Feeds:
Antradas
Comentairos

Posts Tagged ‘Cueto’

El sábadu 13 d’avientu celébrase la VI Xornada de la Fundación Caveda y Nava, una agrupación de persones reuníes pa favorecer na sociedá un posicionamientu a favor de la llingua asturiana. Nesta xornada va propiciase una mesa redonda, moderada por Inaciu Iglesias, na que Xuan Xosé Sánchez Vicente, Ramón d’Andrés y María Cueto van falar de si l’asturianismu, anguaño, ye necesariu o non. La filóloga y articulista María Cueto, a quien entrevistamos, considera qu’hai que buscar nueves víes pa un discursu políticu y cultural que mui bien de veces vive al marxe de la sociedá.

¿Ye necesario l’asturianismu nestos tiempos?
Yo lo que sí creo que ye necesario ye facer polítiques dende Asturies y p’Asturies. De cualquier manera, a mí pretábame da-y la vuelta al tema que vamos debatir el sábadu en Villaviciosa. Parezme más importante señalar la necesidá que tien l’asturianismu d’Asturies. Ye dalgo que nun se suel plantear y que pa mí guarda’l quid de la cuestión.

(more…)

Read Full Post »

BEATRIZ R. VIADO

El Seminariu de Filoloxía Asturiana apurre la posibilidá d’echar una güeyada dende fuera a la nuestra llingua. Ésta ye una de les propuestes de les xornaes de trabayu «Llabor en Tienda. Tendencies Nueves na Llingüística Asturiana», onde, del 6 al 9 d’ochobre, nel Salón d’Actos de la Facultá de Filoloxía, se van dar a conocer los trabayos de bien de xente que dende fuera del país ta estudiando l’asturianu y el so contestu sociopolíticu. Nes xornaes tamién se van presentar los proyectos d’investigación en marcha n’Asturies.

Toos estos trabayos defínelos el Seminariu como iniciatives «bramente novedoses, qu’abren caminos metodolóxicos y llinies d’estudiu venceyaes a les corrientes más avanzaes de la llingüística europea y mundial». Amás, tamién se va entrar en disciplines como la sociollingüística o’l derechu comparáu. Les xornaes nacen como un alcuentru científicu y universitariu onde los investigadores presenten delantre la comunidá universitaria los proyectos nos que trabayen agora. La matrícula ye de baldre y el plazu p’apuntase ciárrase’l 6 d’ochobre.

(more…)

Read Full Post »