Convóquense los Premios Lliterarios n’asturianu del Gobiernu d’Asturies

Esti martes, 16 de xunu, espublizáronse nel Boletín Oficial del Principáu d’Asturies (BOPA) la convocatoria de los premios lliterarios n’asturianu que promueve la Conseyería de Cultura, Política Llingüística y Turismu: “Xosefa Xovellanos” de novela; “Xuan María Acebal” de poesía; “María Josefa Canellada” de lliteratura infantil y xuvenil; “Máximo Fuertes Acevedo” d’ensayu y “Alfonso Iglesias” de cómic. Espublizáronse tamién, nel mesmu Boletín, el Premiu “Nel Amaro” de Teatru Profesional y el “Premiu al Meyor Cantar Camaretá”.

Estos premios, creaos pa potenciar, consolidar y arriquecer la creatividá de la llingua asturiana nel ámbitu lliterariu, teatral y musical, tienen una dotación de 5.000 euros, nel casu de los lliterarios, y de 6.000 euros nel casu de los otros dos premios.

Read Full Post »

Piñán anuncia l’ameyoramientu del traductor Eslema

PABLO R. GUARDADO

La conseyera de Cultura, Política Llingüística y Turismu, Berta Piñán, compareció esti martes na Comisión de Facienda pa informar a los grupos parllamentarios sobre les cuentes del so departamentu. Anunció partíes pal ameyoramientu del Eslema pal desarrollu d’un traductor en llinia castellanu-asturianu públicu y de baldre.

La escritora va xestionar un presupuestu de 47.250.986 euros, de los que 1.904.630 destínense a la promoción del asturianu. Esta cantidá supón un aumentu de 201.000 euros con respueto a les cuentes actuales, una medra del 11,8 por cientu, que gran parte, como apuntó la conseyera, débese al aumentu del gastu de personal (18,91 por cientu más) “sobre manera pola creación del serviciu nuevu que figura na estructura de la Conseyería de Cultura, Política Llingüística y Turismu, qu’hasta agora namái tenía un serviciu. Esta apuesta permitirá contemplar los trabayos de la Xunta Asesora de Toponimia y xeneralizar l’usu de la toponimia tradicional; poner en marcha’l Conseyu Asesor de Política Llingüística; algamar un avance significativu na programación del asturianu na RTPA; avanzar na implantación de ferramientes dixitales que permita la torna en llinia del asturianu al castellanu y del castellanu al asturianu; y una mayor coordinación colos servicios de normalización llingüística, que tienen que reforciar la so posición central na difusión d’actividaes de política llingüística”.

Read Full Post »

Xunta Moza propón a los candidatos al Rectoráu la creación d’un serviciu de normalización

La organización xuvenil de reivindicación llingüística Xunta Moza aconceyó colos candidatos al Rectoráu de la Universidá d’Uviéu, Vicente Gotor y Paz de Andrés, a los qu’espunxo les necesitaes que, en materia de promoción del asturianu, habría de desarrollar la institución académica. En primer llugar, Xunta Moza mostró’l so esmolimientu pola falta de polítiques universitaries que planifiquen l’usu del asturianu, polo que se propunxo la creación d’un serviciu de normalización llingüística que lleve alantre un plan pa la normalización del asturianu na Universidá «con midíes, acciones y plazos concretos».

L’asociación en defensa del asturianu tamién insistió na «situación precaria» del idioma dientro de la Facultá de Filoloxía, al ser la única llingua moderna que nun cuenta con una asigantura nel primer cursu, común pa toles filoloxíes, y recordaron a los dos candidatos que tovía nun existe un grau propiu en Llingua Asturiana.

Read Full Post »

La Academia pide al Gobierno regional que lidere el proceso para oficializar el bable

PEPE RODRÍGUEZ

Ana María Cano González, presidenta de la Academia de la Llingua, reclamó ayer al Gobierno recién formado del Principado de Asturias que lidere el proceso que desemboque en la oficialización del asturiano. «Hasta ahora se han llevado a cabo medidas poco más que de dignificación de la lengua. Es el momento de que el nuevo gobierno abra un diálogo social y político sobre la lengua y su futuro, para encontrar un nuevo marco legal que ha de pasar, necesariamente, por la cooficialidad», dijo.

Cano también se encargó de pedir «lealtad» a la Consejería de Cultura. «Nosotros vamos a trabajar con lealtad al nuevo gobierno, pues nuestra labor es independiente del color político. Esa misma lealtad es la que le exigimos a la Consejería de Cultura, pues deben recordar que su trabajo es el de diseñar una política lingüística y no el intervenir en la labor normalizadora, que es un asunto exclusivo de la Academia».

