El Termast publica la terminoloxía asturiana de la Xuegos Olímpicos

El Centru de Terminoloxía Asturiana (TermAst) de l’Academia de la Llingua Asturiana (ALLA) publicó esti xueves una propuesta nueva. Trátase de la ‘Terminoloxía de deportes y pruebes olímpiques’.

Trátase d’un repertoriu léxicu obra de David Fernández qu’apaez nel añu nel que se celebren, nesti mes de xunetu, los Xuegos Olímpicos de Branu en Tokiu (Xapón).

Read Full Post »

Corvera pon en marcha’l ‘Veranu Lliterariu’

Veranu Lliterariu ye una actividá de promoción y animación a la llectura de lliteratura infantil n’asturianu, organizada pola Casa de la Llingua del Ayuntamientu de Corvera, que va desarrollase a lo llargo de los meses de xunetu y agostu na Biblioteca de Les Vegues.

L’actividá consiste n’alcuentros ente escritores y tolos neños que quieran asistir; cada escritor acerca y cuenta una de les sos producciones lliteraries a los rapacinos, n’alcuentros d’una hora de duración, que poles sos característiques dan en ser distintos y únicos.

Read Full Post »

La revista «Lliteratura» cambia de formatu

L’Academia de la Llingua presentó esta tarde’l númberu 34 de la revista Lliteratura, correspondiente al añu 2018, na Feria’l Llibru de Xixón. Nel actu, intervinieron los escritores Solinca Turbón, David Fernández, Inaciu Galán, Henrique Facuriella y Llucía Fernández Marqués, qu’ufrieron un recital poéticu a los asistentes.

La revista Lliteratura, qu’edita l’Academia de la Llingua col sofitu del Ayuntamientu d’Uviéu, vien publicando testos llíricos, narrativos y ensayísticos n’asturianu y en gallego-asturianu dende l’añu de la so apaición, en 1990. La presente edición, a cargu de Marta Mori, que toma’l relevu nesta xera del poeta y académicu Xosé Bolado, presenta un cambiu de formatu y incorpora secciones nueves, ente les que destaca’l dossier sobre ‘La poesía última’. Nesti puen alcontrase collaboraciones de 17 poetes nacíos a partir de 1974.

(de La Voz de Asturias, 18-06-2018)

Read Full Post »

Pravia aprueba el estudio e implantación de la toponimia tradicional asturiana

SARA ARIAS

Pravia inicia la tramitación para dotar al concejo de la toponimia tradicional en asturiano. Así lo aprobó ayer el Pleno a propuesta del equipo de gobierno del PSOE y con el apoyo de Izquierda Unida y Foro Pravia. El Partido Popular se abstuvo. El concejo es uno de los últimos de Asturias, junto con Navia e Illano, en incluir la toponimia oficial. “No vamos a utilizar la lengua como arma arrojadiza ni como aval de ninguna ideología, lo vemos como una manera de conservar nuestro patrimonio cultural”, afirmó el alcalde, David Álvarez (PSOE).

El acuerdo plenario será trasladado a la Dirección General de Política Lingüística del Principado de Asturias, que enviará a los técnicos, historiadores y filólogos a realizar un trabajo de campo en el municipio y el estudio de la documentación histórica. Un informe que, posteriormente, será enviado de nuevo al Ayuntamiento para su aprobación en sesión plenaria.

Read Full Post »

Orsai, trallu o bombiar, ente les propuestes de David Fernández pa un vocabulariu futbolísticu en llingua asturiana

Orsai (fuera de xuegu), trallu (‘trallazo’ en castellano) o bombiar (meter el balón al área) son dalgunes de les cerca de 700 propuestes terminolóxiques que fai David Fernández pa un vocabulariu asturianu de calter futbolístico.

Esti filólogu y investigador de l’Academia de la Llingua presentó esti miércoles la so propuesta, acompañáu pola directora de la Institución, Ana Cano, nun actu nel que tuvieron presentes, ente otros, el futbolista Diego Cervero, y los periodistes deportivos Manfredo Álvarez, Miguel Fernandi y Carlos Novoa.

Read Full Post »

L’ALLA tien nes llibreríes el cuartu númberu de Lletres Lliterariu

La revista Lletres Lliterariu, que ñació como númberu especial de Lletres Asturianes y lleva cuatro años como publicación dixebrada, asoleyó’l pasáu mes de mayu un númberu nuevu. Nesti cuartu númberu l’Academia sigue col enfotu de contribuir a festexar la virtualidá estética del nuesu idioma, que dende hai sieglos vien dándonos obres de calidá induldable. Nesti volume puen atopase obres de poesía, narrativa, teatru y tornes.

