Feeds:
Antradas
Comentairos

Posts Tagged ‘Dirección Xeneral d\’Ordenación del Territoriu y Urbanismu del Principáu d\’Asturies’

El director xeneral de Política Llingüística, Alfredo Álvarez, presentó’l xueves 17 de mayu, xunto al director xeneral d’Ordenación del Territoriu y Urbanismu, José Miguel García Arias, el Nomenclátor Geográfico de la Toponimia Oficial del Principado de Asturias. Esta ferramienta, desarrollada pol Centru de Cartografía y técnicos de la Dirección Xeneral de Política Llingüística, va permitir la catalogación, cartografiáu y xerarquización de los nomes oficiales d’entidaes de población según consten nos decretos d’oficialización aprobaos pol Conseyu de Gobiernu y publicaos nel BOPA. El Nomenclátor yá ta accesible na páxina web del Gobiernu d’Asturies, anque, de momentu, namás que tán disponibles los topónimos del conceyu de Xixón.

Según esplicó Alfredo Álvarez na presentación, el nomenclátor respuende al compromisu anunciáu por él mesmu na Comisión de Presupuestos de la Xunta Xeneral d’«impulsar les midíes de costu cero» y aprovechar los recursos propios de l’Alministración asturiana, nesti casu, el trabayu de los técnicos de la Xunta Asesora de Toponimia y del Centru de Cartografía. El responsable de Política Llingüística esplicó qu’esta ferramienta tien una función doble: per un llau, pemitir a los técnicos responsables de la encuestación toponímica introducir los datos sociollingüísticos y cartográficos de cada topónimu oficial y, pero otru llau, valir d’instrumentu de consulta pa que tolos usuarios accedan de manera rápida y efectiva a la toponimia oficial d’Asturies. (more…)

Read Full Post »

El director xeneral de Política Llingüística, Alfredo Álvarez Menéndez, va presentar la próxima selmana’l Nomenclátor Xeográficu de la Toponimia Oficial d’Asturies’, un instrumentu creáu en collaboración col Centru de Cartografía dependiente de la Dirección Xeneral d’Ordenación del Territoriu y Urbanismu, col doble propósitu de facer posible, de primeres, la encuestación y cartografiáu de la toponimia asturiana y, de segundes, l’accesu fácil y rápido de tolos usuarios a los nomes oficiales de les entidaes de población d’Asturies.

Según informó nuna nota prensa la Conseyería de Cultura, Alfredo Álvarez informó sobre les novedaes del Nomenclátor a la Xunta Asesora de Toponimia (XAT) Asturiana en dos reuniones nes que tamién se debatió la solicitú llegada dende’l Conceyu de Carreño de revisión de los nomes de Quimarán, El Pieloru y El Riistru establecíos como formes oficiales pol Decretu 30/2005, de 21 d’abril. Finalmente acordóse treslladar al mentáu conceyu les siguientes propuestes: Quimarán/Guimarán, El Pieloro/Piedeloro, El Riestru, al entender que toes elles son formes tradicionales y vives ente los vecinos d’estes poblaciones. (more…)

Read Full Post »

La directora xeneral de Política Llingüística, Consuelo Vega Díaz, y el director xeneral d’Ordenación del Territoriu y Urbanismu, Guillermo Morales Matos, presentaron el mapa d’Asturies escala 1:200.000 y el material de difusión de la toponimia tradicional oficial de los conceyos d’Avilés, Ponga, Quirós, Ribeseya, Samartín d’Ozcos, Santalla d’Ozcos, Taramundi, Teberga y Vilanova d’Ozcos.

El mapa d’Asturies 1:200.000 que presentaron vien a sustituír el mapa actual «d’hai más de venti años», destacó Guillermo Morales. El documentu recueye la toponimia tradicional de los 49 conceyos que yá la tienen aprobada y de los que tienen los nomes populares propuestos cola información que se tien anguño. Amás, el director d’Ordenación del Territoriu especificó «que’l mapa nuevu pue actualizase nel intre gracies a les tecnoloxíes nueves». El mapa tamién recueye bayura de toponimia menor con información inédita d’hidrónimos, orónimos y talasónimos, quier dicise, topónimos de los fondos marinos, caladeros y l’agua superficial. Morales Matos afirmó qu’«el mapa tien que salir enantes del día 28» del mes de marzu y especificó que va distribuíse «nes cases conceyu, nes instituciones y particulares qu’asina lu soliciten».

(more…)

Read Full Post »