Xavier Frías espubliza 104 nanocuentos n’asturianu

El filólogu y escritor Xavier Frías Conde espubliza un llibru nuevu n’asturianu, onde inclúi 104 nanocuentos. La obra asoléyase, como vien faciendo dende va tiempu, namás en versión dixital, que pue descargase de baldre y embaxo llicencia Creative Commons. La obra titúlase “Ente tecla”.

Xavier Frías-Conde (1965) ye Doctor en Filoloxía Románica, autor de lliteratura infantil, poesía y ensayu. Amás, ye traductor lliterariu, autor de delles antoloxíes (de poesía galesa, gallega y sarda contemporanees), miembru del Grupu Bilbao d’escritores en llingua gallega en Madrid. Tien obra espublizada en gallegu, castellán, asturianu, inglés, catalán…

ENLLAZ: Ente tecla.

(d’Asturnews, 14-10-2010)

Read Full Post »

Asoleyen la torna portuguesa del llibru “Xix(on) Century”

El llibru Xix(on) Century, orixinalmente espubublizáu n’asturianu, acaba d’apaecer na so versión en portugués col nome “Xix(on) Sound”. La obra, de Xavier Frías Conde, filólogu y escritor n’asturianu, gallegu y otres llingües, espublízase en versión dixital y de la mesma forma que la obra orixinal, pue descargase de baldre y embaxo llicencia Creative Commons. El volume ta formáu por un cuentu curtiu tituláu “Sobrevivencia” y cinco microcuentos ambientaos en Xixón y escritos n’asturianu, pero qu’agora ven la lluz na so versión lusa.

Xavier Frías-Conde (1965) ye Doctor en Filoloxía Románica, autor de lliteratura infantil, poesía y ensayu. Amás, ye traductor lliterariu, autor de delles antoloxíes (de poesía galesa, gallega y sarda contemporanees), miembru del Grupu Bilbao d’escritores en llingua gallega en Madrid. Tien obra espublizada en gallegu, castellán, asturianu, inglés, catalán…

(d’Asturnews, 30-09-2010)

Read Full Post »

Frías Conde espubliza “Xix(ón) century” en versión dixital

El filólogu y escritor Xavier Frías Conde, que tien bien d’obres espublizaes en llingua asturiana, ta acabante asoleyar un llibru nuevu, cola novedá d’espublizase namás en versión dixital, que pue descargase de baldre y embaxo llicencia Creative Commons. La obra, titulada “Xixón) century” ta formada por un cuentu curtiu tituláu “Sobrevivencia” y cinco microcuentos ambientaos en Xixón y escritos n’asturianu.

Read Full Post »