Feeds:
Antradas
Comentairos

Posts Tagged ‘Dirección Xeneral de Política Llingüística’

La Conseyería de Cultura y Deporte, al traviés de la Dirección Xeneral de Política Llingüística, ta acabante convocar un añu más les actividaes l’Axenda Didáctica Escolar.

L’oxetivu d’estes actividaes vien siendo averar la lliteratura, el teatru y la música asturiana al públicu más mozu de la mano d’escritores, actores y músicos de l’actualidá asturiana. (more…)

Read Full Post »

DAMIÁN BARREIRO

El periodismu n’asturianu nos medios mayoritarios en castellanu surde gracies a les subvenciones del Gobiernu asturianu y a la voluntá de los profesiones que lleven alantre estos espacios, mentes que l’aparición de medios como Les Noticies supunxo un ámbitu de normalidá y llevar l’idioma a tolos xéneros periodísticos. Otra manera, la presencia de programes n’asturianu na TPA, anque curtia, valió pa mostrar la bona respuesta de l’audiencia. Estes foron dalgunes de les conclusiones de la mesa Medios de comunicación na sociedá de la información, entamada pola Xunta pola Defensa de la Llingua Asturiana (XDLA) esti 1 de febreru dientro del ciclu de conferencies pa revisar y actualizar los conteníos recoyíos nel Llibru blancu de la normalización llingüística n’Asturies. Ente les iniciatives periodístiques más valoraes polos ponentes, taben la esperiencia de Radio Sele, con 26 años nes ondes y 13 años tres d’una llicencia comercial, y Les Noticies, que nos momentos en que se celebraba la ponencia acababa y mandaba a imprenta’l so última númberu en papel. (more…)

Read Full Post »

Depués de la denuncia de la Xunta pola Defensa de la Llingua y la intervención de la Dirección Xeneral de Política Llingüística, la organización de la Vuelta Ciclista a España anunció que va utilizar la toponimia oficial d’Asturies nel so percorríu pel país.

Según el Gobiernu, la Dirección Xeneral de Política Llingüística púnxose en contactu cola dirección del eventu deportivu pa qu’use les denominaciones oficiales, «tal y como s’establez nos correspondientes Decretos d’oficialización toponímica y nel Mapa Topográficu Oficial d’Asturies, editáu nel 2010». (more…)

Read Full Post »

DAMIÁN BARREIRO

Emilio Marcos Vallaure, conseyeru de Cultura y Deporte, volvió usar esti 16 de xineru l’asturianu dientro de la Xunta Xeneral. Vallaure compareció nel Parllamentu pa esplicar xunto al so equipu la llei de presupuestos no que se refier al departamentu que dixire y utilizó l’idioma pa falar de les midíes de Política Llingüística. Otra manera, tamién usó de manera más breve’l gallego-asturianu, «por respetu a los 18 conceyos más occidentales». El presupuestu d’esti añu de la Dirección Xeneral de Política Llingüística ye de 2.135.034 euros, 675.525 menos que nel 2011, «un axuste que se va compensar col compromisu y la voluntá política de l’Alministración»

Según Vallaure, l’oxetivu ye’l desarrollu de la Llei d’Usu y, por eso, van impulsar l’apoyu a la normalización social nos sectores empresarial, institucional y cultural. Tamién faló de visibilizar l’idioma gracies a les actividaes entames pola propia Dirección Xeneral y l’impulsu de midíes polítiques «de costu cero». Ente estes midíes, señaló l’incrementu del usu del asturianu en RTPA, na propia Aliministración autonómica, nes denominaciones d’orixe, nos eventos deportivos, l’impulsu del reconocimientu de la Especialidá d’Asturianu pal profesoráu, la validación y usu de la toponimia o la eleboración del nomenclátor colos nomes de llugar recuperaos. (more…)

Read Full Post »

Inaciu Galán

Xune Elipe (Avilés, 1962) ye dende va 25 años el llíder del grupu Dixebra, ún de los pioneros del rock n’asturianu. Güei, vienres 6 de xineru fai esactamente 25 años que’l grupu s’axuntaba per primer vegada pa ensayar, n’Avilés, y n’Asturnews queremos sumanos a la celebración con una completa entrevista col so creador, un regalu a los nuesos llectores nel día de Reis, en forma d’Entrevista de la selmana. El grupu acaba d’asoleyar un discu mui especial tornando a los ésitos de la so carrera y prepara un añu de celebraciones. Elipe llánzase amás agora a una esperiencia empresarial nueva, con Goxe Producciones.

Dempués d’un cuartu de sieglu enriba los escenarios ¿nun cansa unu?
Yá lo diz el refrán: sarna con gustu… (rises) la verdá que non, siguimos con puxu y ánimu. Tovía nos entra cierto aforfuguín cuando xubimos al escenariu y eso ye bono porque caltién la tensión y nun dexa que cayamos na monotonía y l’aburrición. Paezme que la xente pue comprobalo de toes toes nos nuestros conciertos, qu’en toos estos años nun baxaron n’intensidá. (more…)

Read Full Post »

La Conseyería de Cultura y Deporte, al traviés de la so Dirección Xeneral de Política Llingüística, dispón d’un espaciu dedicáu a la llingua asturiana nel Salón pa la Infancia y la Mocedá Mercaplana 2011. Dende’l 25 d’avientu y hasta’l 4 de xineru, nel Pabellón 3 del Recintu Ferial Luis Adaro de Xixón, pue visitase la esposición Arroz, agua y maíz y disfrutar d’un programa d’actividaes alredor de la nuestra llingua.

