El Congresu sofita la oficialidá de asturianu y aragonés

El Congresu de los Diputaos aprobó esti xueves el puntu sobre la oficialidá de la PNL qu‘Iniciativa pol Asturianu presentó xunto con otres organizaciones de reivindicación llingüística d’otros territorios del Estáu. Son diez asociaciones que trabayen en favor del aragonés, el euskera, l’asturianu, el gallegu y el catalán: Nogará, Kontseilua, Iniciativa Pol Asturianu, A Mesa Pola Normalización Llingüística, Acció Cultural del País Valencía, Ciemen, Escola Valenciana, Ómnium y Plataforma per la Llengua. El puntu 4 de la Proposición Non de Llei dicía: “Impulsar y apoyar reformas estatutarias para la oficialidad de lenguas propias que aún no son oficiales en una parte o la totalidad del territorio donde se hablan”. Este punto, qu’afecta al asturianu y l’aragonés, cuntó col sofitu de 194 votos de la Cámara Baxa.

El presidente d’Iniciativa pol Asturianu, Iván Llera, felicitóse por esti resultáu hestóricu pa la reclamación de la oficialidá del asturianu. “Dempués del complicáu trámite parllamentariu con munches propuestes de cambeos votóse por puntos la PNL orixinal qu’incluyía la reclamación hestórica de la oficialidá. Ye la primera vegada na hestoria que les Cortes Xenerales sofiten esa demanda d’oficialidá de la nuesa llingua” apuntó’l presidente de la organización.

Read Full Post »

Sofía Castañón (UP) promete’l cargu n’asturianu

La diputada por Asturies de Xuníes Podemos (UP) Sofía Castañón prometió’l so cargu en llingua asturiana na sesión constitutiva de la XIV Llexislatura nel Congresu. «Pola democracia y pol feminismu, sí prometo», foi la formula utilizada pola diputada asturiana nel momentu d’acatar la Constitución. Castañón yá utilizara una formula asemeyada nel empiezu de la llexislatura pasada: «pola democracia y los nuesos derechos y llibertaes, sí prometo», foron les palabres qu’utilizó.

Con too, nun ye la primer vez que s’usa l’asturianu nel Congresu, porque tanto Castañón como l’ex diputáu de Podemos Segundo González –que nes elecciones de payares encabezó la candidatura de Más País por Asturies– usaron esta llingua pa prometer el cargu, igual que yá fixera Gaspar Llamazares cuando yera diputáu por Asturies d’IX.

(de La Voz de Asturias, 03-12-2019)

Read Full Post »

L’asturianu entra nel Congresu con Sofía Castañón y Segundo González

El diputáu y la diputada de Podemos electos por Asturies usen la llingua asturiana na so promesa

Segundo González comprometióse “a trabayar pa poner les instituciones al serviciu y a l’altura de la xente” mentes que Sofia Castañón prometió “pola alcordanza de les nueses güeles pol futuru de los nuesos fíos”.

Amás de la fórmula habitual de xuramentu o promesa nel Congresu de los Diputaos, ye vezu que los diputaos usen dalguna frase que complemente o matice les sos pallabres.

Read Full Post »

Ana Cano: “El problema de la llingua está en Asturias, no en el Congreso o en la RAE”

P. R.

“No nos engañemos. El problema de la cuestión lingüística no lo tenemos que buscar ni en la Real Academia Española (RAE) ni en el Congreso de los Diputados, está en Asturias. Si fuera una lengua cooficial, el problema de la definición del asturiano en el Diccionario de la RAE no existiría”, declaró ayer a La Nueva España Ana Cano, presidenta de la Academia de la Llingua Asturiana.

El Parlamento debatió hace unas semanas, a iniciativa del diputado asturiano de IU Gaspar Llamazares, una propuesta que instaba a la Academia a cambiar en el Diccionario las definiciones de asturiano, bable, asturleonés y leonés, consideradas caducas y despreciativas hacia una lengua que tiene el rango de tal desde el punto de vista filológico. La iniciativa fue apoyada por el PSOE, Foro Asturias y CiU, pero el PP la rechazó. Su representante, la diputada valenciana y filóloga María Ascensión Figueres Górriz, argumentó que el Gobierno no debe inmiscuirse en el trabajo de la RAE.

Read Full Post »

La propuesta de crear una partida nos Presupuestos pa l’Academia de la Llingua Asturiana volverá a discutise nel Congresu

Iniciativa pol Asturianu propunxo en 2013 a los grupos políticos con representación asturiana nel Congresu la presentación d’una enmienda a los Presupuestos Xenerales pa que l’Academia de la Llingua Asturiana cuntara con una partida, como tienen la española, catalana, vasca y gallega. La propuesta cuntó colos votos favorables de tolos grupos, menos PP y UPyD, y por ello nun pudo aprobase.

Esti añu la organización torna a solicita-yos a los grupos nel Congresu la presentación d’una enmieda parcial a los Presupuestos Xenerales del Estáu que reclame una partida pa l’Academia de la Llingua Asturiana.

Read Full Post »

El Congresu refuga financiar l’ALLA

El Gobiernu español nun va financiar l’Academia de la Llingua Asturiana (ALLA). El Congresu de los Diputaos refugó esti miércoles toles enmientes presentaes polos diputaos asturianos de PSOE, Foro ya IX y ente les que s’incluyíen dos enmiendes de Foro ya IX -por valor de 143.000 y 75.000 euros respeutivamente- coles que s’esixía financiación pa la academia asturiana. Les tres fuercies pautaron votar a favor de toles propuestes que meyoraran el presupuestu p’Asturies. El PP, que tien mayoría na cámara baxa, refugó toles enmiendes de la oposición sacante una d’UPN.

(del Qué ye ho!, 15-11-2013)

Read Full Post »