Feeds:
Antradas
Comentairos

Posts Tagged ‘Conseyería d’Educación; Cultura y Deporte del Principáu d’Asturies’

L’Asociación Cultural N’Ast camienta que la nueva refuga del Ministeriu d’Educación, Cultura y Deporte a incluyir Llingua Asturiana comu especialidá nel Real Decretu d’Especialidaes del Oficiu Docente “nun tien de sorprender a naide, y menos a los responsables educativos del “Principado”, qu’aprovecharen la Conferencia Seutorial d’Enseñu cellebrada’l pasáu miércoles en Madrid pa tornar a plantegar esta reclamación hestórica cola que se pretenden igualar les condiciones del profesoráu qu’imparte esta materia coles del restu docentes d’otres especialidaes”.

Señalen que “Victorina Fernández, representante asturiana na Conferencia Seutorial d’Enseñu en calidá de Direutora Xeneral de Formación Profesional, Desendolcu Curricular ya Innovación Educativa del “Principado”, afitó que “lo que queríemos ye que nel artículu sobre les llingües cooficiales s’abriera un puntu nel que se dixera qu’aquelles llingües d’especial proteición puedan ser definíes como una especialidá autonómica. Eso daría estabilidá al profesoráu d’asturianu, pero dixérenme que non””.

(more…)

Read Full Post »

Nun duru comunicáu asoleyáu esti día, SUATEA acusa al Ministeriu d’Educación de pretender zarrar la puerte a la creación de la especialidá docente de Llingua Asturiana. Jose Ignacio Wert aconceyó esta selmana cola comunidá educativa dientro de la Conferencia Sectorial onde se trató’l nuevu decretu d’especialidaes docentes y “la redacción d’esti decretu impide cumplir coles aspiraciones de dignificación profesional del colectivu de docentes de llingua asturiana”.

Sigún SUATEA, la redacción d’esti nuevu decretu nun s’axusta al textu de la LOMCE, onde’l ministeriu aceptó añadir la Disposición Adicional 38.6 (*) pa permitir que les comunidaes autónomes con llingües ensin calter d’oficial pudiesen mantener la so ufierta educativa. “Esti ye’l casu d’Asturies, onde la presencia de la llingua asturiana tien presencia curricular en tolos niveles educativos y está regulada por la Lley de Usu y contemplada nel Estatutu d’Autonomía”, apunten dende’l sindicatu asturianu.

(more…)

Read Full Post »

Nun comunicáu asoleyáu esti cueves pela mañana, Iniciativa pol Asturianu facíase ecu de la desplicación de la Direutora Xeneral de FP, Desendolque Curricular y Anovación Educativa, Victorina Fernández, ayeri a los medios de que’l Ministeriu d’Educación “diz agora non a crear la especialidá docente de Llingua Asturiana pal profesoráu”. Pa Iniciativa pol Asturianu esta decisión del ministeriu dirixíu por José Ignacio Wert ye una inxusticia pal profesoráu d’asturianu, una torga pa la calidá de l’asignatura y sobre manera, una “tomadura de pelo” pues nel programa del Partíu Popular de 2012, el de les últimes eleiciones autonómiques, la formación lleva la promesa de reconocer la especialidá docente pal profesoráu d’asturianu”.

La situación d’anguaño ye pa Iniciativa, “d’una plantilla de profesoráu de Llingua Asturiana inestable, precarizada y que nun gana esperiencia, pues los profesores fuxen en cuantes-yos ye posible hacia otres especialidaes onde sí pueden algamar una plaza, al tar la reconocida la especialidá pol Ministeriu d’Educación. Esto supón una importante perda na calidá de l’asignatura y una inestabilidá na mesma, pese al importante sofitu de les families asturianes, matriculando a los sos neños de forma mayoritaria en Llingua Asturiana”.

(more…)

Read Full Post »

PABLO R. GUARDADO

Victorina Fernández, direutora xeneral de Formación Profesional, Desarrollu Curricular y Planificación Educativa, anunció esti miércoles que’l ministru José Ignacio Wert nun reconociera la especialidá docente d’asturianu que demandara’l Gobiernu del país. L’ALLA reclama a la conseyera Ana González qu’acuda “espresamente a Madrid a negociar esta cuestión”.

Na tarde d’ayeri, Fernández anunciaba nuna rueda de prensa previa a la Conferencia Sectorial de Educación convocada nel Ministeriu d’Educación, Cultura y Deporte pa conocer la opinión de les comunidaes autónomes sobre’l Proyeutu de Decretu de les Especialidaes Docentes d’Educación Secundaria, que dichu ministerio nun incluyera la Llingua Asturiana y el Gallego-asturiano, nel so ámbitu, dientro del decretu d’especialidaes de la Llei Orgánica de Meyora de la Calidá Educativa (LOMCE). Darréu, apuntó que “n’Asturies hai un grupu importante de docentes a quienes tenemos que dar una especialidá” y que “del mesmu mou que se permite desarrollar les respeutives especialidaes a les comunidaes autónomes que cuenten con una llingua cooficial, pidimos que tamién lo permitan cola llingua asturiana, que ye un bien protexíu y con una presencia importante na ufierta educativa”. Por último, señaló que “puesto que la competencia pertenez a la comunidá autónoma, el ministeriu habría de danos la posibilidá de que podamos cumplir dafechu colos nuesos compromisos cola comunidá educativa”.

