Miguel Rodríguez Monteavaro, Nicolás Bardio y Cristian David López, ganadores de los Premios Asturies Moza de Culturaquí

Miguel Rodríguez Monteavaro, col poemariu ‘Superpoderes’; Nicolás Bardio cola novela ‘La Colomina 36’, y Cristian David López, cola obra ‘Basta con tener ganas’; resultaron ganadores, respectivamente, de los premios Asturies Moza de Poesía, Narrativa y Testos Teatrales 2019 que convoca anualmente l’Institutu Asturianu de la Mocedá nel marcu del Programa Culturaquí.

Los trabayos gallardonaos van editase na Colección Texu y cada autor va recibir 150 exemplares. Con ésta, Texu algama les 73 ediciones, lo que la convierte nuna importante muestra de la lliteratura moza asturiana, porque axunta los llibros de tolos premiaos, y na que tán publicaes obres de dalgunos de los meyores escritores de la última xeneración como José Luis Piquero, Jordi Dolce, Ricardo Menéndez Salmón, Ignacio del Valle, Ismael Piñera, Chus Fernández, Jon Bilbao, Sofía Castañón, Miguel Barrero, Rodrigo Olay y José Ángel Gayol, ente otros.

Read Full Post »

El Principáu usa l’asturianu y el gallego-asturianu nuna campaña de concienciación contra les quemes

La Conseyería de Presidencia del Gobiernu asturianu axudicó a la empresa Bittia Media’l contratu de 149.289 euros pal desarrollu d’una campaña de concienciación contra quemes forestales. La iniciativa, que va usar el castellanu, l’asturianu y el gallego-asturianu, presentóla esti llunes el conseyeru de Presidencia, Guillermo Martínez, y la conseyera de Desenvolvimientu Rural, María Jesús Álvarez.

D’esta forma, el Gobiernu va gastar 37.322,57 euros na campaña de les sos cuentes correspondientes a 2017 y 111.967,73 euros de les de 2018. Va ser al traviés d’una aplicación presupuestaria incluida nel apartáu ‘Gastos diversos’ de la Conseyería.

Read Full Post »

Convocaos los Premios ‘Asturies Xoven’

La Conseyería de Presidencia convoca una edición nueva del Premiu ‘Asturies Xoven’ de Poesía, Narrativa y Testos Teatrales. El plazu de presentación d’orixinales, en castellanu o asturianu, va tar abiertu hasta’l día 27.

La Conseyería de Presidencia y Participación Ciudadana, pente medies del Institutu Asturianu de la Muyer y Polítiques de Mocedá, convoca una edición nueva del Premiu «Asturies Xoven» de Poesía, Narrativa y Testos Teatrales, dirixíu a autores asturianos, residentes nel Principáu o descendientes d’emigrantes, que la so edá nun supere los 35 años.

Read Full Post »

La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica

La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica, al tiempo que denuncia como exemplu más d’un centenar d’incumplimientos nel BOPA y na web del Principáu.

Esti vienres 31 de xineru la Xunta pola Defensa de la Llingua Asturiana (XDLA) presentó nel Rexistu Xeneral Central del Principáu d’Asturies un requerimientu formal instando a la Conseyería de Presidencia al cumplimientu de la llegalidá en materia toponímica.

Read Full Post »

Los emigraos asturianos piden al Gobiernu que se fomente l’enseñu del asturianu

El II Congresu d’Emigración Moza Asturiana n’Europa celebróse esta fin de selmana n’Alcobendas (Madrid), organizáu pol Conseyu Comunidáes Asturianes, l’Axencia d’Emigración y FICA con representantes d’emigrantes de tol estáu, Suiza y Bélxica. Nél alcordóse solicitar a la Conseyería de Presidencia’l fomentu de los cursos de formación en llingua asturiana mesmo en llínia, que presenciales, pasando a formar parte del Plan Estratéxicu d’Emigración 2013.

(d’Asturnews, 19-11-2012)

Read Full Post »

El Gobiernu d’Asturies convoca los premios mozos de lliteratura y artes “Culturaquí”

La Conseyería de Presidencia, al traviés del Institutu Asturianu de la Mocedá, convoca la edición númberu ventitrés del Programa de promoción de mozos creadores Culturaquí 2012. La participación ta abierta a tolos artistes asturianos o residentes n’Asturies, siempres que la so edá nun pase de los trenta y cinco años enantes del 31 d’avientu, y tamién a descendientes hasta’l segundu grau d’emigrantes asturianos.

Convóquense los premios “Asturies Mozu d’Artes Plástiques” y Amuesa d’Artes Plástiques (4.800 €), con plazu hasta’l día 16 de payares de 2012; Concursu de Maquetes Pop-Rock (1.000 €), con plazu hasta la fin d’ochobre; los premios “Asturies Mozu de Poesía, Narrativa y Testos Teatrales” (1.500 €), con plazu hasta’l día 16 de payares; Premiu de Nuevos Realizadores del Principáu d’Asturies (7.250 €), hasta’l 31 d’ochobre de 2012; Premiu Astragal (4.000 €), Certame Nuevu de Graffiti del Principáu d’Asturies (1.000 €), Programa d’esposiciones pa mozos artistes plásticos. Sala Borrón 2012-13, toos ellos hasta’l 31 de payares, y Premiu LAB_Mozu_Esperimenta pa la ellaboración d’un proyectu específicu pa Llaboral Centru d’Arte y Creación Industrial (10.250 €), hasta’l 16 de payares de 2012.

ANEXU: Bases reguladores del Programa Culturaquí 2012.

(d’Asturnews, 23-10-2012)

Read Full Post »