municipal establez nel puntu 6 que «Asimismo, se incluirán dos serigrafías del logo de “Gijón”».

Read Full Post »

El concursu ‘Xixón Fala en 3’ ábrese a moces y mozos d’ente 14 y 18 años

PABLO R. GUARDADO

El Conceyu de Xixón ta acabante de convocar la segunda edición del concursu ‘Xixón Fala en 3’ depués de la importante participación del 2018. La iniciativa, qu’estimula l’usu del asturianu nun rexistru cultu pa falar de temátiques de cualesquier calter, estrena categoría pa mozos de 14 a 18 años y caltién les orixinales p’adultos.

Pablo Martínez Testa, con ‘Ente lo animal y lo humano’, resultó vencedor na estaya de Cultura Asturiana, mentes que Claudia Gutiérrez Lueje, con ‘Esquí de monte’, fíxilo na de Divulgación tres esponer en trés minutos xustos el so tema a tratar énte’l públicu presente nel salón d’actos de la Escuela de Comerciu de Xixón. Nesta ocasión, les comunicaciones treslládense al del Centru de Cultura Antiguu Institutu, nuna cita prevista pal 14 d’avientu a les 11 hores.

Read Full Post »

El Conceyu de Xixón va ellaborar xunto cola Academia un protocolu p’afalar la promoción del asturianu nel conceyu

El Conceyu de Xixón y l’Academia de la Llingua Asturiana (ALLA) pactaron la ellaboración d’un protocolu de collaboración pa favorecer les midíes de dignificación social del asturianu nel conceyu, asina como pa entamar proyectos concretos d’actuación conxunta y descentralizada que tengan a Xixón como noyu central d’actuación.

Asina lo anunció l’ALLA esti miércoles al traviés de nota de prensa, después del alcuentru que mantuvieron el presidente de la institución, Xosé Antón González Riaño, y l’alcaldesa de Xixón, Ana González. Amás, tamién participaron el miembru del Conseyu Asesor de la Llingua, l’académicu Pablo Xuan Manzano, y el conceyal d’Educación y Cultura de Xixón, Alberto Ferrao Herrero.

Read Full Post »

Toponimia: Conceyu de Xixón. Parroquies de Fresno, Puao, Serín y Veriña

David González Díaz & Feliciano Suárez Fernández, Conceyu de Xixón. Parroquies de Fresno, Puao, Serín y Veriña. Uviéu, ALLA, 2014. «Toponimia» nu 139.

Esta cuarta entrega de llistaos toponímicos del Conceyu de Xixón recueye los materiales encuestaos nes cuatro parroquies citaes, nun proyeutu entamáu pol Conceyu y coordináu por Manuel Huerta Nuño. La mayor parte del territoriu de les parroquies estudiaes asítiase en zones onde s’allugó industria siderúrxica de magar la segunda metada del sieglu XX (les empreses UNINSA, ENSIDESA y ACERALIA, ARCELORMITTAL anguaño). La instalación d’esa industria supunxo’l desaniciu d’una parte importante del territoriu de les parroquies y de la so población, cola desapaición de caseríes, praos, molinos, terrenos… La construcción residencial moderna contribuyó igualmente a desaniciar el perfil llabrador y ganaderu qu’estes parroquies tuvieron hasta polo menos mediaos del sieglu XX. Estes actividaes y otru tipu d’aiciones derivaes d’elles (construcción de bloques de viviendes d’empresa y de nueves carreteres, de l’autopista A-66 y de la más reciente autovía AS-II, la creación de la ZALIA, de COGERSA…) faen que l’estudiu toponímicu ufierte necesariamente resultaos enforma curtios por cuenta la dificultá que supón topar informantes, al ser yá mui poco la xente nacío ellí que queda viviendo na zona y que guarda memoria d’esa información; y tamién por esa ocupación industrial del espaciu que supunxo la desapaición de munchos llugares y de los sos nomes.

(de l’Academia de la Llingua Asturiana, 18-11-2014)

Read Full Post »

IX Vagamar – Homenaxe a Federico González-Fierro Botas

El vienres 26 de setiembre, a partir de les 19:30 hores, y nel patiu del Centru de Cultura Antiguu Institutu de Xixón, l’Asociación Cultural L’Arribada entama la edición novena de La Vagamar con un homenaxe al xesuita y escritor Federico González-Fierro Botas que quier ser tamién una reconocencia al Coleutivu Manuel Fernández de Castro y al so trabayu pola normalización llingüísticu ente la comunidá cristiana asturiana.

L’actu empezará con un falamientu del corrodinador de L’Arribada, l’escritor Humberto Gonzali, y cola primera parte de l’actuación de la Coral Asturiana de Gijón. Continuará con varies intervenciones sobre la vida y obra de Fierro Botas, a cargu de Carlos Rubiera (conceyal de Cultura y Educación), Xosé Nel Riesgo (director de la FMCEyUP), Xosé Ramón Iglesias Cueva (representante de l’Academia de la Llingua), Ramón d’Andrés (Filólogu y miembru del equipu de traductores y espertos de la Biblia n’asturianu), Pablo González-Fierro Huerta (sobrín de Federico González-Fierro Botas) y Xuan Pandiella (presidente de l’Asociación de Vecinos San Emiliano de Vega).

Read Full Post »

L’Arribada fadrá en setiembre un homenaxe a Federico González-Fierro Botas

El vienres 26 de setiembre, mientres la Vagamar 2014, l’Asociación Cultural L’Arribada va entamar un homenaxe al xesuita y escritor Federico González-Fierro Botas. Nacíu n’Uviéu (30 de payares de 1942), cursó los sos estudios nel Institutu de Bachilleratu Alfonso II, diplomóse en Llingües Clásiques (Llatín y Griegu) y doctoróse en Teoloxía y en Ciencies Polítiques y Socioloxía cola tesis doctoral titulada “La formación sindical impartida por Centrales representativas en España, 1976-1992”. Llicencióse tamién n’Hestoria siendo profesor d’Historia social. Foi espertu en llingua y lliteratura ruses y profesor visitante en delles universidaes de l’antigua Xunión Soviética y de l’actual Federación Rusa.

Cura obreru nos años 60 y 70 del sieglu XX, trabayando d’empleáu manual de fábriques, carteru y otros en Cataluña, Galicia y per Europa. Nesi tiempu collabora con delles organizaciones obreres, sobremanera en materia de formación de los sos militantes. En 1996, fai un manual de formación sindical. Viaxa en numberoses ocasiones a la Xunión Soviética onde surde’l so interés pola cultura rusa. Destináu pola so orde a Xixón trabaya como profesor na Fundación Revillaxixéu, onde sedría xefe d’estudios ya inxerta nel curriculu del centru educativu Llingua y Cultura Asturiana.

Read Full Post »

Emtusa caltién la toponimia deturpada pese a les protestes

N’ochobre, l’Ayuntamientu agradeció a Iniciativa pol Asturianu la reclamación “qu’ayuda a ufrir un meyor serviciu a los ciudadanos”.

L’Alcaldía del conceyu de Xixón, púnxose en contactu al traviés de carta’l 25 d’ochobre pa responder a la reclamación presentada por Iniciativa pol Asturianu énte’l rexistru del Conceyu dempués de que los autobuses de Xixón, de la compañía pública EMTUSA, dexaren d’usar en paraes y nos indicativos de los vehículos la toponimia oficial dende l’añu 2006, con casos como ‘Les Mestes’, que volvió al derogáu topónimu ‘Las Mestas’ o ‘El Cerilleru’, que pasó a ser ‘Cerillero’.

Read Full Post »