Cultura destina 935.100 euros a la subvención de proyeutos qu’usen l’asturianu o gallego-asturiano

La Conseyería de Cultura y Turismu dio anuncia de que la cantidá total de subvenciones pa proyeutos qu’usen l’asturianu o gallego-asturianu va ser de 935.100 euros. Esta cifra se divide en tres llinies grandes de subvención.

El destín d’estes ayudes concedíes pol Gobiernu d’Asturies tien como oxetivu apoyar “les iniciatives municipales, empresariales, asociatives o particulares qu’impulsen del asturianu y gallego-asturiano, consolidando asina la so condición de vehículo de expresión”, según señalen dende la conseyería nuna nota. Asina, la primer gran llinia de subvención ta destinada a les entidaes llocales “pa financiar proyeutos y actividaes de les entidaes llocales encaminados a la normalización social” de les dos llingües, convocatoria que cuenta con 166.500 euros.

Read Full Post »

Convocaes les subvenciones pa la normalización social del asturianu

Nel BOPA de 29 d’abril publícase la convocatoria de subvenciones en visu a fomentar l’usu del asturianu y del gallego-asturianu n’iniciatives particulares, empresariales o asociatives, y en xeneral como vehículu d’espresión cultural.

Read Full Post »

Convocaes les subvenciones a editoriales

Nel BOPA del 31 de marzu ta publicada la convocatoria conxunta de subvenciones pa la normalización social de la lliteratura n’asturianu y en gallego-asturiano nel ámbitu editorial, en réxime de competencia competitiva del añu 2011. Dientro d’esta convocatoria, la llinia 1 ye la de “Promoción del llibru n’asturianu y en gallego-asturianu”, dotada con 171.000 €; y la llinia 2 la de “Fomentu de la traducción y/o edición n’otres llingües d’obres asturianes”, dotada con 18.000 €. El plazu pa presentar proyectos acaba’l llunes 30 d’abril.

ANEXU: Resolución de 9 de marzu del 2011, de la Conseyería de Cultura y Turismu, pola que s’aprueba la convocatoria conxunta de subvenciones pa la normalización social de la lliteratura n’asturianu y en gallego-asturianu nel ámbitu editorial, en réxime de concurrencia competitiva.

Read Full Post »

El Serviciu de Normalización de Siero presentó cuatro campañes pa esparder l’usu del asturianu

PABLO R. GUARDADO

Al igual qu’otros servicios de normalización del país, el de Siero entamó a trabayar esta selmana en delles campañes de promoción del asturianu. Éstes tán destinaes a escolinos y hostelería, y al fomentu del reciclaxe y la igualdá.

Mauricio Adrián Bogomak Medeiro, conceyal de d’Educación, Cultura, Deportes, Turismu y Seguridá Ciudadana, encargóse de la presentación d’estes cuatro campañes nes que collabora la Rede de Normalización Llingüística nos Conceyos y que se faen gracies a les sovenciones de la Conseyería de Cultura y Turismu. Xunto cola Oficina Municipal de la Llingua de Xixón y los servicios d’Aviles, mancomunidá del Cabu Peñes, Cangas, mancomunidá de la Sidra, Corvera, Llaviana, Ḷḷena, Mieres y Samartín del Rei Aurelio, Siero entama la campaña ‘N’asturianu queda guapu’, orientada a escolinos y escolines, que tien como oxetivu dar a conocer los nomes n’asturianu de plantes, animales y prendes de vistir.

Read Full Post »

Publicada la convocatoria de subvenciones a entidaes locales

Nel BOPA del 11 de marzu tán publicaes la segunda modificación de bases reguladores y la convocatoria conxunta de subvenciones a entidaes locales, nel ámbitu de la Conseyería de Cultura y Turismu, del añu 2011. Dientro d’esta convocatoria, la llinia 1 ye la de “Normalización social del asturianu y del gallego-asturianu”. Esta convocatoria cuenta con una dotación de 166.500 euros pa financiar proyectos y actividaes de les entidaes locales empobinaes al desenrollu de proyectos y actividaes que busquen la normalización social del asturianu o gallego-asturianu. El plazu pa presentar proyectos acaba’l llunes 11 d’abril.

