Réquiem

Réquiem
Elías Veiga
Impronta
76 páxs.
///

Con una propuesta temática y estética inédita dientro de la poesía asturiana, Elías Veiga constrúi una parábola emocionante alrodiu la figura del llobu, ser llexendariu qu’habita l’alma de la clandestinidá. Un poemariu conceptual con un ritmu y un tonu que nun fai concesiones, «un tiru a bocaxarru na cara la conciencia», en pallabres del propiu autor. A la fin, un poemariu sobre la condición y la naturaleza humanes. Réquiem ye un trabayu de madurez d’un de los poetes imprescindibles y con mayor personalidá de les lletres asturianes d’anguaño.

Read Full Post »

La industria editorial n’asturianu prevé publicar 34 novedaes nel 2022, onde destaquen les traducciones

Les editoriales asturianes van publicar nel 2022 un total de 34 novedaes, ente les que destaquen les traducciones de grandes noveles de la lliteratura universal, como ‘Roméu y Xulieta’ de Willian Shakespeare o ‘Les dos torres’ de Tolkien. Amás, tamién hai obres que tovía nun tán publicaes en castellanu, como ‘Guillem’, de la catalana Núria Cadenes.

Son un total de 34 novedaes de siete editoriales que van recibir ayudes del Gobiernu d’Asturies pa la promoción del llibru n’asturianu y en gallego-asturianu, yá sía pa obres orixinales o traducíos d’otres llingües.

Read Full Post »

Armando Gutiérrez, Raquel F. Menéndez y Marcos Martínez Fernández ganen el premiu de cuentos curtios de Cangas

El XVI Concursu de cuentos curtios del conceyu Cangas yá tien ganadores. El primer premiu na categoría n’asturianu occidental foi pal cuentu El picadoiru, de Raquel F. Menéndez y Marcos Martínez Fernández y el primer premiu n’asturianu normativu foi pal cuentu El frutu de la pasión, del escritor llionés Armando Gutiérrez Rodríguez.

El xuráu tuvo formáu polos escritores Elías Veiga y Laura Marcos, la filóloga Marta López y la responsable del Serviciu de Normalización Ḷḷingüística de Cangas, Mónica Rodríguez.

Read Full Post »

Xaime Martínez y Xabiero Cayarga son Premios de la Crítica 2018 poles sos obres n’asturianu

L’Asociación d’Escritores d’Asturies (AEA) ta acabante faer públicos los Premios de la Crítica que concede cada añu, y na categoría d’obres n’asturianu resultaron ganadores Xaime Martínez, pol so poemariu Hibernia y Xabiero Cayarga por El cuentu atrás.

De la obra de Martínez el xuráu destacó “la construcción clásica, el rigor formal y la frescura llingüística de la misma”, mientres que de la de Cayarga quixeron da-y relevancia “al llinguaxe cercanu y coloquial amás de la narración en distintes y múltiples rexistros. Una narrativa caltriante, atenta a los detalles y que s’enfusa na singularidá del mundu individual frente a la realidá cotidiana y globalizada”.

Read Full Post »

Paco Álvarez y Veiga reciben esti vienres los XVII Premios de la Crítica

L’Asociación d’Escritores d’Asturies entrega esti vienres n’Uviéu los XVII Premios de la Crítica y el XII Premiu de les Lletres d’Asturies. El ganador na estaya de novela n’asturianu foi Francisco ‘Paco’ Álvarez, mentes que na de poesía resultó gallardonáu Elías Veiga.

La esitosa ‘Lluvia d’agostu’ (Hoja de Lata), que se tornó tamién al castellanu, foi escoyida meyor novela del añu 2016. El xuráu conformáu por Mirta Chamorro, Vicente García Oliva –ganador de la edición pasada con ‘La vida de siempre’– y Xosé Ramón Iglesias Cueva, con José Marcelino García Fernández-Luanco como secretariu, decidió por unanimidá conceder esti premiu a la obra d’Álvarez sobre la vida del anarquista José Buenaventura Durruti, destacando d’ella la presencia “de dellos xéneros lliterarios ( biografía, novela negra, historia, llirismu…), toos ellos maxistralmente trataos y mui bien documentaos, lo que faen de ‘Lluvia d’agostu’ una novela enllena d’intensidá personal”.

Read Full Post »

Los escolares del Suroccidente presenten 132 trabayos al certame lliterariu n’asturianu ‘Cesar Feito’

El concursu lliterariu ‘Cesar Feito’, qu’entama’l Conceyu de Cangas tolos años contó esti añu cola participación de centros educativos de Tinéu y d’Ayande. En total, presentáronse 132 trabayos a esti certame n’asturianu que busca promocionar la creatividá lliteraria y artísticA ente los neños y adolescentes menores de 16 años.

El Xuráu, formáu pola filóloga Mónica Rodríguez Riesgo y los escritores Ignaciu Llope y Elías Veiga, alcordó conceder trés premios por categoría y dellos accésits. Los premios en categoría C (de 13 a 16 años) son pa los estudiantes del institutu Conceyu de Tinéu, Sara Montero Menéndez, ganadora col rellatu ‘Les mios ganes de vivir’, y Pablo Rodríguez Menéndez, mentes na categoría B (de 9 a 12 años) tán repartíos ente los colexos públicos d’El Pascón, Berducedo y el CRA Eugenia Ástur.

