Feeds:
Antradas
Comentairos

Posts Tagged ‘Día Internacional de la Llengua Materna’

El próximu vienres, 21 de febreiru de 2020, Día Internacional de la Llengua Materna, tendrá llugar a las 20,00 h. nel Ateneo Varillas (C/ Varillas 3, 2º D) de la ciudá de Llión la presentación del llibru La Fueya Rota y outros relatos, obra de Xairu López cona que la nuesa asociación inaugura Bardón, colección de narrativa llionesa, una nueva iniciativa cultural na qu’apostar pola prosa literaria en llengua llionesa.

La Fueya Rota y outros relatos, de Xairu López, ye un llibru qu’axunta ocho relatos escritos en llionés, ficciones que se mueven principalmente dientro de los xéneros del drama y el suspense y que se presentan mostrando la pluralidá lingüistica del nuesu idioma, a traviés de diversas variedades del mesmu cumo’l cabreirés, senabrés ou pal.luezu.

A lo llargo de la presentación intervendrán Pedro Moreno (editor, de la editorial leonesa Cultural Norte), Nicolás Bartolomé Pérez (prologuista) y Xairu López (autor).

(de Faceira, 10-02-2020)

Read Full Post »