Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.
Posts Tagged ‘David Varela’
Les Escueles Infantiles d’Avilés celebren el Día del Idioma Maternu para promocionar la llingua asturiana
Posted in Ansino / Educación, Avilés, Lhiteratura / Lliteratura, Música, Política lhenguística / Política llingüística, tagged Ana Morán, David Varela, EEI El Quirinal, EEI La Madalena, EEI La Toba, Nuria Delmiro on Febreiro 18, 2020| Leave a Comment »
Les trés Escueles d’Educación Infantil d’Avilés van acoyer esta selmana delles actividaes pa la reconocencia y divulgación de la llingua asturiana con motivu del Día del Idioma Maternu, que va ser esti vienres 21 de febreru, según confirmó’l consistoriu avilesín en nota de prensa esti llunes.
El programa inclúi sesiones de bebecuentos con Ana Morán y música con David Varela. Amás va desenvolvese la entrega del tercer xuegu de ‘Xugamos pa deprender. La cara’, dedicáu anguaño al cuerpu humanu.
Los bebecuentos y la música desenvolviéronse esti llunes nel EEI El Quirinal, esti martes na de La Madalena y esti miércoles na de La Toba. Esti martes a les 9.30 hores, la conceyala de Educación Nuria Delmiro, va participar na escuelina de La Madalena na entrega y repartu del material editáu anguaño, que tamién van recibir en La Toba y El Quirinal.
(d’Europa Press, 17-02-2020)
Avilés celebra’l Día Internacional de la Llingua Materna con ‘bebecuentos’ n’asturianu
Posted in Ansino / Educación, Avilés, Lhiteratura / Lliteratura, Música, Política lhenguística / Política llingüística, tagged Ana Morán, David Varela, EEI El Quirinal, EEI La Magdalena, EEI La Toba, Estaya de la Llingua d’Avilés on Febreiro 22, 2019| Leave a Comment »
Avilés vuelve a tar una añu más nos actos de celebración del Día Internacional de la Llingua Materna, que cada 21 de febreru se festexa en tol mundu pa reivindicar los derechos etnollingüísticos de los pueblos. La Estaya de la Llingua, xunto cola conceyalía d’Educación, organizó tres sesiones de bebecuentos musicales n’asturianu, p’alumnáu de 0 a 3 años nes tres Escueles d’Educación Infantil del Conceyu: La Madalena, La Toba y El Quirinal.
L’actriz Ana Morán y el músicu David Varela van encargase de representar un cuentu musical n’asturianu entituláu ‘Calcetos’. Van facelo en tres sesiones que se van entamar el xueves 21 de febreru na EEI La Madalena, a les 9.45 hores. La segunda sesión ye esi mesmu día na EEI La Toba, dende les 10.45 hores. Pa terminar, el vienres 22 llegará’l turnu pal alumnáu de le EEI El Quirinal, onde lo van pasar mui bien a partir de les 10.30 hores.
El Día Internacional de la Llingua Materna celébrase dende l’añu 2000, cuando la UNESCO escoyó’l 21 de febreru como fecha pa reivindicar los derechos etnollingüísticos de los pueblos de tol mundu.
(d’Europa Press, 20-02-2019)
La llingua más versátil
Posted in Avilés, Lhiteratura / Lliteratura, Música, tagged Alicia Álvarez, David Varela, Estaya de la Llingua d’Avilés, Higiénico Papel, Olga Cuervo, Reciella on Febreiro 4, 2019| Leave a Comment »
T. C.
Los más pequeños aprenden llingua asturiana en Avilés con canciones, cuentacuentos y teatro. La Reciella de la Factoría Cultural, una actividad que organiza el área de Cultura a través de la Estaya de la Llingua, comenzó ayer la programación de 2019 con el concierto “Bestiariu”, con los músicos Alicia Álvarez, cantante y guitarrista de “Pauline en la playa”, y David Varela, músico “La bandina” o “El koku la mazana”.
El objetivo de la Reciella es acercar y normalizar el uso del asturiano de una forma lúdica entre la infancia y el público familiar. La próxima cita será el 15 de marzo, con la cuentacuentos Ana Morán y sus historias con “No quiero ser princesa”. Comenzará a las 19.00 horas y, como en todos los casos, está destinado a un público de entre 3 y 10 años y la entrada es libre y gratuita hasta completar el aforo.
“La xente avérase muncho al asturianu pola música”
Posted in Ansino / Educación, Antrebistas / Entrevistes, Asturies, Música, tagged Anabel Santiago, David Varela, La Bandina, La Bonturné, Lliberdón, Marisa Valle Roso, Olga Cuervo, Pop Piquiñín on Outubre 16, 2018| Leave a Comment »
XAUME MARTÍNEZ
Anque la xente lu conoz principalmente pola curdión, cola que percuerre de magar munchos años los escenarios d’Asturies, ello ye que David Varela (Xixón, 1975) fai munches más coses: toca un bon garrapiellu d’instrumentos; ye mayestru de música en Tinéu, Nava, Cangas del Narcea, Llaviana y Xixón; foi componente de bandes de gaites y grupos folk como Lliberdón, La Bandina o, anguaño, La Bonturné, y tien acompañao a artistes como Anabel Santiago o Marisa Valle Roso. Falemos con elli d’educación musical, del papel de la llingua na enseñanza y de tocar música pa nenos.