La esposición básase nel llibru homónimu que, escritu por Berta Piñán y ilustráu por Elena Fernández, ganó la primer edición del Premiu María Josefa Canellada de Lliteratura Infantil y Xuvenil 2008, convocáu pola Conseyería de Cultura. Amás de visitar la esposición, los neños y neñes yá pudieron disfrutar de la cuentacuentos Olga Cuervo en Coses pa neños, que va volver esti xueves 29, el llunes 2 y el martes 3. Otra manera, el martes 27 y el vienres 30 van poder participar nel taller Xuega cola llingua, mentes que’l miércoles 28 y el miércoles 4 llega’l turnu del conciertu Villancicos, aguilandos y cantares navidiegos.

(de Les Noticies, 27-12-2011)

Read Full Post »

ARTURO ROMÁN

La Administración regional toma curiosas decisiones. Imagínense ustedes que, por necesidades laborales e interés personal, se matriculan en un curso de idiomas. Al término del curso, sus profesores les entregarán un pomposo diploma -si es de inglés, lleno de sellos y lazos, que en la pérfida Albión son muy pomposos- que dirá, en el idioma que tanto esfuerzo les ha costado dominar, que ustedes saben defenderse en él. Pues bien, en la Administración del Principado la cosa no funciona igual. Si al inicio de la legislatura el Gobierno, en sus circulares a los colegios, recuperaba el masculino genérico, ahora la Consejería de Cultura y Deporte ha decidido expedir los diplomas de sus cursos de Asturiano no utilizando la llingua, sino el castellano. (more…)

Read Full Post »

E. MONTES

Formalmente no fue más que una toma de contacto entre el rector de la Universidad de Oviedo y el director general de Politíca Lingüística, pero en realidad se trataba de un reencuentro entre viejos compañeros universitarios que actualmente desarrollan sus tareas en áreas diferentes. De hecho, era la primera vez que Alfredo Álvarez Menéndez entraba en el despacho rectoral en representación del Principado. «Fue un primer encuentro que se desarrolló en un clima muy cordial entre personas que ya se conocían», afirma Álvarez Menéndez, evocando sus días de profesor del departamento de Filología Española.

Y como las presentaciones no eran necesarias, los dos interlocutores se centraron en hablar de lo que Universidad y Principado tienen en común en relación con el asturiano. De momento, el primer paso a dar por la institución académica es el de proponer el nombre de su representante en la Junta Asesora de la Toponimia, dentro de la renovación del órgano tras las elecciones autonómicas. Al Principado le urge el nombramiento porque quiere «empezar ya a funcionar en la revisión o modificación de la toponimia asturiana que estamos llevando a cabo en colaboración con los ayuntamientos», señaló el director general. (more…)

Read Full Post »

PABLO R. GUARDADO

Tres cumplise 100 díes del nomamientu de conseyeros del Gobiernu nuevu, la Xunta pola Defensa de la Llingua Asturiana (XDLA) pide al Executivu que pase a los fechos col asturianu. Teme que les bones impresiones primeres sían fumu.

Nun comunicáu, el so voceru, Carlos Pulgar, recuerda que “yá tuvimos les oportunes entrevistes cola conseyera d’Educación y col direutor xeneral de Política Llingüística, responsables direutos del enseñu y de la normalización social de la llingua asturiana, pa tresmiti-yos les nuestres demandes pa facer frente a la situación actual de marxinación y falta de derechos”. Tres estos aconceyamientos, les impresiones de los responsables del coleutivo “foron relativamente positives”, anque Pulgar asegura que “nestes feches”, tres pasar cien díes del nomamientu de los conseyeros, “ta caducando aquel marxe d’enfotu y queremos empezar a ver midíes y fechos concretos que confirmen qu’aquelles impresiones primeres nun yeren namás fumu”. (more…)

Read Full Post »

A falta d’unos meses pa que s’inaugure l’enllaz ente l’Autovía Minera AS-I y l’A-64 n’El Berrón yá se pue comprobar que la señalización nun va respetar les formes oficiales de los topónimos. Nos lletreros, anque tán tovía por desenvolver, yá se puen ver formes como «Langreo», «Gijón», «Gargantada», etc., que yá nun son oficiales, dalgunes d’elles, dende dende hai once años.

La directora xeneral de Política Llingüística del Gobiernu anterior, Consuelo Vega, en declaraciones feches a Les Noticies, destacara la coordinación ente’l so departamentu y el Ministeriu de Fomentu –responsable de les obres– pa qu’en tola señalización dependiente del Gobiernu del Estáu se siguiera la toponimia yá oficializada. (more…)

Read Full Post »

« Newer Posts - Older Posts »