Iniciativa denuncia que na Comisaría d’El Natahoyo impidieron a un ciudadanu poner nel so DNI la toponimia oficial

Iniciativa pol Asturianu denunció esti miércoles que na Comisaría de la Policía Nacional d’El Natahoyo, en Xixón, impidieron a un ciudadanu recoyer nel so DNI la toponimia oficial del so llugar de residencia –Les Vegues, en Corvera, con toponimia oficial dende 2007–.

Al traviés de nota de prensa, l’asociación indicó que la funcionaria denegó esti derechu porque’l sistema namás almite la forma ‘Las Vegas’. Por eso, el ciudadanu presentó un certificáu del Institutu Nacional d’Estadística y tamién d’empadronamientu col topónimu ‘Les Vegues’.

Read Full Post »

La XDLA pide a la delegada del Gobiernu nueva que respete la llingua y l’autonomía municipal

La Xunta pola defensa de la Llingua (XDLA) vieno acbante pidir nuna nota de prensa asoleyada esti vienres que la delegada del Gobiernu nueva respete la llingua asturiana y l’autonomía municipal y faiga les xestiones necesaries pa que les instituciones estatales respeten la toponimia oficial asturiana.

La Xunta pola Defensa de la Llingua Asturiana (XDLA) quier felicitar a la delegada nueva del Gobiernu n’Asturies, Delia Losa, pol so nomamientu, al empar que-y solicita que ponga fin a los ataques que dende la entidá qu’agora va encabezar s’entamaron contra’l nuestru patrimoniu llingüísticu.

Read Full Post »

La Delegación del Gobierno insta a Bimenes a anular la ordenanza del asturiano

MANUEL NOVAL MORO

La Delegación del Gobierno en Asturias ha instado al Ayuntamiento de Bimenes a anular el acuerdo plenario que aprobó la ordenanza municipal de uso de la lengua asturiana, y a dejar sin efecto la norma. Sin embargo, el alcalde, el asturianista Aitor García, ha contestado a la Delegación con un escrito en el que sostiene que no procede atender al requerimiento, ya que “la ordenanza cuestionada se ajusta plenamente al ordenamiento vigente”.

Uno de los principales argumentos del municipio es que en ningún lugar se señala que el asturiano sea oficial o cooficial, sino que se habla de “lengua propia”, una noción que se aplica a un idioma que se ha formado históricamente en un territorio. Ser lengua propia no le confiere al asturiano ningún estatus jurídico específico, en contraste con la lengua castellana.

El regidor se muestra “sorprendido con este nuevo intento por parte de algunos ámbitos políticos de aniquilar el idioma asturiano”, y recuerda que “una lengua no tiene ideología ni pertenece a ningún partido político”.

(de La Nueva España, 10-11-2017)

Read Full Post »

Delegación de Gobiernu deniega’l permisu pa celebrar la ‘I Carrera pola Oficialidá’

La Delegacion del Gobiernu n’Asturies deniega’l permisu pa la celebración de la I Carrera pola Oficialidá, que taba organizada pola Xunta pola Defensa de la Llingua Asturiana (XDLA) y que se diba celebrar esti sábadu 14 d’ochobre en Bimenes. Por eso, la XDLA señala que se ven “obligaos” a suspendela.

Al traviés d’una entrada na páxina de Facebook de la carrera, l’asociación cultural muestra la carta de la Xefatura Provincial de Tráficu n’Asturies onde s’afirma que la carrera coincide con otres dos pruebes deportives “dalgo que merma significativamente los servicios ordinarios de vixilancia y cometíos de l’Agrupación de Tráficu de la Guardia Civil”.

Read Full Post »

El Pegollu de la XDLA ye pa la empresa Reteyaores

PABLO R. GUARDADO

La Xunta pola Defensa de la Llingua Asturiana (XDLA) dio a conocer esti miércoles los ganadores de los XXXII Premios Andrés Solar. La empresa Reteyaores lleva’l Pegollu, mentes que la estaya negativa, el Madreñazu, ye pa la Delegación del Gobiernu estatal n’Asturies na persona de Gabino de Lorenzo.

Un xuráu encargóse de seleicionar a los merecedores de los XXXII Premios Andrés Solar ente toles candidatures presentaes. El Pegollu, el gallardón que reconoz a una entidá o persona que rescamplara pol so llabor en defensa o promoción del asturianu, recayó nesta ocasión en Reteyaores, “empresa del sector de la construcción que vien llevando alantre’l so llabor con especial procuru nel tratamientu y usu del asturianu en tolos soportes comerciales y sociales que manexa”. La firma con sede en Sariegu asocede nel palmarés a Sidra L’Allume.

Read Full Post »

Delegación del Gobiernu da marcha atrás con respeuto a les ordenances d’asturianu de Noreña

PABLO R. GUARDADO

Les conversaciones ente’l Conceyu de Noreña y Delegación del Gobiernu estatal n’Asturies llegaron a bon puertu y les ordenances d’asturianu nun van atopa más pilancos. En xunetu llegara a la Casa Conceyu un requerimientu p’anular el Plenu del 28 d’abril que les aprobaren al entender que’l testu entrepasaba les competencies municipales.

