Feeds:
Antradas
Comentairos

Posts Tagged ‘CP Santa Olaya’

Ayeri presentóse nel estand de Xixón na Feria de Muestres d’Asturies el cómic “Les 7 maraviyes de Xixón”. Esti trabayu, realizáu por Ruma Barbero col puxu de Xixón Turismu y la collaboración de la Oficina de Normalización Llingüística, amuesa, per aciu de personaxes de la mitoloxía asturiana, los siete recursos turísticos más destacaos na ciudá asturiana: l’Acuariu, les sableres, el parque Isabel La Católica, Llaboral Ciudá de la Cultura, el Xardín Botánicu, l’estadiu d’El Molinón Enrique Castro Quini y Cimavilla.

El trabayu ye arte de les aiciones entamaes por Xixón Turismu de collaboración colos ciudadanos y ciudadanes de la ciudá pa implicalos na promoción turística. La idega surdió nel cursu escolar 2017-18, cuando Xixón Turismu trabayó colos escolinos y escolines del C.P. Santa Olaya pa escoyer los 7 recursos (maraviyes) qu’ellos recomendaríen a los nuesos visitantes más pequeños. D’aquel trabayu surdió un planu infantil con diseños de Ruma Barbero, que s’espublizó n’asturianu y que se reparte nes oficines d’Infoxixón.

(more…)

Advertisements

Read Full Post »

Esta selmana entamó a repartise’l planu infantil nuevu de @GijonTurismo coles “7 maraviyes de Xixón”, dibuxos de Ruma Barbero y testos del alumnáu d’asturianu del CP Santa Olaya.

El planu de Xixón amuesa información sobre l’Acuariu, les Sableres, el parque Isabel La Católica, la Llaboral y dellos otros llugares d’interés pa visitar colos neños y les neñes. Y tamién inclúi información sobre mitoloxía, cultura tradicional y recueye xuegos como sopes de lletres.

El planu pue recoyese en toles Oficines d’Información Turística de Xixón.

(d’Asturnews, 07-06-2018)

Read Full Post »

L’asociación Reciella va entregar en Xixón los sos reconocimientos “Escuela afayadiza” colos que quier reconocer col so distintivu a les escueles con un altu númberu de matriculación na asignatura d’Asturianu. Esti cursu los reconocimientos entréguense a les escueles de Primaria del conceyu de Xixón y el C.P. Santa Olaya, va ser la primer escuela con “Reconocimientu d’oru”.

Coincidiendo col final del cursu, l’asociación Reciella (families pol asturianu) presenta les sos insinies “Escuela Afayadiza”, unes pegadielles que les escueles d’Educación Primaria van tener oportunidá de poner na entrada los centros, renovándoles cursu tres cursu.

(more…)

Read Full Post »

Una esposición de trabayos realizaos por alumnos de seis colexos públicos repasa la vida y obra del escrito Vicente García Oliva, ún de los referentes actuales de la lliteratura en llingua asturiana.

La muestra inaugúrase esti martes nel Centru Cultural Antiguu Institutu de Xixión. Trátase d’un prestosu percorríu pela so vida y la so obra que ficieron escolinos y escolines de dellos colexos de Xixón _los colexos públicos Asturias, Evaristo Valle, Jacinto Benavente, Manuel García Blanco, Río Piles y Santa Olaya, y el Colexu San Lorenzo_, quien la visite va conocer y esfrutar con personaxes y obres lliteraries que yá son historia na lliteratura infantil.

La bruxa Pumarina y el dragón Maragatu van davos la bienvenida al particular reinu los silentes, nuna amuesa que vien mui a cuentu. La muestra tará abierta al públicu de llunes a domingu hasta’l 30 de payares.

(d’Europa Press, 07-11-2016)

Read Full Post »