Feeds:
Antradas
Comentairos

Posts Tagged ‘Conseyu Escolar del Estáu’

L’Academia de la Llingua Asturiana pide a la Conseyería d’Educación y Cultura del Gobiernu del Principáu d’Asturies que nun contribuya, magar seya de mou involuntariu, a semar más confusión ente la comunidá educativa d’Asturies y qu’empobine a una negociación seria y rigurosa coles próximes autoridaes educatives del Estáu que lleve a un cambéu de los decretos d’especialidaes.

Nun comunicáu, l’ALLA espón la so posición contraria a que la creación de la especialidá d’asturianu seya a traviés d’un decretu autonómicu. Considera que la regulación d’especialidaes ye competencia del Ministeriu d’Educación y que l’ordenamientu actual nun contempla especialidaes de calter autonómicu.

(more…)

Read Full Post »

El Conseyu Escolar del Estáu aprobó esti martes la propuesta d’incluyir la posibilidá de creación de la especialidá docente de llingua asturiana, a propuesta de la comunidá autónoma, nel Real Decretu d’Especialidaes de la Educación Secundaria.

Según informó’l sindicatu d’enseñanza Suatea la votación d’una enmienda nesti sen sacó un apoyu mayoritario. El testu diz asina: “Naquelles comunidaes autónomes nes qu’existan llingües non oficiales que gocen de protección oficial y formen parte del currículu, los cuerpos de catedráticos d’enseñanza secundaria y de profesores d’enseñanza secundaria van poder tener coles mesmes, a pidimientu de la Comunidá Autónoma y según necesidaes educatives, la especialidá propia de la llingua respectiva. Les alministraciones correspondientes van determinar l’atribución docente a diches especialidaes por analoxía colo dispuesto nesti real decretu pa la especialidá de llingua castellana y lliteratura.”

Con esta decisión, según Suatea, “el Conseyu Escolar del Estáu da otru pasu alantre na creación de la especialidá de Llingua Asturiana. Ye una decisión coherente con resoluciones aprobaes apocayá y qu’esponen, ensin resquiebra nenguna, la opinión y criteriu de la comunidá educativa sobre esti tema. Ye una postura que’l gobiernu nun puede tapecer y que lu debería llevar a tresformar esta petición nuna realidá si nun quiere degradar el papel que correspuende a un órganu estatal como ye’l Conseyu Escolar”.

(more…)

Read Full Post »

E. RODRÍGUEZ | GIJÓN.

El Consejo Escolar del Estado -en el que está representada toda la comunidad educativa (profesores, padres y madres y alumnado)- aprobó ayer la creación de la especialidad docente de Lengua Asturiana, una histórica reivindicación en la comunidad autónoma, especialmente del movimiento asturianista. La iniciativa fue defendida por la portavoz de Suatea, Beatriz Quirós, dentro de las propuestas de mejora que presentó el sindicato al informe que todos los años elabora este órgano sobre el curso escolar pasado. El pleno del Consejo Escolar la refrendó por 34 votos a favor, 26 en contra y seis abstenciones.

A su regreso de Madrid, Quirós se mostró muy satisfecha de haber conseguido el respaldo de los miembros del consejo, muchos afines a la Administración estatal. Ahora, este órgano trasladará esta recomendación al Ministerio de Educación para que la especialidad sea una realidad. Hasta la fecha, los profesores que imparten la materia cuentan con una habilitación o una acreditación y la inmensa mayoría son interinos. Al no existir la especialidad, nunca se han convocado oposiciones ni concurso de traslado. «Con la especialidad, esta situación se solventaría», señaló la portavoz de Suatea, quien añadió que, de esta forma, «se igualaría al alumnado de la comunidad autónoma y al profesorado que imparte Lengua Asturiana y Gallego-asturiano en su ámbito con el resto de lenguas propias u oficiales del Estado». La medida afectaría a «cientos» de docentes.

(more…)

Read Full Post »

Según informaciones unviaes pol sindicatu SUATEA la nueva versión de la LOMCE, la Llei Wert, tien en cuenta la esistencia de la Llingua Asturiana. Les llingües non oficiales pero con reconocimientu xurídicu y presencia nel sistema educativu van poder siguir ufiertándose al alumnáu. Sicasi, dende SUATEA espliquen que “la nueva versión del anteproyectu de la llei d’educación nun especifica la forma en qu’esta ufierta pue llevase a cabo” y camienten que “agora ye competencia de la Conseyería asturiana configurar una presencia digna de la llingua en toles etapes educatives”. Reclamen otra vegada la oficialidá del asturianu y camientes que ye’l momentu “de llevar a cabu una promoción real del asturianu aplicando la llei d’usu, una llei que, por cierto, apenas establez un mínimu dignu pa un patrimoniu d’esta importancia”. (more…)

Read Full Post »

Dende’l sindicatu asturianu d’enseñu SUATEA quieren solidarizase cola situación del profesoráu d’asturianu y apoyar les iniciativas entamaes pola Academia de la Llingua Asturiana pa lo que convoquen al profesoráu de llingua asturiana a una asamblea que va facese el 15 de xineru a les 18:00 hores nel IES Aramo d’Uviéu, y onde, espliquen, “va informase de la nueva situación y van proponese midíes de llucha pa defender la nuestra Llingua y refugar dafechu la LOMCE”. Esti sindicatu yá manifestó la so oposición frontal énte una llei que consideren “retrógrada, segregadora, machista y privatizadora, que namás favorez a les patronales de la enseñanza privada y a la Ilesia Católica”.

Nel conceyu qu’hubo sobre la LOMCE, SUATEA manifestó-y a la Conseyera d’Educación “la urxencia de llantar la Especialidá de Llingua Asturiana, pa lo que cuenta con informes favorables tanto del Conseyu Escolar del Estáu como de la Universidá d’Uviéu como de la mayoría de los grupos parlamentarios de la Xunta Xeneral”. (more…)

Read Full Post »

El diputáu d’IX, Gaspar Llamazares, presentó a la Mesa del Congresu cuatru entrugues n’asturianu y castellanu per primer vegada na historia. Nelles reclama al Ministeriu d’Educación que se pronuncie sobre la especialidá docente.

Asina, l’ex coordinador xeneral d’IX a nivel estatal recuerda a José Ignacio Wert que la esistencia d’una especialidá docente de Llingua Asturiana ye una demanda de “práuticamente tola comunidá educativa, del parllamentu asturianu, de la Xunta de Personal Docente Non Universitaria del Principáu y hasta del Conseyu Escolar del Estáu”. Llamazares tamién entruga pol nivel de conocimientu que tien el Ministeriu d’Educación de la realidá educativa de la “Llingua Asturiana”, asina como polo que “tien pensao facer, dende’l puntu de vista políticu y de regulación alministrativa, pa facer efeutiva esta demanda”. A lo último, pregunta al ministeriu si consideró les ventayes educatives, curriculares y de planificación que representa pa la educación n’Asturies la reconocencia “d’esta especialidá docente”. (more…)

Read Full Post »

El sindicatu asturianu de la enseñanza, SUATEA dio anuncia güei de la so participación nel plenu del Conseyu Escolar del Estáu al traviés de la confederación STEs-Intersindical y la so conseyera Beatriz Quirós, el pasáu 2 de xunu, onde defenderon el patrimoniu llingüísticu asturianu “como en tolos foros onde participa SUATEA”, recuerden. Nesta ocasión el sindicatu consiguió que nel Informe sobre l’estáu y situación del sistema educativu del añu anterior, se faiga referencia y analís del enseñu de la llingua asturiana.

(more…)

Read Full Post »

Older Posts »