Feeds:
Antradas
Comentairos

Posts Tagged ‘Conseyu de la Mocedá de Xixón’

Iniciativa pol Asturianu presentó esta selmana n’asamblea executiva una propuesta de resolución a favor de la oficialidá de la llingua asturiana. Esta proposición cuntó col sofitu de la mayoría de les asociaciones ellí representaes.

Diego Solís, vocal de la Xunta Direutiva d’Iniciativa pol Asturianu, foi l’encargáu de defender la propuesta y dixo que “ esta ye una amuesa de que la mocedá asturiana tien-y cariñu al so idioma maternu y ye una prueba de que la oficialidá ye daqué que xenera consensu mayoritariu, asociaciones y organizaciones de diferentes sensibilidaes votaron a favor”.

(more…)

Read Full Post »

Van poder presentase a esti Concursu toles persones d’ente 16 y 25 años (dambos incluyíos) con rellatos curtios en llingua asturiana hasta’l 21 d’avientu.
Trátase d’una iniciativa desenvuelta, a comuña, ente la Oficina de Normalización Llingüística y el Conseyu de la Mocedá de Xixón. El concursu empobínase a xente mozo y divídese en dos estayes, una pa persones d’ente 16 y 18 años y otra pa persones d’ente 19 y 25 años.

Con esti concursu pretendemos fomentar l’usu del asturianu ente la mocedá, pa falar de tou tipu de coses (normalizar l’usu social del asturianu); averar la lliteratura a la mocedá; promover un querer llibre, igualitariu, con bon tratu… seya p’hacia persones o p’hacia idiomes y dar visibilidá al Día del Idioma Maternu y al amor poles llingües, concretamente, pol asturianu.

(more…)

Read Full Post »

El Conseyu de Mocedá de Xixón y la Oficina de Normalización Llingüística entamaron esti concursu lliterariu destináu a xente mozo.

Convocáu con motivu del Día Européu de les Llingües pa fomentar l’usu del asturianu ente la mocedá y l’emplegu del mesmu pa falar de too tipu de materies, amás de p’averar la lliteratura a la xente mozo y fomentar un bon querer hacia l’idioma o les persones, alloñáu nesti casu últimu del amor románticu tan enraigonáu na nuesa sociedá, el I ‘Qué guapo ye querese’ taba dividíu en dos estayes. Na correspondiente al rangu d’edá comprendíu ente los 19 y 25 años, la ganadora foi Alba Carballo, con ‘Desnudu nel sable’, mentes que Claudia Gutiérrez Lueje, con ‘El dolor caltria’, y Borja Riestra, con ‘La entruga’, llevaron el segundu y tercer premiu, de manera respeutiva.

(more…)

Read Full Post »

Con motivu del Día Européu de les Llingües presentamos esti concursu. Van poder presentase a esti Concursu toles persones d’ente 16 y 25 años (dambos incluyíos) con rellatos curtios en llingua asturiana hasta’l 17 de payares.
Güei, 26 de setiembre ye’l Día Européu de les Llingües. Esta fecha celébrase dende 2001, por iniciativa del Conseyu d’Europa, col envís de fomentar l’aprendizaxe de llingües n’Europa, pa persones de toles edaes.

Los oxetivos d’esta efeméride pasen por alertar a la ciudadanía de la importancia del aprendizax d’idiomes y diversificar la gama de llingües, cola fin d’incrementar el plurillingüismu y la comprensión intelectual; promover la rica diversidá llingüística y cultural d’Europa o fomentar l’aprendizax permanente d’idiomes dientro y fuera de les escueles.

(more…)

Read Full Post »

Iniciativa pol Asturianu vieno acabante anunciar qu’esti vienres 21 va facer pública l’apertura d’una biblioteca dafechamente n’asturianu en Xixón, que dirá allugada nel Conseyu de la Mocedá.

Iniciativa pol Asturianu va inaugurar una biblioteca propia esti vienres con motivu del Día del llibru que se celebra’l 23 d’abril. La biblioteca, asitiada nel Conseyu de Mocedá de Xixón, tien l’envís de servir pa dar a conocer la lliteratura asturiana al mayor númberu de xente posible. Nel actu nel que va tar presente’l presidente de la entidá y dalgunos escritores asturianos, tovía por confirmar, va facese, una llectura de poemes abierta al públicu y amás va tener llugar un pinchéu.

(more…)

Read Full Post »

Iniciativa pol Asturianu, en collaboración col Conceyu Universitariu pol Asturianu (CUPA) abre’l plazu p’apuntase a la sesta edición de los Cursos d’Asturianu en Xixón, una esperiencia formativa qu’entama en collaboración cola Academia de la Llingua Asturiana y el Conseyu de Mocedá de Xixón. Los cursos que se van facer una edición más na sede del Conseyu de la Mocedá de Xixón (Avda. Manuel Llaneza, 68), van entamar a partir del 26 de xineru, cuntando con 36 hores llectives cada nivel.