(more…)

Read Full Post »

ELENA RODRÍGUEZ

«Muy sonrientes, con muy buenas palabras, pero me han vuelto a decir que no. Desestiman la creación de la especialidad de Lengua Asturiana». De esta manera tan gráfica resumía ayer la directora general de FP, Desarrollo Curricular e Innovación Educativa del Principado, Victorina Fernández, una de las conclusiones de la Conferencia Sectorial, que reunió en Madrid al ministro de Educación, José Ignacio Wert, y los representantes del ramo autonómicos. Uno de los objetivos era analizar el Decreto de Especialidades de Secundaria, que el ministerio publicó esta Navidad (el segundo después de que el primero fuera descartado por la amplia oposición que suscitó). El Principado había demandado al departamento de Wert el reconocimiento de la especialidad docente de Lengua Asturiana, una reclamación histórica con la que pretende igualar las condiciones del profesorado que imparte esta materia con las del resto de docentes de otras especialidades.

Hasta la fecha, los profesores de Llingua cuentan con una habilitación o una acreditación y la inmensa mayoría son interinos. Este curso, según datos de SUATEA, superan los 240 en los centros públicos (hay 172 en Primaria y 67 en Secundaria).

(more…)

Read Full Post »

L’asociación Iniciativa pol Asturianu pidió esti xueves a la Conseyería de Cultura y a los conceyos implicaos que se responsabilicen de la situación de los servicios de normalización llingüística y tramiten los convenios necesarios pal so funcionamientu.

Nuna nota prensa, l’asociación mostraba la so solidaridá cola Asociación de Trabayadores de la Normalización, qu’esta selmana espresaben “la murnia situación que viven los servicios de normalización llingüística puestos en marcha dende va más d’una década en dellos conceyos asturianos”.

(more…)

Read Full Post »

Despliquen qu’ “el pasáu 11 de payares el Boletín Oficial del “Principado” asoleyaba una resolución de la Conseyería d’Educación, Cultura y Deporte pola que s’aprobaben les “bases reguladores de la concesión de subvenciones pal incrementu bibliográficu y l’adquisición d’obres publicaes n’asturianu por parte d’entidaes locales que sían titulares de bilblioteques integraes na Rede de Biblioteques del Principáu d’Asturies”. Con estes bases tienen l’enfotu de regular les convocatories añales que, supuestamente d’equí p’alantre, se dirán asoleyando pa que los Conceyos merquen llibros n’asturianu”.

Asina, “los oxetivos d’estes ayudes son los de de facilitar “la constitución d’un fondu bibliográficu en llingua asturiana” y “l’accesu de la población asturiana a la llectura de les obres escrites n’asturianu d’una manera gratuita pa la ciudadanía”. Sicasí, dende N’Ast nun somos a pescanciar el conceutu de ciudadanía que manexa la Conseyería Cultura, porque una de les condiciones que se ponen pa tener drechu a subvención ye que “l’adquisición de les obres habrá de facese n’establecimientos de comerciu minorista de llibros (llibreríes) que los sos puestos de venta al públicu tean allugaos nel conceyu solicitante de l’ayuda””.

(more…)

Read Full Post »

La Conseyería de Cultura convoca una llinia nueva de subvenciones pa incrementar la dotación de llibros n’asturianu y gallego-asturianu nes biblioteques públiques. Los conceyos que sían titulares de centros de llectura integraos na Rede de Biblioteques del Principáu d’Asturies tienen hasta’l 5 d’avientu pa solicitar ayuda económica con esta finalidá.

La convocatoria, publicada nel Boletín Oficial del Principáu d’Asturies del 25 de payares, establez que l’adquisición de fondos nuevos tendrá d’efectuase en llibreríes que tengan los sos puestos de venta al públicu nel conceyu solicitante de l’ayuda. Van poder adquirise obres lliteraries de cualesquier xéneru publicaes n’asturianu o gallego-asturianu, incluyéndose tamién aquelles obres billingües o trillingües que contemplen l’asturianu o gallego-asturianu n’igualdá de condiciones tipográfiques coles otres llingües.

(more…)

Read Full Post »

L’escritor y periodista Enrique Carballeira ganó la sesta edición del Premiu Alfonso Iglesias de Cómic en Llingua Asturiana, que concede la Conseyería d’Educación, Cultura y Deporte y ta dotáu con 3.000 euros.

El xuráu encargáu de valorar les obres presentaes, formáu pol dibuxante Netu, l’escritor y guionista Chechu García y el técnicu en materia llingüístico Luis Casteleiro, reunióse güei baxo la presidencia de la directora xeneral de Política Llingüística, Ana María Fueyo.

(more…)

Read Full Post »

La vixésima edición del Premiu Máximo Fuertes Acevedo de Ensayo n’asturianu, con una dotación de 3.000 euros, recayó en Damián Barreiro Maceiras. A esti galardón, que concede la Conseyería d’Educación, Cultura y Deporte, podíen presentase obres de tema, xéneru y estructura llibre qu’axuntaren les característiques del xéneru ensayísticu, entendíu na so amplitú.

La directora xeneral de Política Llingüística, Ana María Fueyo, presidió esti miércoles la xunta del xuráu, integráu polos escritores ya investigadores Naciu Llope, Xosé Antón Suárez Ponte y Luis Casteleiro Oliveros.

Ente les obres presentaes, el xuráu decidió por unanimidá conceder el Premiu al testu tituláu ‘Caleya Sésamu: el papel de la televisión na tresmisión interxeneracional de la llingua’, presentada sol seudónimu ‘Son Goku’, al destacar “la solidez documental y la bona estructuración d’una obra qu’analiza les posibilidaes de l’animación infantil como instrumentu favorecedor de les llingües minoritaries, avanzando propuestes concretes nel ámbitu de la normalización social de la llingua asturiana”, según destaca’l fallu.

(more…)

Read Full Post »

« Newer Posts - Older Posts »