Espina anuncia qu’a lo último d’esti añu’l B2 y el C1 yá van poder puntuar como méritu n’oposición

La conseyera apuntó que’l decretu nuevu de formación ta agora en fase de revisión.

“Enantes de que fine l’añu yá tará tramitáu y yá será factible que puntúe”, aseguró Lydia Espina, en referencia a la modificación del Decretu 62/2001, del 28 de xunu, que regula la formación permanente del profesoráu. Ésta ye la vía que dende la Conseyería d’Educación s’opta pa que los títulos de certificación de Llingua Asturiana adaptaes al Marcu Común Européu de Referencia pa les Llingües, hasta’l momentu namái convocaos de niveles B2 y C1, pueden puntuar como méritu n’oposiciones.

Read Full Post »

Iniciativa califica de “decepcionantes” los currículos educativos nuevos

Iniciativa pol Asturianu calificó esti xueves de “decepcionante y poco ambiciosa” la presencia de la llingua asturiana y del gallego-asturiano nos currículos educativos nuevos presentaos pola Conseyería d’Educación.

Al traviés de nota de prensa, la organización reclamó al Executivu una “presencia digna” de les llingües propies en toles etapes educatives pa dar cumplimientu a la Llei d’Usu. Asina, espliquen que namás hai “avances pequeños” en Bachilleratu, onde esta materia pasa d’una a tres hores selmanales.

Read Full Post »

“Los currículos lleven a un paralís de tolo que ye la normalización llingüística”, asegura Colodrón

PABLO R. GUARDADO

Los borradores de los currículos d’Infantil, Primaria, Secundaria y Bachilleratu adaptaos a la LOMLOE que presentó la Conseyería d’Educación “lleven a un paralís de tolo que ye la normalización llingüística”, afirma Xosé Lluis Colodrón, responsable de la Secretaría de Llingua Asturiana de SUATEA. Asegura que la situación “ye especialmente sangrina n’Infantil”, onde l’idioma nun tien presencia.

Na etapa de 0 a 6 años l’asturianu y el gallego-asturiano ta ausente “por cuestiones económiques y polítiques”, espresa. “Nun se tien en cuenta nin la Llei d’Usu nin l’Estatutu d’Autonomía”, rescampla, normes que, apunta, nun apaecen nel preámbulu –nel casu de l’autonómica nun cita l’artículu 4–, lo que Colodrón considera enforma “grave” nun momentu clave de la formación del alumnu.

Read Full Post »

La materia d’asturianu pierde una hora en cuartu de la ESO y gana dos en cada cursu de Bachilleratu

PABLO R. GUARDADO

Les asignatures de Llingua Asturiana y Gallego-asturiano van siguir siendo optatives en Secundaria y Bachilleratu y namái ganen en carga horaria na etapa última. Los currículos nuevos adaptaos a la LOMLOE quiten una hora en cuartu de la ESO y dan dos en Bachilleratu, pasando de 1 a 3 cuando nel pasáu llegó a haber 4.

La conseyera d’Educación, Lydia Espina, y el direutor xeneral d’Ordenación, Evaluación y Equidá Educativa, David Artime, presentaron esta mañana’l desendolcu curricular nestes dos etapes, xusto una selmana depués del d’Infantil y de Primaria, con ausencia de la Llingua Asturiana na primera y col mesmu modelu qu’anguaño na segunda. En Secundaria y Bachilleratu tampoco nun hai cambios, sacante la carga horaria, yá que sigue siendo optativa en competencia con otres materies.

Read Full Post »

El Principáu apuesta pol fomentu del inglés y mantiene’l pesu del asturianu en Primaria

La conseyera d’Educación, Lydia Espina, presentó esti xueves los currículos nuevos d’Educación Infantil y Primaria, qu’apuesten pol fomentu del inglés en dambes etapes y l’aprendizaxe por proyectu en Primaria, amás de mantener el pesu de la llingua asturiana nesti nivel. Tamién apuesta pola agrupación d’árees (asignatures) n’ámbitos y incrementa en Primaria la educación física.

Per otru llau, n’Infantil, va reforciase la enseñanza de la cultura asturiana, introduciendo elementos tresversales que tengan en cuenta’l contestu nel que ta l’alumnáu.

