Feeds:
Antradas
Comentairos

Posts Tagged ‘del’

La Conseyería de Cultura y Turismu, aprobó la convocatoria del “Premiu al Meyor Cantar” en llingua asturiana o gallegu-asturianu. A esta convocatoria van poder presentase los músicos, a títulu individual o dientro de grupos, que comercializaren dalgún cantar orixinal de cualesquier xéneru a lo llargo del añu 2010, quedando escluyíes les pieces tradicionales yá esistentes, les versiones o adaptaciones d’obres de creación publicaes orixinalmente n’otra llingua, y los cantares que nun fueren editaos y grabaos per primer vegada nel periodu referíu.

(more…)

Read Full Post »

Tres vecinos de Llangréu unviaron un comunicáu nel que se quexen de les nueves plaques indicatives del barriu de La H.uécara. Según denuncien los firmantes, el puntu ortográficu d’esta grafía nun ta puestu debaxo de la h o depués d’ella, como aconseya l’Academia de la Llingua Asturiana, sinón que lu punxeron nos lletreros enriba la H inicial. Los denunciantes llamenten nel comunicáu la «inaceptable provocación consistente en xugar col asitiamientu d’esti puntu y con ello facer mofa d’esta norma ortográfica».

(more…)

Read Full Post »

El 4 d’avientu del 2010 publicóse nel Boletín Oficial del Principáu d’Asturies (disponible en http://www.asturias.es) el decretu 145/2010, de 24 de payares, pol que se determinen los topónimos oficiales del conceyu d’Avilés. El decretu pue descargase tamién na sección Toponimia d’esta páxina web.

Col conceyu avilesín, son yá 48 los conceyos que remataron el procesu de recuperación y fixación de la toponimia tradicional asturiana; otros quince conceyos más entamaron el procesu, alcontrándose según el casu, en distintes fases del mesmu.+

ANEXU: Decreto 145/2010, 24 de noviembre, por el que se determinan los topónimos oficiales del Concejo de Avilés.

(de la Dirección Xeneral de Política Llingüística, 10-12-2010)

Read Full Post »

Na reunión del miércoles 24 de payares, el Conseyu de Gobiernu aprobó’l decretu pol que se determinen los topónimos tradicionales del conceyu d’Avilés, el tercer conceyu asturianu no tocante a númberu d’habitantes. Cola so aprobación, son yá cuarenta y ocho los conceyos asturianos que van tener los sos topónimos tradicionales oficializaos, ventiséis d’ellos nesta llexislatura. El procesu de revisión toponímica ye necesariamente llargu y exhaustivu. Entámase a pitición de los propios ayuntamientos, y cuenta cola participación abierta de los partíos políticos con representación municipal, los colectivos de vecinos, les asociaciones de la zona, l’Academia de la Llingua Asturiana, el Real Instituto de Estudios Asturianos y la Universidá d’Uviéu, mesmo qu’investigadores, encuestadores y espertos en toponimia. Toos ellos collaboren nun procesu sistemáticu y rigurosu, trabayando, debatiendo y revisando les formes toponímiques hasta alcanzar alcuerdos y soluciones de consensu. A les resultes d’esti trabayu conxuntu, son casique 15.000 los topónimos tradicionales recuperaos desque en mayu del 2005 se publicaren nel Boletín Oficial del Principado de Asturias los primeros decretos d’oficialización toponímica. Na actualidá, otros 15 conceyos más tienen abiertu’l so espediente, alcontrándose en distintes fases de tramitación.

(de la Dirección Xeneral de Política Llingüística, 25-11-2010)

Read Full Post »

Güei, 14 d’ochobre del 2010, publicáronse nel BOPA les resoluciones de la Conseyería de Cultura y Turismu del Principáu d’Asturies pola que se conceden y denieguen subvenciones p’actividaes d’asociaciones y d’empreses privaes pa la normalización del asturianu o del gallego-asturianu.

ANEXU 1: Resolución de la convocatoria d’asociaciones.

ANEXU 2: Resolución de la convocatoria d’empreses.

(de la Dirección Xeneral de Política Llingüística, 14-10-2010)

Read Full Post »

Del 25 d’ochobre al 2 d’avientu, el Serviciu de Normalización L.lingüística de Cangas del Narcea organiza un cursu d’asturianu, que va impartise tolops llunes, miércoles y xueves, n’horariu de 18 a 20 hores, sumando en total 36 hores lectives.

La matrícula pue facese hasta’l día 22 d’ochobre, bien presencialmente, na Casa Cultura Palaciu d’Oumaña, La Plaza la Oliva, e/n; bien per teléfonu nel 985 81 26 17 o 985 81 70 89, n’horariu de 10 a 13:30.

(d’Asturnews, 30-09-2010)

Read Full Post »

La Oficina Municipal de la Llingua del Conceyu de Xixón ta acabante editar l’axenda escolar pal presente cursu 2010-2011. Ésta tien unes característiques especiales adaptaes a la so finalidá, como por exemplu principiar en setiembre y acabar nel mes de xunu (periodu escolar), o secciones dedicaes al horariu escolar, al calandariu d’exámenes, a les feches importantes o a les salíes estraescolares.

(more…)

Read Full Post »

Güei, 19 d’agostu del 2010, publícase nel BOPA la resolución de la Conseyería de Cultura y Turismu del Principáu d’Asturies pola que se conceden y denieguen subvenciones pal fomentu de la traducción y/o edición n’otres llingües d’obres escrites orixinalmente n’asturianu o en gallego-asturianu.

ANEXU: Resolución de subvenciones pal fomentu de la traducción y/o edición n’otres llingües d’obres escrites orixinalmente n’asturianu o en gallego-asturianu.

(de la Dirección Xeneral de Política Llingüística, 19-08-2010)

Read Full Post »

Güei, 13 d’agostu del 2010, publícase nel BOPA la resolución de la Conseyería de Cultura y Turismu pola que se conceden y denieguen subvenciones pa la promoción del llibru n’asturianu y en gallego-asturianu.

ANEXU: Resolución de subvenciones pa la promoción del llibru n’asturianu y en gallego-asturianu.

(de la Dirección Xeneral de Política Llingüística, 13-08-2010)

Read Full Post »

Güei, 12 d’agostu del 2010, publícase nel BOPA la resolución de la Conseyería de Cultura y Turismu pola que se conceden y denieguen subvenciones a entidaes locales pa la normalización social del asturianu y del gallego-asturianu.

ANEXU: Resolución de subvenciones a entidaes locales pa la normalización social del asturianu y del gallego-asturianu.

(de la Dirección Xeneral de Política Llingüística, 12-08-2010)

Read Full Post »

« Newer Posts - Older Posts »