El Principáu quier promover l’asturianu como llingua vehicular na enseñanza y nos informativos de la TPA

El puxu del asturianu como llingua vehicular na enseñanza, a traviés d’un programa que se pondrá en práctica’l cursu qu’entra, y la so utilización nos informativos de la Radio Televisión del Principáu d’Asturies son dos de les cuestiones que’l conseyeru d’Educación, Genaro Alonso. Fízolo na so intervención na Comisión d’Estudiu del Réxime de Protección de la LLingua, celebrada na Xunta Xeneral.

Según desarrolló dempués el director xeneral de Política Llingüística, Fernando Vallina, tamién presente na Comisión, ocho centros d’enseñanza tomarán parte nesti programa pilotu de magar el próximu cursu. Nél impartiránse dalgunes asignatures d’enseñanza primaria n’asturianu.

Matizó tamién que na mayor parte de los casos nun va suponer gastu adicional, pero n’algunos de los centros pue necesitase media xornada n’educación primaria.

Read Full Post »

Xornada d’Edición n’Asturianu n’Uviéu

La Consejería de Educación, Cultura y Deporte celebra hoy, entre las cinco de la tarde y las ocho de la noche, la I Xornada d’Edición n’Asturianu con el objetivo de poner en común la situación del sector y de la lengua vernácula. El acto tendrá lugar en el salón de té del Teatro Campoamor, de Oviedo.

(d’El Comercio, 01-03-2017)

Read Full Post »

Llanera trabaya na creación d’un serviciu de normalización llingüística

La Conceyala de Participación Ciudadana, Sanidá y Consumu de Llanera, Isabel Fernández Álvarez, caltuvo una xunta esta mañana col Director Xeneral de Planificación Llingüística y Normalización del Principáu d’Asturies, Fernando Padilla y con Lourdes Álvarez, de la Conseyería d’Educación, col oxetivu de soscribir un conveniu pa la normalización llingüística del Conceyu de Llanera.

Según informó Somos Llanera nuna nota prensa, nel Conceyu existe un acuerdu plenariu que data del añu 1998 nel que s’establez la cooficialidá del asturianu, “pero al que nun volvieron empresta-y atención les anteriores corporaciones municipales. La entrada de fuerces polítiques d’izquierdes nel Gobiernu de Llanera foi un revulsivo pa retomar esti tema”.

Read Full Post »

Convocaos los Premios Lliterarios 2015

La Conseyería d’Educación, Cultura y Deporte acaba de convocar los premios lliterarios en llingua asturiana pal añu 2015:

Premiu «Xosefa Xovellanos» de Novela (36.ª edición).
Premiu «Xuan M.ª Acebal» de Poesía (21.ª edición).
Premiu «Máximo Fuertes Acevedo» d’Ensayu (21.ª edición).
Premiu «María Josefa Canellada» de Lliteratura Infantil/Xuvenil (8.ª edición) y
Premiu «Alfonso Iglesias» de Cómic (7.ª edición).

El plazu de presentación d’orixinales acaba’l 10 d’ochobre del 2015.

ANEXU 1: Resolución de 24 de xunetu del 2015, de la Conseyería d’Educación, Cultura y Deporte, pola que se convoquen los premios «Xosefa Xovellanos» de Novela, «Xuan M.ª Acebal» de Poesía, «Máximo Fuertes Acevedo» d’Ensayu y «María Josefa Canellada» de Lliteratura Infantil/Xuvenil en llingua asturiana.
ANEXU 2: Resolución de 23 de xunetu del 2015, de la Conseyería d’Educación, Cultura y Deporte, pola que s’aprueba la primer modificación de les bases de los premios «Xosefa Xovellanos» de Novela, «Xuan M.ª Acebal» de Poesía, «Máximo Fuertes Acevedo» d’Ensayu, «María Josefa Canellada» de Lliteratura Infantil/Xuvenil y «Alfonso Iglesias» de Cómic en llingua asturiana.

(de la Dirección Xeneral de Política Llingüística, 31-07-2015)

Read Full Post »

Genaro Alonso sustitúi a González al frente d’Educación y Cultura

PABLO R. GUARDADO

El filólogu ayerán, non afiliáu a la FSA-PSOE, ye miembru de númberu de l’Academia de la Llingua Asturiana. Javier Fernández caltién a cuatro de los ocho conseyeros de la llexislatura anterior.