“La Delegación del Gobiernu español n’Asturies tien asegurao a esti consistoriu que, a lo último, nun va presentar recursu énte’l nuestru alcuerdu plenariu d’aprobación de les mencionaes ordenances. Apoyaos nesta palabra, la ordenanza acaba salir publicada nel BOPA”, apunta l’Ayuntamientu nun comunicáu nel que destaca que “nunca compartimos” los argumentos utilizaos pa tratar de torgar el documentu.

Read Full Post »

La Abogacía del Estado recurre ante los tribunales el plan lingüístico de Carreño

PEPE G.-PUMARINO

La Delegación del Gobierno en Asturias ha comunicado al Ayuntamiento de Carreño la presentación de un recurso contencioso-administrativo contra el Plan Municipal de Normalización Lingüística. La intervención de la Abogacía del Estado se produce tras la denuncia remitida por el grupo municipal del Partido Popular de Carreño. Los populares calificaron entonces dicho programa de «intervencionista y perjudicial para los intereses de los vecinos». Por ello, los propios conservadores presentaron también un recurso contra el proyecto lingüístico.

Por su lado, el gobierno socialista local «ratificó» su legalidad al amparo de los informes jurídicos emitidos por la Consejería de Educación y Cultura y los servicios jurídicos locales. En ambos casos se concluía que el mencionado plan «es conforme a derecho».

Read Full Post »

Xunta Pola concéntrase ante Delegación de Gobiernu frente a los “ataques a los derechos llingüísticos”

Militantes y simpatizantes de la Xunta Pola Defensa de la Llingua Asturiana, encabezaos pola ‘Pita’, personaxe alegóricu de la reivindicación d’oficialidá del asturianu, concentráronse esti llunes ante Delegación de Gobierno para mostrar el so refugu a los “ataques a los derechos llingüísticos”, tres l’anulación de la ordenanza d’usu del asturianu nel Conceyu de Noreña.

La Xunta denuncia nun comunicáu que la carta na que’l delegáu, Gabino de Lorenzo, remitió al al Conceyu de Noreña pa qu’anule la ordenanza d’usu del asturianu inclúise “una argumentación tautolóxica y falsera que niega que l’asturianu pueda usase con normalidá pol Conceyu y los sos ciudadanos y ciudadanes por nun ser oficial, cuando otres veces afirma que nun pue ser oficial hasta que nun s’use con normalidá”.

Read Full Post »

LA XPDLA considera que la Delegación del Gobiernu quier desaniciar los pocos avances na normalización

La Delegación del Gobiernu español n’Asturies, a instancies de los conceyales del PP de Carreño, acaba de pidir a esti Conceyu qu’anule’l Plan de Normalización Llingüística qu’aprobó nel mes de xineru pasáu y darréu d’ello la Xunta pola Defensa de la Llingua camienta que lo que quier ye desaniciar los pocos avances que se llograren na normalización social.

Básase pa eso, sigún diz nuna nota de prensa, “nun informe xurídicu disparatáu que l’actual delegáu en funciones, Gabino de Lorenzo, encargó a una dirección xeneral del Ministeriu de Facienda y Alministraciones Públiques que tien como función la fiscalización y xestión financiera de les propies Delegaciones”. Ye un testu deliriante pala Xunta y “ridículu no alministrativo y no xurídico, que busca fundamentos onde nun hai. Hai que recordar qu’un Plan de Normalización ye un programa políticu y non una norma xurídica, polo que ye absurdo impugnalu”.

Read Full Post »

Iniciativa noma d’ataque a la autonomía los conceyos la decisión de Gabino de Lorenzo

La decisión de la Delegación del Gobiernu d’España n’Asturies d’anular el Plan de Normalización Llingüística de Carreño al traviés d’una orde al Conceyu na que-y reclama qu’eche atrás esti testu y los sos efectos nel plazu d’un mes, ye considera por Iniciativa pol Asturianu un ataque políticu contra l’asturianu llamentable.

Nuna nota de prensa asoleyada esti martes pela mañana, Iniciativa pol asturianu diz que “informaos d’esta situación per parte de l’alcaldesa de Carreño, Amelia Fernández López, nun podemos más que condergar esti ataque a l’autonomía de los conceyos pa establecer midíes de normalización del asturianu, tal y como afita la Llei d’Usu del asturianu de 1998. La llei diz nidiamente nel puntu 1 del Artículu 8 que “los ayuntamientos asturianos podrán adoptar les midíes necesaries p’asegurar la efectividá del exerciciu de los derechos llingüísticos qu’esta Llei otorga a los ciudadanos residentes n’Asturies” lo que dexa a les clares pala organización de defensa del idioma que la decisión de la Delegación del Gobiernu torga “la posibilidá de poner en marcha midíes, esactamente lo que se fai al traviés d’un plan de normalización como’l qu’agora quieren prohibir dende la Delegación dirixida por Gabino de Lorenzo”.

Read Full Post »