Ariel y Berta tornen con una aventura nueva en Baker Street

Xurde Fernández torna con una segunda aventura protagonizada por Ariel y Berta, de nuevo con ilustraciones de David G. Ferrero, editáu por Trabe.

N’Ariel y Berta en Baker Street, Ariel y Berta y otros rapacinos y rapacines del institutu xuben per primer vez al avión pa dir pa Inglaterra a un intercambiu escolar nun pueblu al sur de Londres. Van vivir en familia y facer amistaes nueves y sobre manera van facer lo que más-yos gusta: Ariel xubir a la noria y Berta conocer la casa del famosu detective Sherlock Holmes. ¡Qué viaxe tan prestosu!

(de Formientu, 25-01-2021)

Read Full Post »

Los mellizos Abel y Berta van pa Ponga durante la Navidá

Una de les novedaes pa la reciella que nos dexa 2019 ye la nueva aventura d’Ariel y Berta. Ediciones Trabe publica esti llibru infantil ‘Ariel y Berta: van pa Ponga’, firmáu pol escritor candasín Xurde Fernández. El volumen tien 116 páxines con ilustraciones a color obra de l’artista David G. Ferrero.

Nestes nueves páxines, Ariel y Berta, los dos mellizos que va un tiempu yá foron protagonistes d’otra aventura pel Cabu Peñes, van de visita al conceyu Ponga, acompañaos pol padre, la madre y la güela, durante la Navidá. Nesti conceyu oriental asitiáu ente montes, atopen la ñeve y tamién una de les tradiciones más guapes d’Asturies: el Guirria qu’apaez cola llegada del añu nuevu.

Read Full Post »

‘Cúntame un cuentu’, dieciocho histories que sirven de “ferramientes educatives pa centros y biblioteques”

Esti xueves inauguróse n’Avilés la VI Feria del Libru y el Discu n’Asturianu cola presentación de ‘Cúntame un cuentu’ y ‘Cúntame un conto’, llibros conmemorativos de la XXXIX Selmana de les Lletres Asturianes. Éstos recueyen dieciocho histories pa poder emplegar como “ferramientes educatives” pa la reciella.

Otros tantos escritores y dibuxantes participen de manera desinteresada nesta iniciativa que busca ser “un termómetru del estáu de la nuesa lliteratura dedicada a la xente mozo; un llibru qu’amosare la cantidá y la calidá de los nuesos autores y de los y les ilustradores d’Asturies”, esplicó Chechu García Fernández, xefe de serviciu de Planificación Llingüística y Normalización. Ésti divídise en dos partes, una dedicada a los más neños y otra a los más mozos, yá que la edición d’esti añu de la Selmana tien como exa central la lliteratura infantil y xuvenil.

Read Full Post »