Feeds:
Antradas
Comentairos

Posts Tagged ‘Conseyu de Gobiernu del Principáu d\’Asturies’

El Conseyu de Gobiernu del Principáu d’Asturies, na so xunta de 1 de marzu de 2012, autorizó la formalización d’un conveniu ente la Conseyería de Cultura y Deporte y la Fundación Aula de las Metáforas pa la creación y el desenvolvimientu de la Biblioteca de Poesía Asturiana. La puesta en marcha d’una Biblioteca de Poesía Asturiana qu’axunte tolos títulos publicaos en dicha llingua nel senu de la Fundación Aula de las Metáforas, asina como les actividaes d’espardimientu tantu n’Asturies como nes sos árees d’influencia, va contribuyir a la meyor conocencia y apreciu de la poesía asturiana, a la so ordenada contextualización nel ámbitu de la creación poética actual y a la meyor promoción y puesta en valor de la poesía y los poetes en llingua asturiana, oxetivos toos ellos del Gobiernu d’Asturies al traviés de la so Dirección Xeneral de Política Llingüística. (more…)

Read Full Post »

Francisco Álvarez-Cascos anunció un anteproyeutu de presupuestos con un techu de gastu de 4.208 millones. Pal añu qu’entra, Política Llingüística tien una partida prevista de 2.135.034 euros, 675.525 menos que nel 2011.

El Conseyu de Gobiernu aprobó unes cuentes que suponen un recorte del 6,3 por cientu con respeuto a les d’esti añu. El total de la reducción pal 2012 ye de 258.145.161 euros, una mengua importante que, sicasí, supón un incrementu del 1,8 por cientu en comparanza col presupuestu inicial del PSOE pal año 2011, cifráu en 4.133 millones. Nel anteproyeutu, los ingresos non financieros previstos ascienden a 3.808 millones d’euros, mentes que los gastos non financieros sitúense en 4.123 millones. Asina, la diferencia ente dambos importes ye inferior al 1,3 por cientu del PIB nacional previstu nel Plan d’Estabilidá pal 2012 y “permite cumplir con responsabilidá los mandatos del Conseyu de Política Fiscal y Financiera”. (more…)

Read Full Post »

El Conseyu de Gobiernu d’Asturies, presidíu por Francisco Álvarez-Cascos, acordó’l miércoles 17 de xunetu’l nomamientu del profesor del la Universidá d’Uviéu Alfredo Ignacio Álvarez Menéndez como director xeneral de Política Llingüística. D’esta manera, el departamentu responsable de la normalización, promoción y protección llegal del asturianu y el gallego-asturianu va siguir teniendo’l rangu que tuvo na última llexislatura, cuando ocupó’l cargu Consuelo Vega.

Alfredo Ignacio Álvarez Menéndez nació en Xixón en 1958 y ye profesor titular de la Universidá d’Uviéu na Facultá de Filosofía y Lletres. Ye, xunto con Ana Mª Cano, Ramón d’Andrés y Xosé Lluis García Arias, autor de la Gramática de la llingua asturiana, editada en 1998 pola Academia de la Llingua Asturiana. Ente les sos publicaciones atópase tamién La lengua y la construcción ideológica del idioma, del 2011. (more…)

Read Full Post »

El Conseyu de Gobiernu d’esti 25 de mayu aprobó la firma d’un conveniu cola Fundación Aula de les Metáfores pa la creación y desarrollu de la Biblioteca de Poesía Asturiana, que va axuntar tolos títulos publicaos n’asturianu.

Esti espaciu inauguróse’l 14 d’abril pasáu, con más de 300 volúmenes donaos pola Dirección Xeneral de Política Llingüística. Esta Biblioteca surdió gracies al patrociniu de la Conseyería de Cultura y Turismu y axunta les referencies de la poesía asturiana de tolos tiempos.

(more…)

Read Full Post »

El Conseyu de Gobiernu autorizó esti miércoles una partida de 579.600 euros pa financiar la convocatoria pública de subvenciones pa la normalización social del asturianu. Nesta partida tamién entren les ayudes al gallego-asturiano.

Esta convocatoria pública de subvenciones va facese en réxime de concurrencia competitiva, según anunció Presidencia. La Conseyería de Cultura y Turismu tamién llevó al Conseyu de Gobiernu l’aprobación de subvenciones p’actividaes y competiciones de los Xuegos Deportivos del Principáu y un conveniu de collaboración col Ministeriu de Cultura pa dar y distribuyir creitu pa l’adquisición de fondos bibliográficos pa les biblioteques públiques.

(more…)

Read Full Post »

D. BARREIRO

El Conseyu de Gobiernu del Principáu aprobó güei los nuevos graos universitarios, ente los que ta ‘Llingües Modernes y les sos Lliteratures’, nel que s’inclúi’l Minor d’Asturianu.

Asina, el Principáu dio-yos el preste a los decretos pa la implantación de les enseñances oficiales de 22 graos na Universidá d’Uviéu, lo que supón el camudamientu de les titulaciones esistentes a los planes del Espaciu Européu d’Educación Superior, que van entrar en vigor el próximu cursu 2010-11.

(more…)

Read Full Post »

Güei 27 de mayu del 2010 publíquense nel Boletín Oficial del Principáu d’Asturies el Decretu 46/2010, de 18 de mayu, pol que se determinen los topónimos oficiales del conceyu Ribeseya, y el Decretu 47/2010, de 18 de mayu, pol que se determinen los topónimos oficiales del conceyu Teberga.

(more…)

Read Full Post »

IVÁN G. FERNÁNDEZ

Hai unos díes, el Conseyu de Gobiernu aprobaba la oficialización de la toponimia tradicional del conceyu de Parres, qu’inclúi como única denominación pa la capital del conceyu Les Arriondes, en cuenta d’Arriondas, que yera la forma oficial hasta agora. Col de Parres, yá son cuarenta los conceyos qu’hasta agora aprobaron la toponimia tradicional y, según la Conseyería de Cultura y Turismu, hai otros 20 que yá principiaron el procesu de revisión de los nomes tradicionales de los sos pueblos y parroquies.

(more…)

Read Full Post »

PABLO R. ALONSO

Na reunión selmanal del Conseyu de Gobiernu ta acabante d’aprobase’l decretu qu’afita la nueva toponimia oficial del conceyu de Parres. Les nueves denominaciones, aprobaes pola Xunta de Toponimia y yá col preste del Gobiernu asturianu, pasen a tener la consideración de denominaciones oficiales. Hasta agora un total de 40 conceyos del país oficializaron los sos topónimos tradicionales y otros 20 entamaron esti procesu.

(more…)

Read Full Post »

El Conseyu de Gobiernu del Principáu d’Asturies autorizó, nel so conceyu de güei, una partida de 800.500 euros pa financiar la convocatoria pública pa la concesión de sovenciones pa la normalización social del asturianu, y nel so ámbitu gallegu asturianu, según informó nuna rueda de prensa n’Uviéu la conseyera d’Alministraciones Públiques y Vocera del Gobiernu, Ana Rosa Migoya.

Tamién s’aprobaron güei 357.000 euros, pa financiar les sovenciones pa programes d’actividaes culturales d’asociaciones, fundaciones culturales privaes y actividaes culturales d’interés rexonal promovíes por particulares, fundaciones y asociaciones.

(more…)

Read Full Post »

« Newer Posts - Older Posts »