Feeds:
Antradas
Comentairos

Posts Tagged ‘Conseyería de Cultura y Deporte del Principáu d’Asturies’

Esti miércoles, 22 de febreru, el dibuxante Xosé Xuan González García presenta nel salón de actos de la Casa de Cultura de Mieres del Camín, a les 19’30 hores, el so nuevu trabayu titulaú Hestories del mío conceyu. Un cómic de 56 páxines, con guión e ilustraciones del propiu autor.

La obra ta promovida pola propia Casa de Cultura “Teodoro Cuesta”, col so Serviciu de Normalización Llingüistica y patrocinada pol Ayuntamientu de Mieres y la Conseyería de Cultura y Deporte del Pdo. de Asturias. (more…)

Read Full Post »

IVÁN G. FERNÁNDEZ

En rellación a les declaraciones del martes 14 de febreru de la presidenta de l’Academia de la Llingua Asturiana (ALLA) sobre’l recorte de la subvención concedida pola Alministración, la Conseyería de Cultura acaba d’informar que’l llunes 14 de febreru’l director xeneral de Política Llingüística, Alfredo Álvarez, púnxose en contactu con Ana Cano pa informala del recorte del 40% na subvención, anque, nesa mesma conversación, Cultura asegura que tamién se-y manifestó qu’esi presupuestu nun yera definitivu y que «na midida de les posibilidaes que permitiera’l contestu actual de contención presupuestaria», la Conseyería tenía definíes dos prioridaes clares: «Mantener intactes les partíes destinaes a los Servicios de Normalización, porque d’elles dependen los puestos de trabayu de los sos responsables», y, en segundu llugar, «volver la subvención a l’ALLA a les cuantíes establecíes nel anteproyectu del 2012, esto ye: 167.900 euros nel capítulu de Tresferencies corrientes y 27.427 euros nel de Gastos en bienes corrientes y servicios. (more…)

Read Full Post »

IVÁN G. FERNÁNDEZ

La Conseyería de Cultura acaba de dar a conocer los grupos finalistes de la VI edición del Premiu al Meyor Cantar en llingua asturiana o gallego-asturianu. Un xuráu formáu por espertos en música y llingua escoyó a los cinco finalistes, que van actuar en directo esti sábadu 25 de febreru, por cuenta del Día Internacional de la Llingua Materna, na Gala d’Entrega del Premiu, que, amás, va retresmitise en directo pela TPA. L’actu va empezar a les 19 hores nel Teatru de la Llaboral, en Xixón. (more…)

Read Full Post »

DAMIÁN BARREIRO

Penélope Miranda, presidenta de l’Asociación de Trabayadores de la Normalización Llingüística (ATNL), afirma que si por mor de la situación política actual –nun periodu de prórroga presupuestaria y con un parón pola convocatoria electoral– nun hai subvenciones pa fomentar l’usu del asturianu nes entidaes locales, los servicios de normalización pue que nun puedan entamar nenguna actividá. Estos servicios cuenten con tener una partida del Gobiernu pa mantener los puestos de los trabayadores, pero lo que nun ta claro ye si la Conseyería de Cultura va convocar les subvenciones en réxime de concurrencia competitiva pa la normalización del asturianu nes entidaes locales. Estes partíes permitíen que los conceyos destinaren carga de trabayu a los servicios y qu’estos pudieren realizar campañes de sensibilización social. (more…)

Read Full Post »

DAMIÁN BARREIRO

Emilio Marcos Vallaure, conseyeru de Cultura y Deporte, volvió usar esti 16 de xineru l’asturianu dientro de la Xunta Xeneral. Vallaure compareció nel Parllamentu pa esplicar xunto al so equipu la llei de presupuestos no que se refier al departamentu que dixire y utilizó l’idioma pa falar de les midíes de Política Llingüística. Otra manera, tamién usó de manera más breve’l gallego-asturianu, «por respetu a los 18 conceyos más occidentales». El presupuestu d’esti añu de la Dirección Xeneral de Política Llingüística ye de 2.135.034 euros, 675.525 menos que nel 2011, «un axuste que se va compensar col compromisu y la voluntá política de l’Alministración»

Según Vallaure, l’oxetivu ye’l desarrollu de la Llei d’Usu y, por eso, van impulsar l’apoyu a la normalización social nos sectores empresarial, institucional y cultural. Tamién faló de visibilizar l’idioma gracies a les actividaes entames pola propia Dirección Xeneral y l’impulsu de midíes polítiques «de costu cero». Ente estes midíes, señaló l’incrementu del usu del asturianu en RTPA, na propia Aliministración autonómica, nes denominaciones d’orixe, nos eventos deportivos, l’impulsu del reconocimientu de la Especialidá d’Asturianu pal profesoráu, la validación y usu de la toponimia o la eleboración del nomenclátor colos nomes de llugar recuperaos. (more…)

Read Full Post »

PABLO R. GUARDADO

El recorte previstu pola Conseyería de Cultura y Deporte reduz la partida destinada a l’Academia de la Llingua Asturiana (ALLA) “nun 27 por cientu”. Pa la so presidenta, Ana María Cano, ello supón tornar “a cifres del añu 1997”.