Read Full Post »

Sergio Buelga faise col primer premiu del concursu d’El Garrapiellu

El Garrapiellu acaba dar anuncia del resultáu de la XIX edición del so concursu de Cuentos Curtios. Esta selmana aconceyó’l xuráu pa fallar los gallardonaos d’esta edición y “dempués d’aldericar” llegóse al alcuerdu de declarar ganador al rellatu “…A la casa’l boticariu”, que resultó ser de Sergio Buelga. El primer premiu ta dotáu con 900 euros. Amás, el xuráu decidió dar un accésit de 300 euros al rellatu “El cantador de blues”, de Mª Xesús Rodríguez Guillón.

Read Full Post »

Xosé Firmu: “La Rede de Normalización ye namás un llogotipu ensin entidá xurídica nin institucional”

INACIU GALÁN

Xosé Firmu García Cosío ye’l responsable del Serviciu de Normalización Llingüística de Siero dende la so puesta en funcionamientu va cerca de seis años. Dempués d’esti llargu periodu de trabayu falamos con él na Entrevista de la Selmana pa conocer de cerca l’actividá d’esti serviciu del Ayuntamientu de Siero. Apurre tamién Firmu les sos opiniones alredor de la forma na que se financien los servicios de normalización n’Asturies, la Rede de SNL y otres cuestiones venceyaes cola xestión de la nuesa llingua nes instituciones.

¿Qué llabores desenrolla dende’l Serviciu de Normalización de Siero?
El Serviciu tien varios niveles de trabayu posibles que se puen resumir en: asesoramientu a la xente; normalización institucional; desenrrollu de campañes. Nel primer aspeutu ye un serviciu abiertu a persones, asociaciones, empreses, instituciones o entidaes en tolo rellacionao cola llingua asturiana (traducciones, consultes, drechos llingüísticos, asesoramientu pa presentase a subvenciones….

Read Full Post »

Aprobaos oficialmente los cinco nuevos topónimos

Santalla, Vilanova y Samartín son los nomes dende agora yá oficiales d’estes trés capitales (hasta agora Santa Eulalia, Villanueva y San Martín) de conceyos de la comarca d’Ozcos, según publica güei’l BOPA.

El BOPA inclúi los decretos d’oficialización toponímica d’un total de cinco conceyos, Santalla, Vilanova y Samartín d’Ozcos, Taramundi y Quirós, si bien nestos dos últimos casos el nome de la capital municipal concide col qu’existía anteriormente: Taramundi y Bárzana.

En total, y según la llista oficial de decretos aprobaos de la Dirección Xeneral de Política Llingüística, son yá 47 los conceyos cola toponimia tradicional recuperada y aprobada oficialmente.

ANEXU: Decretu pol que se determinen los topónimos oficiales del conceyu de Quirós.

(d’Asturies.com, 1-10-2010)

Read Full Post »

Teberga y Ribeseya sumen 42 conceyos cola toponimia iguada

D. BARREIRO

El Conseyu de Gobiernu del Principáu d’Asturies, autorizó ayeri los proyeutos de Decretu polos que se determinen los topónimos oficiales de los conceyos de Ribeseya y de Teberga.

Asina, un total de 42 conceyos concluyeron yá la revisión de los sos topónimos tradicionales, mientres qu’otros 19 entamaron esti procesu. N’Asturies los trabayos de normalización toponímica empecipiaron nel añu 2004, cola puesta en marcha de la Xunta Asesora de Toponimia y l’apertura d’espedientes d’oficialización en dellos conceyos.

Read Full Post »

Mieres acueye la inauguración de la Selmana de les Lletres Asturianes

La XXXI edición de la Selmana de les Lletres Asturianes, dedicada al escritor mierense Xosé Antonio García –ún de los poetes más importantes de la Segunda Xeneración del Surdimientu–, arrincó’l 3 de mayu nel salón d’actos de la Casa la Cultura de Mieres. La conseyera de Cultura, Mercedes Álvarez y l’alcalde del mesmu conceyu, Luis María García García, inauguraron los actos oficiales.

Xunto a los mentaos, tamién tuvieron presentes Consuelo Vega, directora xeneral de Política Llingüística; Ismael García Arias, director de la Casa la Cultura de Mieres; Diana G. Fernández, conceyala de Cultura; y los responsables del llibru Poesía, José Luis Argüelles y Laura Rodríguez Solís, obra coeditada pola Conseyería de Cultura y la editorial Trabe onde s’inclúi la reedición de los poemarios que Xosé Antonio García publicó en vida y a los que s’axunten un conxuntu d’escritos publicaos en delles revistes o otros totalmente inéditos.

Read Full Post »

L’Academia de la Llingua tendrá la so nueva sede nel Monasteriu de San Pelayo

L’Academia de la Llingua Asturiana va tener la so nueva sede nes dependencies que l’Archivu Históricu ocupaba anteriormente nel Monasteriu de San Pelayo, en plenu cascu históricu d’Uviéu. El presidente del Gobiernu del Principáu, Vicente Álvarez Areces, fizo güei esta propuesta a la presidenta de la institución, Ana Cano, mientres una reunión pa tratar esti asuntu.

Read Full Post »