El Concursu de rellatos mineros Manuel Nevado Madrid yá tien ganadores

La XVI Edición del Concursu de rellatos mineros Manuel Nevado Madrid, convocáu pola Fundación Juan Muñiz Zapico de CCOO d’Asturies en 2019 yá tien premiaos y premiaes. Un añu más el concursu ye una referencia cultural, lliteraria y reivindicativa de la colectividá minera.

El certame sigue siendo un concursu únicu nel mundu pola so temática puramente minera en llingua asturiana y castellana. El xuráu tuvo compuestu pol catedráticu de lliteratura Benigno Delmiro Coto, presidente del mesmu. Al pie d’Ana María García García, Ángel Enrique Fernández González, Álvaro Granda Cañedo, Idoya Unzueta García, Eduardo Urdangaray y Antonio González Abúlez.

Read Full Post »

La revista Formientu asoleya’l so númberu 10

El próximu llunes, 16 d’abril de 2012, a les ocho la tarde, la revista Formientu, revista lliteraria qu’axunta la obra d’autores mozos n’asturianu, va presentar el so númberu 10, dempués de 5 años de camín andáu. L’actu va celebrase na sede de la Sociedad Cultural Gijonesa, asitiada nel númberu 4 de la Cai Balmonte de Miranda, en Xixón. Nel actu van intervenir, el director de la revista, Inaciu Galán, miembros del conseyu de redacción de la revista, y los autores qu’apaecen nesti númberu, dando llectura a los sos testos.

El primer númberu de Formientu presentóse nel añu 2006 tamién en Xixón, dende entós vienen participando na revista más de 60 autores, menores de 30 años y qu’usen l’asturianu nos sos testos. La revista ta abierta a autores mozos de tol dominiu llingüísticu asturlleonés, y yá espublizaron testos autores de Lleón o Zamora, amás de dalgunos descendientes d’asturianos n’otros estaos d’Europa y América.

Read Full Post »

Denis Soria gana’l primer premiu del XX Concursu de cuentos curtios El Garrapiellu

Esta selmana aconceyó’l xuráu del XX Concursu de Cuentos Curtios El Garrapiellu pa fallar los gallardonaos d’esta edición. Dempués d’aldericar en Xixón, llegóse al alcuerdu de declarar ganador al rellatu “La vengación”, que resultó ser de Denis Soria Fernández, un autor mozu ñacíu en Xixón en 1989. El primer premiu ta dotáu con 900 euros. El xuráu decidió, amás, dar un accésit de 300 euros al rellatu “Vae victis”, de Pablo Rodríguez Alonso, autor ñacíu en Xixón en 1979 y con delles publicaciones yá nel mercáu lliterariu.

El xuráu d’esta XX edición taba formáu pol académicu de la llingua Vicente García Oliva, pol escritor y ganador de la cabera edición Sergio Manuel Buelga Casas, pol escritor y editor Milio Rodríguez Cueto y pol escritor José Luis Rendueles.

Read Full Post »