Read Full Post »

Les solicitúes pa acreitar el nivel intermediu d’asturianu vuelven superar les places ufiertaes pela tercer vez

Un total de 311 persones inscribiéronse pa realizar l’exame que certifica un nivel intermediu B2 de llingua asturiana, pal qu’había 300 places. Ye la tercer vez que se fai esta prueba y el tercer añu que les solicitúes superen la ufierta.

La Conseyería d’Educación punxo en marcha estes pruebes nel añu 2020, cuando s’abrió una convocatoria de 500 places pa la que se rexistraron 800 solicitúes. L’añu pasáu, la ufierta foi de 300 places y hubo 431 persones inscrites, polo que la cifra va estabilizándose añu tres añu depués de la demanda que supunxo la primer convocatoria.

Read Full Post »

Dos nuevas guías interactivas para el profesorado de asturiano y eonaviego

Las consejerías de Educación y de Cultura, Política Llingüística y Turismo han elaborado conjuntamente dos guías interactivas con información y contenido educativo dirigidas a facilitar la labor del profesorado de lengua asturiana y gallego-asturiano o eonaviego.

El «Estoyu d’estímulos y recursos dixitales pa la enseñanza del asturianu» ordena y clasifica alrededor de 300 recursos y el «Estoiro d’estímulos y recursos dixitales prá enseñanza del gallego-asturiano ou eonaviego» incorpora cerca de 150.

Read Full Post »

Suatea denuncia que la Conseyería d’Educación sigue ensin valorar la formación académica del profesoráu d’asturianu

El sindicatu Suatea denunció esti miércoles que la Conseyería d’Educación sigue ensin valorar les certificaciones oficiales d’asturianu. Una situación que califiquen como una “discriminación nueva” pal profesoráu d’una asignatura que yá tien “condiciones llaborales precaries” pola falta d’Especialidá docente.

Esti añu va haber una convocatoria nueva de los exámenes oficiales d’asturianu nos niveles B2 y C1, que se van celebrar en setiembre. Sicasí, según indica Suatea, estes pruebes siguen ensin tener efectu alministrativu n’oposiciones, concursos de tresllaos o efectos económicos correspondientes nel complementu salarial de formación permanente.

Read Full Post »

Espina anuncia que’l currículu d’Infantil nun va incluyir l’asturianu, lo qu’incumpliría la Llei d’Usu de 1998

“Nun contemplamos la inclusión del asturianu na etapa d’Educación Infantil actualmente”, aseguró esti martes na Xunta Xeneral la conseyera d’Educación, Lydia Espina, que tamién confirmó qu’ensin oficialidá nun va haber especialidá docente. L’ausencia del idioma nel currículu incumple la Llei d’Usu y Promoción del Bable/Asturianu.

Nuna intervención a partir d’una entruga de la popular María Gloria García Fernández “sobre qué criterios emplegó pa cuantificar la implantación de la oficialidá del asturianu y del eo-naviego na Educación”, Espina desveló esta decisión contraria a la llegalidá nun momentu nel que se tán preparando los currículos nuevos adaptaos a la LOMLOE. Asina, l’artículu 10 de la Llei d’Usu, entituláu ‘Currículu’, nel so puntu 1 afita que “nel exerciciu de les so competencies, el Principáu d’Asturies garantizará la enseñanza del bable/asturianu en tolos niveles y graos, respetando sicasí la voluntariedá del so aprendizaxe. En tou casu, el bable asturianu deberá ser impartíu dientro del horariu escolar y será consideráu como materia integrante del currículu”.

Read Full Post »

La convocatoria de B2 y C1 de Llingua Asturiana resultó un ésitu

La segunda convocatoria de certificación de los niveles del MCERLL B2 y C1 de Llingua Asturiana resultaron otra vuelta un ésitu de participación con una demanda muncho superior a les places ufiertaes pal nivel Intermediu.

L’enfotu primeru d’estes pruebes de certificación foi dar continuidá y respuesta a la demanda pergrande per parte de la sociedá d’unes pruebes que siguieren los mesmos criterios que cualesquier otru idioma. Asina, d’acordies coles pautes del decretu qu’establez los niveles de competencia, entamáronse esti añu pruebes pal nivel Intermediu B2 y Avanzáu C1. La Facultá de Formación del Profesoráu ufiertó’l 9 d’ochobre les sos instalaciones pal bloque de pruebes escrites (bloque 1) . La sede pa les pruebes orales (bloque 2) dende’l 18 d’esi mes foi l’IES Alfonso II de Uviéu.

Read Full Post »