Esti númberu cuatro inclúi poemes de Xuan Porta, Lauren García, Marta Mori, Xurde Fernández, Cristina Menéndez Martín, David Fernández, Roberto González-Quevedo, Xicu Monteserín, Manuel Asur, Ricardo Saavedra Fernández-Combarro, Marisa López Diz, Irma González-Quevedo Pedrayes, Inaciu Galán y González, Xe M. Sánchez, Mª José Fraga Suárez, Helena Trexu Fombella, Abel Aparicio González, Berto García, Ángeles González Fuentes, Carmen Uría Araujo, Pachu Menéndez, Ánxel Álvarez Llano, Mª Esther García López y Santi Fano, qu’ilustra amás esti volume.

Read Full Post »

Preséntase «Aeropuertu», de Xurde Fernández y Marián García, na FNAC

Aeropuertu, la segunda novela escrita mano a mano por Xurde Fernández y Marián García, preséntase esti vienres 11 de mayu na FNAC de Parque Principado, a les 19.30 hores. Na presentación van tar, amás de los autores, David Fernández y Silvia Cosío, responsable de Suburbia Ediciones. Depués d’El color del escaezu, esta novela ye la so cuarta collaboración, porque tamién escribieron xuntos los llibros L’árbol de la verdá y Febreru 29 pal públicu infantil y xuvenil. Aeropuertu ye una obra con histories cruciaes alredor de dos viaxeros a los que tracamundien les maletes accidentalmente nun aeropuertu. A partir d’esti fechu aparentemente ensin importancia, los autores desarrollen dos histories en paralelo hasta llegar a un final sorprendente y conxuntu.

Read Full Post »

Una revolada curtia

ANTÓN GARCÍA

Nestes últimes décades, el cuentu n’asturianu ocupa un llugar de privilexu tanto pola cantidá (frente al escasu númberu que conocemos anterior al Surdimientu) como pola calidá. Pue dicise que ye’l xéneru que meyor ta faciendo’l retratu d’esta sociedá, quiciabes porque la novela tovía nun llogró’l desarrollu que s’esperaba. La variedá de cuentos permite estremar yá xéneros y autores, y dende llueu puen dase nomes de toa solvencia. Ente los cuentistes qu’a min más me presten ta Pablo Antón Marín Estrada, con esi apunte certeru que fai de les cuenques mineres asturianes, o Milio Rodríguez Cueto y la observación atenta del mundu que lu arrodia, nel que siempre atopa un motivu de refexión orixinal. Pero hai munchos más nomes, de Miguel Rojo a Xuan Bello, de Paquita Suárez Coalla a Francisco Álvarez, de Xandru Fernández al mui lliterariu Sánchez Vicente, pasando por Montserrat Garnacho, Carlos Rubiera, Pablo X. Suárez, Xabiero Cayarga, Xulio Viejo, Adolfo Camilo Díaz o Quique Faes, por citar namás los que se me vienen agora a la cabeza.

Read Full Post »

Presentando’l I Premiu de Relatu n’Asturianu de la FNAC

Esti 2011, la FNAC de Parque Principado (Siero) convocó’l I Premiu de Relatu n’Asturianu. El ganador foi David Fernández, col orixinal tituláu La vuelta.

La vuelta, publicáu por Suburbia Ediciones, preséntase’l vienres 25, a les 19 hores, na FNAC.

(de Suburbia Ediciones, 24-11-2011)

Read Full Post »

“Lo meyor de facer un llibru a comuña ye que nun decides solu hacia ónde va la historia”

Esti domingu 18 de setiembre Xurde y David Fernández presentarán la so nueva obra de creación “Antón quería ser porteru” nel marcu de L’Arribada, en Xixón. Falamos con ellos del llibru y otres cuestiones venceyaes a la lliteratura pa la reciella

“Antón quería ser porteru” ye’l títulu del so últimu llibru ¿por qué facer un llibru pa neños y neñes que xire al rodiu del mundu del fútbol?
Xurde Ferández: De neñu’l fútbol yera lo más importante de la mio vida xunto cola bicicleta que nun paraba de caminar tolos sábados lo que nun caminaba’l restu la selmana. Tolos díes depués de salir de clas pela mañana, depués de salir de clas pela tarde xuntábemonos dellos nuna cancha que teníemos mui cerca casa, enllena de peñes, pa pega-y pataes a un balón, pa suañar que yéremos xugadores del Sporting.
David Ferández: Pásame un poco lo mesmo. Cuando yera neñu too xiraba al rodiu del fútbol. Salíes de clas y namás pensabes en dir xugar a la pista de “Ojeda”. Nesi tiempu na tiesta namái había la posibilidá y el deséu de ser futbolista de mayor y en Candás, toos somos del Sporting.

Read Full Post »