Feeds:
Antradas
Comentairos

Posts Tagged ‘Conseyería’

Güei, 10 d’agostu del 2010, publíquense nel BOPA les resoluciones poles que se conceden y denieguen subvenciones de les convocatories de promoción d’actividaes cinematográfiques y de videu, de música y d’actividaes de medios de comunicación pa la normalización social del asturianu y del gallego-asturianu.

ANEXU 1: Resolución de la convocatoria de cine y videu.

ANEXU 2: Resolución de la convocatoria de música.

ANEXU 3: Resolución de medios de comunicación.

(de la Dirección Xeneral de Política Llingüística, 10-08-2010)

Read Full Post »

Güei, llunes 26 de xunetu del 2010, publicóse nel BOPA la resolución de 2 de xunetu del 2010, pola que se conceden y denieguen subvenciones pa estudios fechos en o sobre l’asturianu o’l gallego-asturianu. Esti númberu del BOPA pue consultase en http://www.asturias.es o na sección Subvenciones d’esta páxina web.

ANEXU: Resolución de 2 de julio de 2010, de la consejería de cultura y Turismo, por la que se conceden y deniegan subvenciones para estudios realizados en o sobre el asturiano o el gallego-asturiano.

(de la Dirección Xeneral de Política Llingüística, 26-07-2010)

Read Full Post »

La matriculación na asignatura de Llingua Asturiana creció en más de 9.700 estudiantes nos últimos diez años, dende que’l Principáu asumiere les competencies educatives. Asina lo señaló güei en Mieres el conseyeru d’Educación, José Luis Iglesias Riopedre, qu’aseguró que nestos momentos esta materia ta “consolidada dafechu” na educación asturiana.

En concreto, según los datos apurríos pola conseyería, un total de 22.466 alumnos estudien esti cursu Llingua Asturiana, de los que 21.560 reciben les clases en centros de la rede pública y 906 na rede concertada.

(more…)

Read Full Post »

La Conseyería d’Educación y Ciencia yá tien colgaes les bases del XV Certame de Poesía y Dibuxu pal alumnáu de toles estayes, que se convoca con motivu de la Selmana de les Lletres. Coincidiendo col añu Internacional de la Diversidá Biolóxica los poemes y dibuxos presentaos han tar venceyaos a esta temática.

(more…)

Read Full Post »

La Conseyería de Cultura y Turismu del Gobiernu d’Asturies presentaba nel pasáu Festival del Llibru Infantil y Xuvenil d’Asturies, celebráu en Vilaviciosa, un xuegu interactivu destináu a los neños y neñes titulau Vivir n’asturianu.Con esti xuegu los escolinos pueden familiarizase cola lingua asturiana de la mano de Colás y Xana, los dos personaxes d’esti enretenimientu multimedia nel que los rapacinos tienen qu’acertar delles preguntes sobre historia, deporte, música, lliteratura, arte, etc. nun bloque denomináu Cultura Xeneral, mentes que n’otru’l tema central ye’l mundu de la sidra. Según se vaigan acertando les preguntes va pasándose a una fase nueva.

Esta iniciativa tuvo una bona acoyida ente’l públicu, sobre manera, ente los docentes d’asturianu, que pueden utilizalo como ferramienta didáctica.

(de la Estaya d’Asturianu de la RTPA, 25-10-2009)

Read Full Post »

Nel BOPA de 13 de mayu del 2009 publíquense les bases reguladores y la convocatoria de subvenciones en visu a fomentar l’usu del asturianu y del gallego-asturianu n’iniciatives particulares, empresariales o asociatives, y en xeneral como vehículu d’espresión cultural.Ente elles s’alcuentren les ayudes económiques pal desarrollu d’actividaes específiques d’asociaciones y otres entidaes ensin ánimu de lucru; les ayudes dirixíes a estudios que, tratando de dalgún tema d’interés, tean redactaos n’asturianu o en gallego-asturianu, o que traten d’estos idiomes nes sos dimensiones llingüística, lliteraria, sociollingüística, musical o cultural en xeneral, independientemente de la llingua en que tean redactaos; les ayudes pa la creación lliteraria n’asturianu o gallego-asturianu nes modalidaes de poesía, narrativa, teatru y ensayu; ayudes a empreses qu’usen l’asturianu o’l gallego-asturianu n’actividaes destinaes al públicu; ayudes pa empreses dirixíes a la realización d’actividaes cinematográfiques y de videu de tipu creativu; ayudes a empreses cola fin de promocionar la música n’asturianu o en gallego-asturianu que se faiga en distintos soportes; y ayudes a medios de comunicación pa la producción d’espacios onde s’use l’asturianu, o’l gallego-asturianu nel so ámbitu.

(more…)

Read Full Post »

Nel BOPA de 12 de mayu del 2009 publíquense les bases reguladores y la convocatoria de les subvenciones a empreses editoriales pa la promoción del llibru n’asturianu y en gallego-asturianu. L’oxetu d’estes subvenciones ye la concesión d’ayudes económiques a la publicación d’obres lliteraries o de llibros de cualquier materia d’interés que se faigan demientres el 2009, n’asturianu o en gallego-asturianu, en cuantes qu’elementu indispensable pa dar prestixu y relevancia a la llingua y que tien gran importancia na escolarización y na formación de los ciudadanos. Amás, tamién hai una partida específica dirixida al fomentu de la traducción y edición n’otres llingües d’obres asturianes. Con estes ayudes búscase apoyar la publicación d’obres que pol so interés y calidá contribuyan a la normalización social de la llingua asturiana y al arriquecimientu de la nuestra cultura, permitiendo de la mesma la constitución d’un fondu bibliográficu n’asturianu y en gallego-asturianu.

(more…)

Read Full Post »

La primer edición del Premiu “Alfonso Iglesias” de comic en llingua asturiana tien abiertu’l plazu pa presentar trabayos. La convocatoria que les obres han ser inédites y non premiaes enantes, pudiendo ser una hestoria única o un conxuntu d’hestories, con o ensin rellación ente elles, presentaes nun formatu mínimu d’A4 y non superior al A3, enantes del 31 d’agostu d’esti añu.

(more…)

Read Full Post »

La Conseyería de Cultura y Turismu ta desarrollando nestos meses una nueva campaña de normalización social de la llingua asturiana nel sector socioeconómicu. En concreto, l’oxetivu d’esta campaña ye’l comerciu, que la Conseyería considera “unu de los ámbitos más importantes nes rellaciones cola ciudadanía”. Dempués de dellos meses, los responsables consideren “un gran ésitu” la mesma, “con visibilidá curiosa nos establecimientos comerciales y con bien d’aceptación social”.

(more…)

Read Full Post »

Nel BOPA de 6 d’ochobre pue consultase la concesión de subvenciones pa la normalización social del asturianu nes estayes que se citen darréu:

-Creación lliteraria n’asturianu o gallego-asturianu.

-Fechura d’actividaes cinematográfiques y de vídeu por empreses privaes.

-Fechura d’actividaes cinematográfiques y de vídeu por asociaciones o particulares.

-Estudios fechos en o sobre l’asturianu o’l gallego-asturianu.

-Actividaes específiques d’asociaciones y otres entidaes ensin ánimu de lucru.

-Producción musical por empreses privaes.

(de la Oficina de Política Llingüística, 09-10-2008)

Read Full Post »

« Newer Posts