Feeds:
Antradas
Comentairos

Posts Tagged ‘Conseyería d’Agroganadería y Recursos Autóctonos del Principáu d’Asturies’

Esti llunes 10 de febreru la Xunta pola Defensa de la Llingua Asturiana (XDLA) presentó nel Rexistu Xeneral Central del Principáu d’Asturies requerimientos formales instando a les Conseyeríes d’Agroganadería y Recursos Autóctonos, de Bienestar Social y Vivienda, d’Economía y Empléu, d’Educación, Cultura y Deporte, de Facienda y Sector Públicu, de Fomentu, Ordenación del Territoriu y Mediu Ambiente y de Sanidá a que cumplan la llegalidá en materia toponímica nos sos respectivos ámbitos competenciales. Con estos requerimientos dase continuidá al procesu entamáu’l 31 de xineru pasáu col escritu dirixíu a la Conseyería de Presidencia en calidá de coordinadora de los asuntos de toles conseyeríes.

Nos escritos de la XDLA, recuérdase que la Llei d’Usu y Promoción del Asturianu, aprobada’l 28 de marzu de 1998, recueye nel so artículu 15, Capítulu V, que «los topónimos de la Comunidá Autónoma del Principáu d’Asturies han tener el nome oficial na so forma tradicional». Un decretu posterior, del 4 d’abril del 2002, regula la Xunta Asesora de Toponimia del Principáu d’Asturies, y otru del 18 de xunetu d’esi añu, establez el procedimientu de recuperación y fixación de la toponimia asturiana. L’artículu 5.2 d’esti decretu diz qu’a partir del momentu de la entrada en vigor del Decretu pol que se determinen los topónimos correspondientes, les denominaciones o topónimos que nél se recueyan tendrán la consideración de denominaciones oficiales. Cumpliendo estes normes aprobáronse yá ente’l 2007 y el 2012 50 decretos cola denominación oficial de los topónimos d’otros tantos conceyos. (more…)

Read Full Post »

DAMIÁN BARREIRO

La Conseyería d’Agroganadería y Recursos Autóctonos acaba d’editar un Mapa de caladeros del Principáu d’Asturies que, según indiquen dende’l Gobiernu, ye un trabayu del Centru d’Esperimentación Pesquera y la empresa SIGMA S. L., con una metodoloxía que consistió n’entrevistes personales con patrones d’embarcaciones de pesca y marineros en dellos puertos de la costa asturiana. Al lleer la llista de caladeros que van d’occidente a oriente, con tola so riqueza toponímica y dialectal, vese que l’estudiu fíxose con mui pocu procuru llingüísticu. Por poner dalgún casu, caladeros como Os Tombóis, As Furadas, La Mar de Peñes, El Cachuchu o La Piedra’l Cabrachu aparecen como Los Tombones, Las Furadas, Mar de Peñas, El Cachucho o La Piedra del Cabracho.

Esti mapa ta ellaboráu dientro del proyectu européu PRESPO (Desarrollu sostenible de les pesqueríes artesanales del Arcu Atlánticu), nel que’l Centru d’Esperimentación Pesquera, dependiente de la Dirección Xeneral de Pesca Marítima, participa como sociu. El documentu recueye datos cartográficos y datos pesqueros que foron incorporaos a una base de datos espacial onde se recueyen 226 caladeros. (more…)

Read Full Post »