La cantidá esacta que, de nun haber cambios, va recibir la institución académica ye de 167.900 euros, 62.000 menos que l’añu pasáu. “Ye una cantidá mui grande pa l’ALLA y, dende llueu, va repercutir d’una manera mui negativa en tol facer de l’Academia”, anuncia Cano, que recuerda que yá veníen trabayando con “unos presupuestos mui axustaos y mui curtios, que tuvieron durante bastantes años conxelaos”. Por esti motivu, dao’l descensu del 27 por cientu previstu, “el presupuestu de l’ALLA torna a cifres del añu 1997”. (more…)

Read Full Post »

El presupuestu de la Conseyería de Cultura d’Asturies, de la que depende orgánicamente l’Academia de la Llingua Asturiana, anuncia esti añu un presupuestu de 167.900 euros pa esta institución, lo que supón 62.000 euros menos que l’añu pasáu.

(d’Asturnews, 10-01-2012)

Read Full Post »

DAMIÁN BARREIRO

El BOPA d’esti 4 de xineru publica la resolución pola que se convoca’l VI Premiu al Meyor Cantar, al que van poder presentase los músicos que comercializaren dalgún cantar orixinal de cualquier xéneru a lo llargo’l 2011. Queden fuera les pieces tradicionales, les versiones al asturianu d’otres obres y los cantares yá grabaos enantes. La resolución de la Conseyería enmarca esta convocatoria dientro d’una serie de acciones que quieren ayudar a la proyección de la cultura musical que s’espresa en llingua asturiana o gallego-asturianu.

El plazu de la convocatoria acaba’l 20 de xineru y depués un xuráu va escoyer un mínimu de cinco cantares como finalistes. Más tarde, alredor del 21 de febreru, Día de la Llingua Materna, va celebrase una gala na que los finalistes van actuar en directo defendiendo’l tema seleccionáu. Nel trescursu de la ceremonia va dase a conocer el ganador d’esti VI Premiu al Meyor Cantar. (more…)

Read Full Post »

PABLO R. GUARDADO

Iniciativa pol Asturianu ye una asociación de creación nueva que vien a sumar na reivindicación ciudadana pa garantizar la sobrevivencia del idioma. Inaciu Galán (Xixón, 1986) y Vítor Suárez (Uviéu, 1988) son miembros de la xunta promotora.

¿Qué tal recibimientu tuvo Iniciativa pol Asturianu?
Inaciu: La verdá ye que tamos mui contentos. L’actu del sábadu pasáu n’Uviéu nun foi más que l’entamu d’un llargu camín, pero supunxo una bona tarxeta de presentación y cuntamos col sofitu de muncha xente. Sicasí, sabemos qu’hai munches persones desencantaes cola reivindicación llingüística pola falta de resultaos y que tovía va costar sacalos de casa.

Vítor: Per otru llau tamién hai una gran parte de la sociedá asturiana que nunca nun s’implicó na reivindicación del idioma. Ún de los oxetivos d’esta organización ye llegar a eses persones y convenceles de que tomen la iniciativa pol asturianu. Necesítense munches manes pa salvar l’idioma y nun sobra naide. (more…)

Read Full Post »

INACIU GALÁN

Lluis Portal Hevia (Villaviciosa, 1964) resultó ganador de la decimoséptima edición del Premiu d’ensayu en llingua asturiana “Máximo Fuertes Acevedo”, que concede la Conseyería de Cultura. El testu, tituláu “Cipriano Folgueras, una gloria d’Asturies”, tien calter biográficu y recupera la figura y la obra d’un escultor brillante olvidáu pola sociedá asturiana. L’autor ye periodista y como tal collabora con distintos medios de comunicación (La Voz de Asturias, Les Noticies, Asturias Deportivo, Maliayo…). Como escritor tien trabayaos distintos xéneros lliterarios: el cuentu, la novela xuvenil, el teatru, la poesía, la biografía… , algamando premios y asoleyando dellos llibros. Falamos con él na Entrevista de la selmana.

¿Cómo recibe la noticia del premiu?
Como una noticia importante, esti ye’l primer premiu d’estes característiques que recibo. Los premios ayuden a dinamizar la lliteratura y a da-y sentíu y solvencia. (more…)

Read Full Post »

« Newer Posts - Older Posts »