La campaña de matriculación n’asturianu y gallego-asturiano #Apúntate va llegar a la radio y la televisión

PABLO R. GUARDADO

La Conseyería d’Educación y la de Cultura, Política Llingüística y Turismu entamen una campaña p’animar a la matriculación nes materies de Llingua Asturiana y Gallego-asturiano más ambiciosa qu’otros años. Nesta ocasión va saltar de les escueles y les redes a la radio y a la televisión.

Si’l cursu pasáu tenía’l nome de #YoApúntome, #EuApúntome nel casu de la llingua del occidente del país, nesta ocasión cambia a #Apúntate. Con ella les conseyeríes pretenden, amás de promover la matriculación na materia, facer “llegar a la sociedá, y n’especial a les persones implicaes na enseñanza, el compromisu del Gobiernu asturianu pa cola llingua asturiana y pa col gallego-asturiano”.

Read Full Post »

Cerca de 800 persones inscrites nes primeres pruebes oficiales d’asturianu, pa les qu’había 500 places

Un total de 782 persones inscribiéronse pa solicitar participar nes primeres pruebes de certificación de llingua asturiana qu’entama la Conseyería d’Educación del Gobiernu autonómicu, anque namás van poder concurrir un máximo de 500 aspirantes.

Esti 2020 ye la primer vez que s’entamen estes pruebes. El Principáu decidió principiar col nivel intermediu B2 y acutar un máximu de 500 places pal exame que se va celebrar a finales de mayu n’Uviéu.

La primer convocatoria perpasó esa cifra y un total de 782 persones inscribiéronse, según datos de la Conseyería d’Educación facilitaos a Europa Press.

Read Full Post »

Celaá dice tener “un gran respeto” por el asturiano, pero esperará a la cooficialidad para convertirlo en especialidad

La ministra de Educación y Formación Profesional, Isabel Celaá, ha manifestado que tiene “un gran respeto” por el asturiano como “por todas las lenguas del Estado”, pero su Ministerio esperará a que se convierta en lengua cooficial para convertir sus enseñanzas en especialidad docente, algo que exige una modificación de los reales decretos de especialidades en educación.

Celaá ha recordado además que “las necesidades o demandas” de clases en asturiano “están cubiertas”, como ha declarado a los medios tras reunirse este miércoles con la consejera de Educación de Asturias, Carmen Suárez, en la sede del Ministerio en Madrid.

Suárez ha confirmado que esta ha sido una de las cuestiones que ha abordado con Celaá en una reunión que se ha prolongado durante hora y media, y que se enmarca en la ronda de encuentros que Celaá está manteniendo estas semanas con los consejeros de Educación de las comunidades autónomas.

Read Full Post »

L’Institutu Isla de la Deva denuncia la falta del profesor de Llingua

L’alumnáu matriculáu en Llingua Asturiana del Institutu Isla de la Deva lleva dende l’entamu del cursu ensin profesor titular, que de la mesma ye tutor d’una de les aules de primeru de la ESO.

La Conseyería d’Educación otorgó la plaza en septiembre a una profesora, que se quedó de baxa per enfermedá antes inclusive d’empecipiar les clases. De magar, magar pidise en repitíes ocasiones, nun se cubrió’l puestu.

Read Full Post »

CC OO denuncia que la contratación de profesoráu d’asturianu ye menor a la demanda

“El cursu entama con una contratación de profesoráu de Llingua Asturiana insuficiente pa satisfacer les necesidaes de los centros educativos. La dotación de personal docente fecha pola Conseyería d’Educación nun respuende nin a los pidimientos de los centros nin a la matrícula rexistrada ente xunu y setiembre”, denuncia Comisión Obreres (CC OO) Enseñanza, que recuerda que la situación actual supón un incumplimientu de la Llei de Promoción y Usu del Bable/Asturianu.

La falta de previsión y l’aplicación de criterios d’aforru nes contrataciones por parte d’Eduación provoca esta problemática, albidra’l sindicatu. “La mayoría de los centros afectaos por esta situación solicitaron una xornada completa de Llingua Asturiana, pero la Conseyería d’Educación concedió-yos media plaza. Nel casu concretu d’un centru, la previsión yá contemplaba 18 hores de clase, que son les que da davezu un docente de Secundaria trabayando a xornada completa”, esplica.