ANEXU: Resolución por la que se aprueba la segunda modificación de las bases reguladoras de la concesión de subvenciones a las entidades locales.

(de la Dirección Xeneral de Política Llingüística, 11-03-2011)

Read Full Post »

Bimenes convoca’l XIV Concursu de Cuentos pola Oficialidá

La Estaya de Cultura del Conceyu Bimenes ta acabante de convocar el Concursu de Cuentos pola Oficialidá del Asturianu, qu’esti añu llega a la so XIV edición. El plazu de presentación de cuentos al certame fina l’1 de xunu y la entrega de premios (dotaos con 800, 500 y 350 €) sedrá xusto un mes dempués,l’1 de xunetu, coincidiendo coles cellebraciones de la Fiesta de la Oficialidá de la Llingua Asturiana.

Read Full Post »

La Conseyería de Cultura convoca una edición más del “Premiu al Meyor Cantar”

La Conseyería de Cultura y Turismu, aprobó la convocatoria del “Premiu al Meyor Cantar” en llingua asturiana o gallegu-asturianu. A esta convocatoria van poder presentase los músicos, a títulu individual o dientro de grupos, que comercializaren dalgún cantar orixinal de cualesquier xéneru a lo llargo del añu 2010, quedando escluyíes les pieces tradicionales yá esistentes, les versiones o adaptaciones d’obres de creación publicaes orixinalmente n’otra llingua, y los cantares que nun fueren editaos y grabaos per primer vegada nel periodu referíu.

Read Full Post »

El decretu d’oficialización toponímica d’Avilés, nel BOPA

El 4 d’avientu del 2010 publicóse nel Boletín Oficial del Principáu d’Asturies (disponible en http://www.asturias.es) el decretu 145/2010, de 24 de payares, pol que se determinen los topónimos oficiales del conceyu d’Avilés. El decretu pue descargase tamién na sección Toponimia d’esta páxina web.

Col conceyu avilesín, son yá 48 los conceyos que remataron el procesu de recuperación y fixación de la toponimia tradicional asturiana; otros quince conceyos más entamaron el procesu, alcontrándose según el casu, en distintes fases del mesmu.+

ANEXU: Decreto 145/2010, 24 de noviembre, por el que se determinan los topónimos oficiales del Concejo de Avilés.

(de la Dirección Xeneral de Política Llingüística, 10-12-2010)

Read Full Post »

Resolución de subvenciones d’asociaciones y empreses, nel BOPA

Güei, 14 d’ochobre del 2010, publicáronse nel BOPA les resoluciones de la Conseyería de Cultura y Turismu del Principáu d’Asturies pola que se conceden y denieguen subvenciones p’actividaes d’asociaciones y d’empreses privaes pa la normalización del asturianu o del gallego-asturianu.

ANEXU 1: Resolución de la convocatoria d’asociaciones.

ANEXU 2: Resolución de la convocatoria d’empreses.

(de la Dirección Xeneral de Política Llingüística, 14-10-2010)

Read Full Post »

Resolución de subvenciones de traducción, nel BOPA

Güei, 19 d’agostu del 2010, publícase nel BOPA la resolución de la Conseyería de Cultura y Turismu del Principáu d’Asturies pola que se conceden y denieguen subvenciones pal fomentu de la traducción y/o edición n’otres llingües d’obres escrites orixinalmente n’asturianu o en gallego-asturianu.

ANEXU: Resolución de subvenciones pal fomentu de la traducción y/o edición n’otres llingües d’obres escrites orixinalmente n’asturianu o en gallego-asturianu.

(de la Dirección Xeneral de Política Llingüística, 19-08-2010)

Read Full Post »