Read Full Post »

La casa

Elías Veiga
Premiu «Teodoro Cuesta» 2014
Pontiga, 25
ISBN: 978-84-8053-860-2
14 x 21 cm || 80 páxs. || PVP: 10 €

Con versos que vein enanchando l’infinitu campu de batalla qu’ía la vida ya l’alcordanza, los poemas de La casa espurren tamién el tiempu del pasáu ya la memoria. Cona l.lingua de casa, l’asturianu occidental, Elías Veiga vei construyendo un universu simbólicu que retrata de manera directa ya realista la pérdida ya’l desaniciu d’una forma de ser, de tar ya d’entender el mundu: l’Asturias rural, pero tamién universal, que pasín a pasu vei deixando’l posu de la sua vida ente las sombras del silenciu.

Elías Veiga (Presnes, Ayande, 1972) ía yá una voz consolidada, pura ya clara, de la poesía asturiana con tres poemarios publicaos: La tierra fonda (2004), Robinson Astur (2007) ya Testamentu (2013).

(d’Ediciones Trabe, 15-12-2016)

Read Full Post »

Antón García presenta su ‘Ferralla’ en el Aula de las Metáforas

La experiencia de un niño que encara por primera vez la muerte está en el meollo de Ferralla, el libro del poeta, narrador, crítico y traductor Antón García (Tuña, 1960) que mañana se presenta en la capilla de los Dolores de Grau a las 19,30 horas, en un acto organizado por el Aula de las Metáforas que contará con la presencia del autor y presentación de Leopoldo Sánchez Torre. La cita se inscribe dentro de la programación de la 37 Semana de les Lletres Asturianes y da a cononcer a los lectores el poemario que recibió el último premio Xuan María Acebal de poesía.

Pero, como muchos poemarios, Ferralla es también una indagación sobre la posibilidad misma de la poesía y sus medios. “¿Cómo perfilar la sombra con palabres, cómo algamar la sintaxis intuitiva de la infancia?”, se pregunta Antón García en el texto que precede sus versos, publicado también en su blog Estoiru. Ese esfuerzo de indagación en el lenguaje fue precisamente reconocido por el jurado que premió Ferralla entre otros ocho finalistas, integrado por el director general de Planificación Lingüística y Normalización, Fernando Padilla, los escritores Pablo X. Suárez, Elías Veiga, Esther Prieto y Ángeles Carbajal y Xosé Miguel Suárez, filólogo. Su dictamen destaca la “fuerza expresiva” y la presencia de “referencias cultas y populares perfectamente engarzadas” en la “estructura original” que Antón García emplea para “abordar un tópico poético”.

Read Full Post »

Antón García gana’l Premiu Xuan María Acebal de Poesía n’Asturianu

L’escritor Antón García ganó’l Premiu Xuan María Acebal de Poesía n’Asturianu, dotáu con 3.000 euros. El xuráu encargáu de valorar los ocho obres finalistes tuvo presidíu pol director xeneral de Planificación Llingüística y Normalización, Fernando Padilla, ya integráu polos escritores Pablo X. Suárez, Elías Veiga, Esther Prieto y Ánxeles Carbajal, amás del filólogu Xosé Miguel Suárez.

A esti galardón podíen presentase poemarios de tema, xéneru y estructura llibres, escritos en llingua asturiana con una estensión mínima de quinientos versos, siempres que fueren inéditos y non premiaos n’otros concursos, indiquen dende’l Gobiernu del Principáu en nota de prensa.

Read Full Post »

El bualés Miguel Rodríguez y el xixonés Francisco R. Álvarez lleven el XII Concursu de cuentos curtios de Cangas del Narcea

Esti miércoles conocíuse’l determín del xuráu del XII Concursu de cuentos curtios de Cangas del Narcea, formáu pola Conceyala de Cultura, Dña. Marta Fernández; por una responsable de la Rede de Normalización Llingüística nos Conceyos, Dña. María García; por profesoras especialistas en llingua asturiana que fan el sou ļļabor na zona occidental: Dña. Marta López ya Dña. Laura Marcos; por escritores: D. Xuan Santori ya D. Elías Veiga ya, p’acabar, pola responsable del Serviciu de Normalización Ļļingüística del Ilmu. Conceyu de Cangas del Narcea, Dña. Mónica Rodríguez Riesgo, alzándose ganadores d’esta edición última: na categoría d’occidental, el bualés Miguel Rodríguez Monteavaro, ļļingüista ya escritor que participóu cono cuentu Roma de moda; ya’l xixonés Francisco Ramón Álvarez González, periodista, traductor ya escritor que participóu cono cuentu Les flores del capitán Richardson.

El currículu d’estos homes da yá bona cuenta de la calidá de los trabayos presentaos al concursu, destacada polos miembros del xuráu, que se felicitanon de siguir contando con trabayos tan bonos, amás de pol espoxigue de la literatura na variante occidental.

(d’Asturnews, 18-12-2014)

Read Full Post »