El cursu va celebrase los llunes y miércoles, de 17 a 19 hores nel casu del nivel inicial, y de 19 a 21 hores pal nivel II, acabando’l 25 de marzu de 2015. El nivel inicial ta empobináu a persones ensin conocimientos d’asturianu o con nivel baxu de conocencia ya inclúi, pa les persones que lu superen, un diploma de l’Academia de la Llingua Asturiana, entidá reconocida pola Conseyería d’Educación pa la formación del profesoráu.

(more…)

Read Full Post »

La Xunta Xeneral ta tramitando la segunda llei de reforma del sector públicu, que va regular, sobre manera, la Radio Televisión del Principáu d’Asturies (RTPA), axustándola a la llei audiovisual nueva y a los criterios d’austeridá. Ye de reseñar que la llei actual señala ente los sos oxetivos la promoción de la cultura y la educación, «con especial protección del bable, mediante la promoción del so usu y espardimientu nos medios de comunicación social». Sicasí, esa especial protección nun llegó a más d’un 5% de la emisión na TPA y un 2% en RPA, mentes que na web rtpa.es l’asturianu cuasi nun existe. Por eso, a los firmantes d’esti manifiestu paez-yos “que resulta evidente que la llei tien que valir pa recoyer esplícitamente la necesidá de que la televisión y la radio autonómica xueguen un papel fundamental nel procesu de normalización social del idioma”. (more…)

Read Full Post »

El Conceyu Universitariu pol Asturianu (CUPA) abre’l plazu p’apuntase a la que yá ye la tercer edición de los Cursos d’Asturianu en Xixón, una esperiencia formativa qu’entama en collaboración cola Academia de la Llingua Asturiana y qu’esti añu va organizase de forma conxunta ente’l CUPA ya Iniciativa pol Asturianu.

El cursu, que se va facer na sede del Conseyu de la Mocedá de Xixón (Avda. Manuel Llaneza, 68), va entamar a partir de la segunda quincena del mes de payares (el martes 13 de payares), cuntando con 35 hores llectives. (more…)

Read Full Post »

PABLO R. GUARDADO

La propuesta de la XDLA de modificar los estatutos del Conseyu Asesor de la Llingua de Xixón saldrá alantre. Tolos presentes nun punxeron torgues a que les organizaciones que trabayen pol asturianu pasen a formar parte de la entidá.

Xulio Casado y Susana Fernández González foron los representantes de la Xunta pola Defensa de la Llingua Asturiana (XDLA) na reunión celebrada’l martes nel Centru de Cultura Antiguu Institutu que treslladaron a los miembros del Conseyu Asesor de la Llingua la necesidá de que les organizaciones que trabayen pol asturianu formaren parte de la entidá xunto colos qu’establez dende’l 2008 los sos estatutos: l’alcalde/alcaldesa o la persona na que delegue, que preside’l Conseyu; Oficina Municipal de la Llingua; tolos grupos municipales; Conseyería d’Educación, Cultura y Deporte; Conseyu de la Mocedá de Xixón; Academia de la Llingua Asturiana; Federación de Asociaciones de Vecinos de Gijón (FAV); Federación de Asociaciones de Vecinos Rurales de Gijón ‘Les Caseríes’; Comisiones Obreres; UXT; USO; SUATEA; Asociación Empresarial de Hostelería de Gijón, Carreño y Villaviciosa; y dos persones “de reconocíu prestixu y dedicación a los llabores rellacionaos coles funciones del Conseyu”. Amás, nesta ocasión, convidóse tamién a L’Asociación Cultural L’Arribada, l’Asociación Cultural N’Ast, Iniciativa pol Asturianu y la Tertulia Cultural El Garrapiellu –que nun unvió representante–, coleutivos que la XDLA considera qu’han de tar de manera permanente nel Conseyu Asesor. (more…)

Read Full Post »

Esti martes 25 de setiembre va celebrase la primer xunta del Conseyu Asesor de la Llingua de Xixón, un órganu sectorial y consultivu que quier afalar la participación de la ciudadanía sobre l’usu efectivu del asturianu nel conceyu. A la primer xunta, que va celebrase esti 25 de setiembre nel Antiguu Insitutu baxo la presidencia del conceyal Carlos Rubiera, foron invitaes les asociaciones de defensa del idioma, como Iniciativa pol Asturianu o la Xunta pola Defensa de la Llingua Asturiana (XDLA). Esta última yá confirmó que va participar nel conceyu pa proponer una modificación estatutaria sobre la so composición. La XDLA entiende que los estatutos del Conseyu aprobaos nel añu 2008 son «claramente restrictivos en participación y representividá de los sectores implicaos na recuperación y normalización de la llingua asturiana».

Y ye qu’esti órganu ta formáu por representantes de los grupos políticos con representación nel Conceyu, por un representante de la Conseyería de Cultura, ún del Conseyu de la Mocedá de Xixón, ún de l’Academia de la Llingua, ún de les asociaciones de vecinos, ún de los vecinos de la zona rural, ún de CC.OO, ún d’UXT, ún d’USO, ún de Suatea, ún de la Unión de Comerciantes, dos de l’asociación d’hosteleros y, p’acabar, dos persones de «prestixu reconocíu» y dedicación a los llabores rellacionaos coles funciones del Conseyu, nomaes pola Alcaldía. (more…)

Read Full Post »