Posted in Asturies, Lhiteratura / Lliteratura, Llaviana, tagged Carla Domínguez Díez, David Fernández Fernández, Laura Marcos Domínguez, María García Fernández, Mónica Rodríguez Riesgo, Pablo Xuan Manzano Rodríguez on Dezembre 18, 2014| Leave a Comment »
Esta selmana aconceyábase’l xuráu calificador del XIII Concursu de Narraciones Curties Conceyu Llaviana, formáu por Dña. María García Fernández, D. Pablo Xuan Manzano Rodríguez, Dña. Carla Domínguez Díez y Dña. Mónica Rodríguez Riesgo, y decidía entregar un primer premiu de 400 € a Dña. Laura Marcos Domínguez pola narración La Santa Fesoria y un segundu premiu de 150 € a D. David Fernández Fernández pola narración Vivir suañando.
(d’Asturnews, 17-12-2014)
Posted in Ansino / Educación, Antrebistas / Entrevistes, Lhiteratura / Lliteratura, tagged David Fernández Fernández, Pablo Rodríguez Medina, Universidá Asturiana de Branu, Xurde Fernández on Agosto 11, 2012| Leave a Comment »
PABLO R. GUARDADO
David Fernández Fernández (Candás, 1981), miembru de la secretaría téunica de l’ALLA, tien ente les sos funciones na UABRA la venta de llibros de la institución académica. Los de creación lliteraria y el diccionariu son los más demandaos.
¿Cuál ye’l so llabor na Universidá Asturiana de Branu?
Llevar el funcionamientu en xeneral: situar a los profesores nes sos habitaciones, llevar partes… Pue dicise que cuando toi nel colexu soi como un bedel. Amás, tamién m’ocupo de la venta de llibros de l’Academia.
¿Los alumnos interésense polos llibros?
La verdá ye que sí. La biblioteca que tenemos equí instalada permite-yos ver tolos llibros de l’Academia, tastialos, polo que les ventes son muncho mayores qu’en cualquier otra época del añu. Tenemos a la so disposición toles publicaciones de l’Academia y, pal cursu de gallego-asturianu, una pequeña amuesa de llibros pa que sepan pa que sepan los materiales que van saliendo. Hai que destacar que los precios son un 20 por cientu más baratos mientres la UABRA que’l restu del añu. (more…)
Posted in Asturies, Lhiteratura / Lliteratura, Llaviana, tagged Conceyalía de Cultura y Turismu, David Fernández Fernández, Oficina de Normalización Llingüística del Conceyu Llaviana, Pablo Rodríguez Medina, Pablo X. Suárez on Júnio 13, 2011| Leave a Comment »
PABLO R. GUARDADO
‘El bichu grande’, de Pablo X. Suárez, foi la obra ganadora del X Concursu de Narraciones Curties Conceyu Llaviana. Pablo Rodríguez Medina y David Fernández Fernández algamaron el segundu y tercer premiu, de forma respeutiva.
Posted in Asturies, Lhiteratura / Lliteratura, tagged Antón García Fernández, Antonio Masip Hidalgo, Carmen Caballero Díaz, Cristina Huerta Villanueva, David Fernández Fernández, Fundación Cultural Asturias, Manuel Díaz Cancio on Dezembre 1, 2009| Leave a Comment »
La Fundación Cultural Asturias, venceyada a UXT, ta acabante anunciar el fallu del xuráu del so concursu lliterariu, que declaró ganadores a David Fernández Fernández pol rellatu n’asturianu “¡Quiero ser astronauta!” (un bon rellatu que xuega col llenguaxe y un remana bien los diálogos n’asturianu, según el xuráu) y “Travelling de una lección de anatomía”, del autor Fernando de Luxán Delgado (en castellán), que’l xuráu calificó como “rellatu nada convencional que xuega col llinguaxe y remana con ésitu recursos d’otros xéneros.
Posted in Asturies, Carreño, Toponimia / Toponimie, tagged Academia de la Llingua Asturiana, David Fernández Fernández, Xurde Fernández Fernández on Júlio 9, 2009| Leave a Comment »
L’Academia de la Llingua Asturiana ta acabante publicar tres cartafueyos nuevos de la so colección dedicada a estudiar y recuperar la toponimia tradicional asturiana. Nesta ocasión, estos tres númberos (124, 125 y 126) tán centraos nel conceyu de Carreño, concretamente nes parroquies de Carrió, Prevera y El Pieloro. Los sos autores son dos filólogos mozos del mesmu conceyu de Carreño: David Fernández Fernández y Xurde Fernández Fernández, esti últimu escritor de llibros de rellatos como Volver o de noveles como La espera. Nes páxines d’estos exemplares nuevos de Toponimia alcontramos los nomes de los llugares que marquen la xeografía d’eses tres parroquies.
Tierra alantre, la mesma fala 