Esti día falábemos de la importancia de la tresmisión xeneracional pal caltenimientu de l’asturianu. Nel so casu, la familia foi decisiva nel empiezu, ¿non?
Yo en casa tengo un hermanu gaiteru, asina que crecí cola gaita. Entamé col tambor y hasta güei. Los primeros años nun me dediqué profesionalmente a la música (personalmente, siempres) pero anguaño ye la mio actividá profesional tamién.
Pop Piquiñín interpreta ‘¡Espoxiga!’, el cantar del VI Día de la Reciella
Posted in Asturies, Música, tagged David Guardado, David Varela, Pablo A. Quiroga, Petit Pop, Pop Piquiñín, Reciella. Families pol Asturianu, Skama la Rede on Júnio 13, 2018| Leave a Comment »
El 7 d’ochobre va celebrase’l VI Día de la Reciella. Nesta ocasión el lema del eventu ye ‘¡Espoxiga!’, nome tamién del cantar que promociona esta xornada de diversión n’asturianu en familia, qu’interpreta Pop Piquiñín, Petit Pop cantando n’asturianu, y qu’Asturies.com ufre güei en versión karaoke.
Ésti ye’l tercer añu nel que ‘Reciella. Families pol Asturianu’ apuesta por ellaborar un tema pa fomentar l’usu de la llingua asturiana, sirvir de material de trabayu na escuela y, al empar, promover la participación nesta cita que tien como sede’l Muséu del Pueblu d’Asturies el primer domingu d’ochobre. Primero foi Skama la Rede con ‘Entaína’, llueu David Varela con ‘N’asturianu, sumes’ y agora Pop Piquiñín con ‘¡Espoxiga!’, que pronto va contar con un videu realizáu por Pablo A. Quiroga y que dende l’asociación de families esperen que seya “ún de los temes del branu”.
L’ociu y el deporte van protagonizar una xornada familiar col asturianu como llingua vehicular nel Día de la Reciella
Posted in Asturies, Comunicación /Comunicaçon, Derechos llingüísticos / Dreitos lhenguísticos, Lhiteratura / Lliteratura, Música, Xixón, tagged Ana Montserrat López Moro, CuatroGotes, David Varela, Ecoasturias, El Rellugu, Esbilla, Gijón Rugby Club, La Fabriquina, Martín Peña Alba, Miguel Fernandi, Nacho Fonseca, Nacio González, Ramón Matilla, Reciella, Universidad de Oviedo on Setembre 29, 2017| Leave a Comment »
Yá ta too preparao pa la celebración del V Día de la Reciella esti domingu nel Pueblu d’Asturies. L’ociu y el deporte, principalmente cola II Entaína, protagonicen una xornada en familia con más d’una docena d’actividaes col asturianu como llingua vehicular.
La sala de conferencies del xixonés Centru de Cultura Antigüu Institutu acoyó la presentación ayeri del programa completu d’esta edición del Día de la Reciella, actividá qu’entama ‘Reciella. Families pol Asturianu’. “La intención del Día de la Reciella ye tener una xornada d’ociu familiar y convivencia nel que la llingua asturiana sía vehicular; que nun sía protagonista más allá de ser el vehículu de comunicación”, apuntó’l miembru del coleutivu, que destacó l’aumentu d’actividaes d’ociu y deporte y la intención de “ampliar y ameyorar” lo fecho n’años anteriores.
Reciella presenta’l so cuartu festival infantil d’artes escéniques de Navidá
Posted in Asturies, Lhiteratura / Lliteratura, Música, Xixón, tagged Alicia Álvarez, Alicia Varela, David Varela, Hixénicu Papel, Nun Tris, Olga Cuervo, Reciella on Dezembre 17, 2016| Leave a Comment »
L’asociación Reciella presentó la programación de la cuarta edición de ‘Escenines’, el festival infantil de teatru y artes escéniques que cada añu entama coincidiendo coles vacaciones de Navidá.
Van ser un total de trés obres y dos conciertos representaos nesta ocasión nos dos escenarios dispuestos, unu nel Centru Cultural Antiguu Institutu y otru nel salón d’actos del Colexu Públicu Xovellanos, dambos en Xixón.
Les actividaes van dar entamu’l día 26, a les 12.00 hores, nel CP Jovellanos, cola celebración de la segunda edición de ‘Bestiariu’, que va valir pa presentar el CD del mesmu nome, nel que 12 grupos de música canten cantares infantiles n’asturianu. Van participar miembros de los conxuntos implicaos nel proyectu y les actuciones van tener a los animales como filu conductor.
Tierra alantre, la mesma fala 