Doctoráu nel 1989 pola Facultá de Filoloxía de la Universidá de Lleón cola tesis ‘La transposición sintáctica en español: los transpositores relativos’, ye autor de la versión asturiana del famosu rellatu de Leopoldo Alas ‘Clarín’, ‘Adiós Cordera’, espublizada nel 1987 y reeditada nel 1992. Nel 1990 dio a estampa’l volume didácticu ‘Exercicios prácticos de llingua asturiana’ y tien publicaos artículos a esgaya sobre cuestiones pedagóxiques, de gramática funcional y sobre’l romanceru en revistes como ‘Lletres Asturianes’, ‘Archivum’ o ‘Escuela Española’. Ye inspector d’educación dende’l 1994, y ente’l 2001 y 2007 presidió l’Asociación de Inspectores de Educación de Asturias (ADIDE).

Read Full Post »

Cultura reduz les subvenciones a medios de comunicación n’asturianu nun 37 por cientu

Les ayudes a empreses informatives pa la normalización del idioma pasen de 127.000 euros a 80.000. No que respeuta a la producción discográfica n’asturianu, el descensu ye del 16,7 por cientu.

Siguiendo la dinámica de los años últimos, la Conseyería d’Educación, Cultura y Deporte mete la tisoria nes ayudes al asturianu. Pendiente todavía de conocer les correspondientes a la producción editorial, que saldrán en díes próximos nel BOPA, tanto les subvenciones a medios de comunicación como a la producción discográfica descendió de manera significativa.

Read Full Post »

Convóquense les subvenciones pa la promoción musical

El Boletín Oficial del Principáu d’Asturies (BOPA) de 23 de xunetu del 2015 publica la convocatoria de subvenciones pa la promoción de la música n’asturianu y en gallego-asturianu.

Hai que recordar que nel boletín del 8 de xunetu publicáronse les bases modificaes que regulen la concesión d’estes subvenciones.

ANEXU 1: Convocatoria de subvenciones pa la promoción de la música n’asturianu y en gallego-asturianu.
ANEXU 2: Bases reguladores de la concesión de subvenciones pa la promoción musical.

(de la Dirección Xeneral de Política Llingüística, 23-07-2015)

Read Full Post »

Convóquense les subvenciones a medios de comunicación

El Boletín Oficial del Principáu d’Asturies (BOPA) de 23 de xunetu del 2015 publica la convocatoria de subvenciones a medios de comunicación pa la normalización social del asturianu y del gallego-asturianu.

Hai que recordar que nel boletín del 8 de xunetu publicáronse les bases modificaes que regulen la concesión d’estes subvenciones.

ANEXU 1: Convocatoria de subvenciones a medios de comunicación pa la normalización social del asturianu y del gallego-asturianu.
ANEXU 2: Bases reguladores de la concesión de subvenciones a medios de comunicación.

(de la Dirección Xeneral de Política Llingüística, 23-07-2015)

Read Full Post »

Convocase’l XX Premiu Patac pa trabayos lliterarios o d’investigación

Esti martes 14 de xunetu vieno acabante de convocase la ventiava edición del Premio “Padre Patac” pa trabayos lliterarios o d’investigación que traten sobre historia, xenealoxía, heráldica, bibliografía o archivística asturianes. El Premiu va tener una dotación de dos mil euros (2.000 €) y va poder partise ente dos obres si’l Xuráu losconsiderase oportuno.

Coles mesmes va poder quedar ermu si a xuiciu del Xuráu la calidá de los testos que se presenten asi aconseyar, ello de conformidá a establecer nes bases.

El premiu va ser concedíu acordies con los principios d’oxetividá, tresparencia, igualdá, non discriminación y publicidá, por aciu el procedimientu de concurrencia competitiva.

Read Full Post »

González reclama a Méndez de Vigo la especialidá d’asturianu

La conseyera d’Educación, Cultura y Deporte pide al ministru sustitutu de José Ignacio Wert qu’incluya esti asuntu nel orde del día de la próxima Conferencia de Educación.

Nuna carta unviada güei a Íñigo Méndez de Vigo, Ana González solicita’l reconocimientu de la especialidá docente de Llingua Asturiana y Gallego-asturiano, recordando-y que se punxera en contautu col ministeriu en delles ocasiones por esta razón y que la creación de dicha especialidá ye competencia del Gobiernu estatal.

Read Full Post »