‘Cróniques d’un machista feminazi’, títulu de la novela próxima de David Artime

David Artime, autor de ‘La bufanda’ y ‘Incorrectos’, dos de les obres de más éxitu de la lliteratura asturiana de los últimos años.
La novela va publicase estes navidaes, según indicaron dende Hoja de Lata nun apunte nes redes sociales de la editorial recoyíu por Europa Press, onde tamién muestren el bocetu de la portada, anque nun desvelen más información sobre l’argumentu del llibru.

Read Full Post »

Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

Read Full Post »

La Tertulia Malory escueye ‘Incorrectos’, de David Artime, como meyor llibru n’asturianu del añu 2018

La Tertulia Malory, de L’Entregu, escoyó como meyor llibru n’asturianu de tolos que s’editaron nel 2018 la novela Incorrectos, del escritor y periodista David Artime Coto. El xuráu tuvo formáu polos escritores Xulio Arbesú, José Luis Rendueles, Solinca Turbón, David Fernán, Roberto Corte, Aique Fernandi, Chechu García y Henrique G. Facuriella, que fallaron el premiu nun actu celebráu na tertulia’l 21 de xunu del 2019.

El xuráu destacó, nel acta del fallu, «l’arquitectura narrativa, el ritmu y la fondura psicolóxica de caún de los personaxes protagonistes d’una obra que va muncho más p’allá de la premisa argumental, al poner al llector énte un espeyu qu’enseña los demonios de la sociedá d’anguaño con un realismu grande», amás de la calidá altísima de la producción lliteraria n’asturianu del añu 2018, lo que fixo que la decisión de premiar la novela d’Artime se garrara por mayoría.

Read Full Post »

David Artime, autor de ‘La bufanda’, vuelve a les llibreríes cola historia d’amor d’una etarra y un neonazi

Ediciones Saltadera acaba de publicar ‘Incorrectos’, segunda novela del periodista David Artime, autor d’una de les obres de más éxitu de la lliteratura asturiana; ‘La bufanda’. Nesti llibru nuevu cuenta la historia d’amor d’Aníbal, un violentu neonazi bien conocíu nos ambientes de la estrema derecha madrileña, y Maitane, una militante d’ETA implicada en dos asesinatos.

“Un día los sos caminos entecrúciense y les sos vides cambien pa siempre. Entamen entós a percorrer un peligrosu camín a la busca d’un porvenir dignu. Atrás, el so pasáu. Delantre, un futuru inciertu. En mediu, l’aislamientu, la soledá y la opresión d’una sociedá hipócrita que solo perdona los errores cuando-y interesa. Pero ellos dos quieren siguir caminando. Quieren vivir. Quieren arrepentise anque nun sepian mui bien de qué”, señalen dende Saltadera.

Read Full Post »

«Condenáu», de Skama la Rede, lleva’l Premiu al Meyor Cantar del añu 2010

«Condenáu», de Skama la Rede, fíxose col Premiu al Meyor Cantar del añu 2010, galardón entregáu esti 19 de febreru nuna gala celebrada nel Auditoriu Teodoro Cuesta de Mieres. Agora, esti grupu del Cabu Peñes va representar a Asturies nel Festival de la Canción en Llingües Minoritaries Liet International, organizáu col apoyu del Conseyu d’Europa y que va facese na ciudá d’Udine (Friul, Italia).

El cantar de Skama la Rede competía con «Señaldá», de Blima; «Alma balera», de Corquiéu; «Sele sound system», de Fala Non Caduca; y «Entre ríos y entre soutos», de Verdasca. El cantar ganador ye un tema editáu nel últimu discu de la banda, Ye too mentira, y tien lletra de David Artime Coto, autor d’ún de los llibros n’asturianu más exitosos del añu pasáu, La bufanda, Premiu de Narraciones Trabe 2009.

Read Full Post »

La gala del V ‘Premiu al Meyor Cantar n’Asturianu’ va celebrase’l 19 de febreru en Mieres

Blima, Corquiéu, Verdasca, Fala Non Caduca y Skama la Rede son los grupos qu’aspiren a llevase’l ‘Premiu al Meyor Cantar n’Asturianu’ que va fallase’l 19 de febreru en Mieres nel trescursu d’una gala onde van tocar toles formaciones nominaes. El ganador d’esti galardón va representar a Asturies nel Festival Internacional Liet, certame musical de llingües minoritaries qu’esti añu va celebrase n’Udin/Udine (Friûl).

Read Full Post »

El Ayuntamiento convoca el cuarto Premio Arbidel

JUAN GARCÍA

La Concejalía de Cultura del Ayuntamiento de Ribadesella convoca la cuarta edición del Premio Arbidel de Cuentos Eróticos con el objetivo de contribuir a la difusión y promoción del uso del asturiano y de la cultura asturiana en general.

Se trata del primer premio literario que se organiza en el concejo en llingua asturiana y su nombre sirve de homenaje a José García Peláez, Pin de Pria y a su poema ‘La fonte’l cai’ cuyo protagonista se llama Arbidel. La concejalía que dirige el edil Juan González Martino optó por un contenido erótico porque «nuestra intención siempre fue la de crear un premio original y tenemos constancia que es el único que hay en Asturias con esa temática».

Read Full Post »

La revista de llibros «Estoyu» publica’l númberu dos

La revista Estoyu, publicada por Ediciones Trabe, punxo estos díes na cai’l so númberu dos; esta publicación ta dedicada dafechu al mundu de los llibros y tolos sos conteníos xiren alredor d’ellos.

Nesta entrega nueva Pablo X. Suárez fala de «La novela asturiana y yo», Iván Cuevas aporta l’artículu «El tiempu de les posibilidaes», Miguel Rodríguez Monteavaro trata’l tema «A lliteratura nova en galego-asturiano», mentes que la presidenta del Gremiu d’Editores d’Asturies fai una reflexón sobre lo que pue suponer la llegada del llibru dixital, lo mesmo que l’escritor Ovidio Parades.

Read Full Post »

David Artime asoleya la novela “La Bufanda”

L’escritor David Artime ta acabante de publicar la so primer novela, “La bufanda” (Ediciones Trabe), obra cola que ganó’l Premiu de Narraciones Trabe 2009. Trátase d’una hestoria que s’adientra nun tema virxe dafechu na lliteratura en llingua asturiana: el del mundu ultra nel fútbol y el de les persones que lu conformen.

Read Full Post »

David Artime n’asturianu y Carlota Fernández en castellán, ganadores del concursu de microrrelatos de La Voz de Asturias

David Artime Coto (Candás) y Carlota Fernández-Escandón Vázquez (Xixón) son los dos ganadores de la quinta edición del concursu lliterariu de microrrelatos ‘Minimorum’, que tolos años convoca’l periódicu asturianu La Voz de Asturias, en collaboración cola Conseyería de Cultura del Principáu d’Asturies.

La decisión del xuráu, que tamién reconoció dos segundos premios pa Mauricio Díaz Rodríguez (Uviéu) n’asturianu, y Rafael Sánchez Avello (Uviéu) en castellán, publicólu güei esti diariu nes sos páxines de la estaya de cultura.

Read Full Post »