Read Full Post »

La Conseyería d’Educación nun cumple cola toponimia oficial

NURIA PRENDES

La Xunta Pola Defensa la Llingua denuncia que na resolución de vacantes d’ensiñantes pal cursu entrante nun se respeta la toponimia llegal

El 23 d’Agostu facíense públiques la rellación de necesidaes educatives esistentes nos cientros públicos docentes d’Asturies, susceptibles de ser axudicaes a los aspirantes d’interinidá del cuerpu docente. Un total de 131 páxines organizaes por conceyu y llocalidá y nes que la Conseyería d’Educación nun respeta la toponimia oficialmente reconocía.

Esti erru tendría de correxise darréu, acordies colo afitao na Llei d’Usu y Promoción del asturianu de 3 de marzu de 1998, y colos sucesivos decretos d’oficialización de la toponimia de los estramaos conceyos que la tienen reconocía, un total de 65 frente a los 11 nos que’l reconocimientu de los nomes orixinales de los llugares ta entá en procesu.

(d’Infoasturies, 27-08-2019)

Read Full Post »

La Universidá Asturiana de Branu yá tien ufierta formativa

L’Academia de la Llingua Asturiana, darréu del pautu firmáu va dellos años cola Universidá d’Uviéu y el Conceyu de Cangas, entamará nel mes d’agostu d’esti añu una edición más de la Universidá Asturiana de Branu (UABRA). La ufierta de cursos yá ta colgada na páxina web de l’Academia ya inclúi Cursos d’Estensión Universitaria dirixíos a los estudiantes de toles estremaes carreres universitaries, amás d’a otres persones ensin formación superior. La direición de los cursos, que se celebren en Cangas del Narcea ta al cargu del profesor y académicu Xosé Antón González Riaño.

Read Full Post »

L’Academia de la Llingua piensa que-y “toca” a la conseyera d’Educación promover la especialidá docente d’asturianu

La presidenta de l’Academia de la Llingua Asturiana, Ana Cano, reclamó esti vienres a la nueva conseyera d’Educación, Ana Isabel Álvarez, que dea pasos dende l’executivu autonómicu pa la “reconocencia de la especialidá de llingua asturiana al profesoráu qu’imparte esta materia nes distintes árees de la enseñanza non universitaria”.

Mientres la clausura de la Universidá de Branu (Uabra) de l’Academia de la Llingua, y l’actu d’entrega de diplomes a los cerca de 150 participantes nos cursos de Cangas, Cano refirióse a esti asuntu. Nel actu tuvo presente la conseyera, el rector de la Universidá d’Uviéu, Vicente Gotor, y l’alcalde de Cangas, José Luis Fontaniella.

Read Full Post »

Los Miniportátiles d’Escuela 2.0 van poer arrancar n’asturianu

Ente les midíes incluyíes nel proyeutu Escuela 2.0 ta la entrega a los escolinos en quintu cursu de Miniportátiles que traen arranque dual con Windows XP y Ubuntu 9.10 (Karmic Koala). Y según acaba d’asoleyar el coleutivu Softastur nel so blog la bona noticia vien porque según informa SUATEA na so web, “la Conseyería vieno acabante aceutar que Ubuntu venga yá cola llingua asturiana instalada nel ordenador (cosa qu’hasta agora nun pasaba)”. Sofastur felicítase tamién por ello y agradece-y a SUATEA la so iniciativa.

Escuela 2.0 ye un proyeutu d’innovación educativa que tien por oxetivu l’usu cotidianu de les TIC nes aules, según la propia Alministración.

(d’Asturnews, 19-03-2011)

Read Full Post »

SUATEA entama una campaña pol asturianu n’Educación Infantil

XICU ARIZA

SUATEA denuncia otra vuelta la negación “sistemática” de la conseyería d’Educación a que l’alumnáu d’Educación Infantil puea recibir clases n’asturianu o gallego-asturiano. Por eso entamen una campaña d’unvíu d’instancies.

El sindicatu asturianu d’enseñanza denuncia que la conseyería d’Educación, al traviés del Serviu d’Inspección ta vulnerando l’artículu 10 de la llei d’usu y promoción. Sorrayen qu’estes instituciones tienen amás “conocimientu de causa” tres de la entrevista que representantes sindicales caltuvieron con ellos a finales del cursu pasáu.

Read Full Post »